Ég finn lukku í þessum laugardegi

Lifðu í lukku en ekki í krukku á laugardegi eins og þessum.

Það er eitthvað gott og lukkulegt við daginn.

Bíð bara spennt að sjá hvað það er..ósýnileg tilhlökkun og eftirvænting.

MAMMAN með ungana sína. Ég er að strolla af stað með Theodóru og Kareni með litlu ömmustelpuna Alice Þórhildi að horfa á Nóa spila fótboltann.  Svo ætla ég að drekka kaffi með vinkonu minni og tala um tilveruna og framtíðina sem bíður okkar.

Hún hér og ég þar.

Drekkum kappúsínó og horfum á stækkandi fjölskyldur okkar.

Einu sinni vorum við bara tvær ungar konur sem fóru sínar leiðir. Núna förum við um í flokkum eða hópum af fólki á öllum aldri með mislitt hár og marglit augu. Fáum okkur meira kaffi og brosum yfir auðlegðinni og látunum.

Já við erum ríkar og litríkar ömmur

 Lífið er í lit og við vitum ekkert hvert það liggur

 fyrr en það liggur

 við fætur okkar. 

 

Athugasemdir

[Ingi Geir Hreinsson, 29.9.2007 kl. 08:58]

Bestu kveðjur frá þungbúnu Íslandi. Gott plan fyrir daginn.

[Marta B Helgadóttir, 29.9.2007 kl. 09:57]

Eigðu góðan dag

[Ragnhildur Jónsdóttir, 29.9.2007 kl. 10:32]

En yndislegt! já, þetta er svo sannarlega alvöru ríkidæmi.

[Inga Helgadóttir (IP-tala skráð) 29.9.2007 kl. 11:14]

Bestu kveðjur og góða ferð.

[Jón Steinar Ragnarsson, 29.9.2007 kl. 11:24]

Berserkjamamma og litlu berserkirnir hennar.  Berserkjasveppir hafa frá aldaöðli verið notaðir til að auka mönnum móð í orrustum og svo er kenningar um að þeir hafi verið notaðir í helgihaldi í frumkristni og tengist saga þeirra "The holy grail".  þ.e. að þessi grail, sé í raun þessi sveppur.  Ég er þó meðmæltur því að fólk lesi innihaldslýsingu og aukaverkanir áður en þeirra er neytt.

[www.zordis.com, 29.9.2007 kl. 12:42]

Væri til í einn berserk núna .... svífa í gegn um mómentið, vera dugleg.  Ég skil þig svo vel núna, horfa yfir og allt um kring njóta þess að vera í hlutverkinu með mislitum augum og sálarstæðum. 

Ég held þá bara áfram að pakka .....

[Heiða Þórðar, 29.9.2007 kl. 13:53]

Yndæl sem fyrr

[Svava frá Strandbergi , 29.9.2007 kl. 14:13]

Góður pistill. Ég fann einn knallrauðan svepp úti í garði um daginn. Held að það geti varla hafa verið berserkjasveppur þar sem það vantaði á hann doppurnar, nema kannski þær hafi ekki verið komnar á hann.

[Heimir Lárusson Fjeldsted, 29.9.2007 kl. 14:50]

Fallegt.

[Jenný Anna Baldursdóttir, 29.9.2007 kl. 15:13]

Njóttu dagsins.

[Katrín Snæhólm Baldursdóttir, 29.9.2007 kl. 21:57]

Tók um borð upplýsingar um sveppina og borðaði þá ekki..en þessi laugardagur varð laugardagur í krukku fremur en lukku.  Í krukku sér maður í kringum sig og velur eftir útsýninu þaðan.  Kanski ekki lukka en samt enn ein hrukka í andlitið sem gefur í skyn lífsreynslu og upplifun. Verið velkomnar hrukkur mínar..ég geymi ykkur í krukku minninganna og reynslanna mina. Sjást í kringum augun.

Lífið er um að hrökkva eða stökkva.

[Herbert Guðmundsson, 29.9.2007 kl. 22:17]

Þetta er sófía fyrir sig, en mætti ég leggja til heilræði sem skúfaður faðir og afi, ekki útskúfaður heldur fjaðurskúfaður, til þess að auka líkur á lukku, væri það að skipta úr kaffi í te, helst grænt te.

Annars var Þórður sjómaður rómuð fyrirmynd í vökvaneyslu, því þegar öldurnar breyttust í vín sigldann í land til þess að ná sér i bland. Það hefur enginn toppað ennþá. En hann er víst dáinn, kallanginn ...

[Katrín Snæhólm Baldursdóttir, 30.9.2007 kl. 00:02]

Hef drukkið grænt te svo lengi sem elstu menn muna...en akppúsínó er samt minn daglegi drykkur með vinum mínum.

Og sparkling water. Spriklandi vantnið gerir sitt líka. En mig langar að vita meira.

[Jóna Á. Gísladóttir, 30.9.2007 kl. 00:42]

Sveppamyndin er svo krúttleg

[Katrín Snæhólm Baldursdóttir, 30.9.2007 kl. 00:47]

Já hún gefur mynd af því sem við gerum..erum bara umkringd okkar.

Öllu því fallegasta og því sem við berjumst fyrir....börnunum okkar ..alltaf!!!