Ekkert hallærislegra en ég

Fékk símtal í morgun frá kærri vinkonu. Við spjölluðum saman í nokkra stund og þá sagði hún.".Vá Katrín veistu að þú ert komin með smá hreim..."!!!

Það er ekkert hallærislegra en íslendingar sem hafa verið í útlöndum í svolítinn tíma og koma svo heim með hreim og sletta hægri vinstri...eins og ég á reyndar heilmikið til.

Just can´t help it sko.

 Já ég er ein af þessum hallærislegu. Ef þið viljið eitthvað tala við mig skuluð þið bara læra táknmál. Ég mun ekki tjá mig munnlega eða upphátt fyrr en ég hef losnað við Hreiminn illvíga. Nema ég skipti um skoðun og finnist það bara töff eftir hádegi. Ég er sko tvíburi. Það sést best á því að í gær var ég með annað símanúmer en ég er með í dag. Magnað.

Er að bíða eftir viðbrögðum frá hungruðum vinnuveitendum og fæ lyklana að heimilinu mínu seinnipartinn. Og já. Ritgerðin er hálffædd og mun líta dagsins ljós alkomin og fullklædd með kvöldinu á einhverju kaffihúsinu.  Það er bara allt að gerast á þessari eyju hérna. Svei mér þá.

Hlustið nú á þennan fallega trúð leika lagið...óskasteinar.

 

Athugasemdir

[Jenný Anna Baldursdóttir, 30.10.2007 kl. 10:41]

Hehe, hef reyndar ekki heyrt hreiminn, en þú gætir hafa komið þér honum upp á þessum mánuði sem liðinn er síðan ég heyrði í þér.  Til hamingju með lykil að heimili og nýtt símanúmer.

[Matthildur Ágústa Helgadóttir Jónudóttir, 30.10.2007 kl. 10:55]

Góða Katrín velkomin heim.  Aldrei að vita nema ég hafi upp á þér í einhverju skreppinu.

[Kristín Katla Árnadóttir, 30.10.2007 kl. 14:25]

Og hvað er af því að hafa hreim elsku Katrín það lagast, til hamingju  með að vera flutt heim.

[Ásthildur Cesil Þórðardóttir, 30.10.2007 kl. 15:05]

Hreimur getur bara verið krúttlegur, þegar hann er ekki heimatilbúinn

[Svava frá Strandbergi , 30.10.2007 kl. 15:34]

Hva, það það er bara flott að hafa hreim. Skiljanlegt eftir öll þessi ár í Englandi, en það var hallærislegt að ég var komin með norðlenskan hreim eftir að vera búin að dvelja í tvær vikur hjá systur minni á Húsavík.

[Guðríður Hrefna Haraldsdóttir, 30.10.2007 kl. 16:52]

Só vottt, þótt þú hafir hreim, það er bara allt í lagi og mjög eðlilegt eftir svona langa búsetu úti. Hlakka til að heyra í þér, með hreim eða án!

[Ingi Geir Hreinsson, 30.10.2007 kl. 21:05]

Sæl Katrín, þú ert einhver kúúlasti bloggarinn sem ég veit um.

Síðan er það að ég bjó erlendis og kom heim. Ekki nóg með að móðir mín segði mig hafa hreim þegar ég talaði íslensku heldur sagði bróðir minn mig hafa kanadískan hreim þegar ég talaði ensku (af því að við slettum mikið!). Ég kaus að líta svo á að ég hefði drukkið í mig nýjan menningar- og tungumálsheim svo að það hafði áhrif á mig. Ekkert að því. Þetta þýðir bara að þú tókst þátt í lífi og tilveru innfæddra. Er það ekki það sem við gagnrýnum stöðugt útlendinga hér fyrir að gera ekki? Bara sjónarmið.

[Marta B Helgadóttir, 30.10.2007 kl. 22:47]

Copy paste það sem Sara segir hérna

Hafðu nú ekki áhyggjur af þessu, þetta hefur með næmi og innlifun að gera. Sá sem lærir tungumál og notar með því að "lifa sig inn í" það hvernig þeir tala málið sem hafa það fyrir móðurmál, þurfa oft að stíga nokkuð fleiri skref út úr sinni innlifun aftur  - heldur en þeir sem "innlifa" aldrei neitt og tala bara öll tungumál með sama rammíslenska hreimnum. Þegar svo Englandsstrendur verða smám saman fjarlægari í huga og hjarta þá hverfur þetta af sjálfu sér.