Ímyndir

15.10.2007 | 07:47

Örblogg

Ef þið sjáið þessa færslu í guðanna bænum ekki segja neinum af heimilismeðlimum mínum að ég hafi stolist að blogga. Sagðist ætla upp að sækja kassa og sá þá gamla tölvujálkinn tengdan og gat bara ekki hamið mig....verð að fara. Það er einhver að koma upp stigann...

Psttt..fékk mér æðisleg stígvél í gær með grófum botni. Gat ekki hætt að dásama hvað þessir grófbotnuðu skór myndu halda svelli í slyddu og hálku þarna heima...get vaðið skafla upp í sköflung og allt. Maðurinn minn dró mig út úr búðinni þegar ég var farin að selja afgreiðslustúlkunni rómantíska og hlýlega vetarferð til Íslands og sagði að ég væri komin með ofskynjanir af því sem biði mín heima. Það væri tímabært að ég færi að vakna upp til raunveruleikans og minnti mig á að ég hafi alltaf sagt að ég sé eins og krumpuð og grimmlynd rúsína í framan yfir vetrartímann á íslandi og skapið eftir því...Ég get svo svarið það að ég man bara ekki eftir að hafa nokkurn tíman sagt slíka vitleysu

Flokkur: Bloggar | Facebook

Athugasemdir

Æj, þú ert krúttlegust !!!

Haltu svo áfram að pakka ... seldu nokkrar galdraferðir til Íslands því þú ert flott sem galdrafararstjóri!

www.zordis.com, 15.10.2007 kl. 09:09

Lofa að segja engum frá.

Ásthildur Cesil Þórðardóttir, 15.10.2007 kl. 09:10

Ég þegi, þar sem samkennd mín með skósjúkum konum er þekkt fyrirbrigði.

Jenný Anna Baldursdóttir, 15.10.2007 kl. 10:19

Hey...mynd af stígvélunum takk! Geturu ekki keypt sona fyrir mig? Finn engin grófbotna sem mig langar í hérna...nema í 38 þrepum og þau kosta MÁNAÐARLAUN... eða hálf eða eitthvað

Heiða B. Heiðars, 15.10.2007 kl. 11:20

Frábær alveg

Marta B Helgadóttir, 15.10.2007 kl. 12:46

Alltaf skemmtileg. Ekki spurning.

Inga Helgadóttir (IP-tala skráð) 15.10.2007 kl. 14:40

Gangi þér vel með að pakka ég segi ekki orð.

Kristín Katla Árnadóttir, 15.10.2007 kl. 14:41

Innsigla talfærin. Gangi þér vel - og undirbúðu þig fyrir nepjulegan nóvember á landinu kalda. (Samt er hvergi meira kósí en á Íslandi um drungalega vetrarmánuði...!)

Guðný Anna Arnþórsdóttir, 15.10.2007 kl. 18:05

My lipþ aðe þealed, Katðín. *smjúts*

Hugarfluga, 15.10.2007 kl. 21:46

Ég hvísla þessu mjög lágt..........hvísl, hvísl........... ég er ekki skókona og finnst vont að vera í skóm

Gangi þér vel að pakka!

það verða væntanlega margir pakkar,

húsgögn, SKÓR, karl og krakkar

Margrét St Hafsteinsdóttir, 16.10.2007 kl. 02:56

Frábært hvað þér getur dottið í hug. Getur þá verið að

ÖRBLOGG sé SNÖR BLOGGÍNA? Næst notar þú NANO tæknina til að blogga. Meira blogg.

Þórarinn Þ Gíslason (IP-tala skráð) 16.10.2007 kl. 02:56

Heppin að finna stígvél! Ég er enn að leita mér að sígvélum... kíki svona útundan mér, maður veit aldrei

Gangi þér vel að pakka.

Guðrún Þorleifs, 16.10.2007 kl. 07:02

Er búin að lesa öll bloggin sem þú ert búin að skrifa frá því að ég fór út því að ég get bara ekki misst af þessum snilldar skrifum þínum

Hlakka mikið til að sjá ykkur á Íslandi...det var länge sen!!

Vilborg, 16.10.2007 kl. 11:36

Segðu mér meira af grimmlyndum rúsínum.

Heimir Lárusson Fjeldsted, 16.10.2007 kl. 12:22

Tíhíhí. Segi ekki orð. það er ekki hægt að standast bloggið. Skil þig vel.

Ásdís Sigurðardóttir, 16.10.2007 kl. 12:48

Skemmtilegt Gleymdu samt ekki að pakka tölvunni líka, svona í restina, þú verður að geta haldið áfram að blogga þegar heim í rúsínukuldann kemur.

Ragnhildur Jónsdóttir, 16.10.2007 kl. 13:05

just love bloggið þitt...þegar þú lokar hurðinni og skellir í lás og kveður útlandið... verður tölvan, djásnið góða undir handarkrikanum... og verður þér við hlið í ferðalaginu alla leið til heimalandsins litla... you just...getur ekki sleppt henni my dear... gangi þér og þínum sem allra best í sorteringunni og komandi flutningunum...