Ímyndir

31.10.2007 | 00:49

Andvana magnvana máttvana..nei bara andvaka.

Ég get ekki sofið því ég sofnaði strax eftir kvöldmat þar sem heilinn í mér var svoooo þreyttur eftir akademískar ritsmíðar sem stóðu frá morgni til kvöldmatar... og vaknaði svo bara klukkan að ganga ellefu og er núna andvaka á vindsæng á miðju stofugólfi.

Theodóra sefur hinumegin við mig í tveggjasæta sófanum og Nói í þriggjasæta sófanum á móti henni og snýr tánum beint í hausinn á pabba sínum sem sefur á annarri vindsæng með hausinn útvið svaladyrnar. Svona er það að eiga hvergi heima og eiga gistinguna undir öðrum. Gott samt að þurfa ekki að gista í fjárhúsi í þessu veðri.

Annars er ég bæði með svefngalsa og komin í sannkallað jólaskap. Jólaskapið held ég að sé tilkomið vegna þess að mannkyn hefur verið kallað til skráningar. Allavega ég og mín fjölskylda og höfum við nú farið á asnanum alla leið frá Hafnarfirði til Reykjavíkur og skráð okkur til löglegs heimilis, fengið skráð símanúmer, börnin skráð í skóla og Nói skráður í KR. Við eigum enn eftir að skrá okkur fyrir heilsugæslu og fá skrásetningarnúmer á bíl þegar við skilum asnanum.

Já ef þetta er ekki jólalegt þá veit ég ekki hvað.

Man það svo lengi

sem lifað ég fæ

..man ég þá er hátíð var í bæ. Whistling

Night night

Flokkur: Bloggar | Breytt s.d. kl. 08:13 | Facebook

Athugasemdir

Knús og klemm inn í nóttina María Mey

Jenný Anna Baldursdóttir, 31.10.2007 kl. 00:52

Velkomin heim og gangi ykkur allt í haginn - já núna verða allir að hafa útsýni yfir friðarsúluna - ég er með eitt það besta - sko bæði úr sumarhúsinu og blokkaríbúðinni í Breiðholtinu, alveg dásamleg uppfinning. Vona að þér gangi allt í haginn og kannski við heyrum bara í þér á einhverri útvarpsstöðinni eins og í gamla daga.

Ingibjörg Þ

Ingibjörg R Þengilsdóttir, 31.10.2007 kl. 09:41

Æ það verður bara því betra að komast í sitt eigið fjárhús Katrín mín. Vonandi kemstu þangað sem fyrst.

Ásthildur Cesil Þórðardóttir, 31.10.2007 kl. 11:44

Varstu hvergi spurð um skóstærð eða fatastærð. ? þeir vilja alltaf hafa allt á hreinu. En afhverju fórstu úr Hafnarfirði til að skrá peyjann í KR hefði ekki verið betra bara að hafa það FH eða Hauka.?? Hafðu það annars gott,

Ásdís Sigurðardóttir, 31.10.2007 kl. 15:49

Sko Ásdís mín...við erum í gistingu í Hafnarfirði en flytjum Á MORGUN í Vesturbæinn og þess vegna fer strákurinn í KR. Er einmitt á æfingu núna. Annað kvöld munum við sofa fyrstu nóttina og endanlega setja niður hælana í íslenska jörð. þar sem við erum komin með íbúðina og dótið okkar mætir á staðinn á morgun klukkan tíu Jeminn hvað það verður gott að sofa aftur í sínu rúmi með sínum manni. Er algerlega steinhætt við að flytja á elliárum til Ítalíu. Ætla bara að vera hér.