Kæri herra Veðurguð!!!

Rosalega leggst þessi dagur vel í mig. Ég skildi eftir orðsendingu undir rúðuþurrkunni hjá Herra Veðurguði í morgun. Ég fór fram á að hann tiplaði bara á tánum um sunnanvert íslandið þennan daginn og sparaði sér skarpar skapbreytingar...sem valda haglélum og byljum ásamt skafrenningi. Sagði honum að þar sem við værum að flytja í dag og værum enn svolítið óvön svona landsynningi og hretum værum við honum mjög þakklát að hafa veðurblíðu og jafnvel smá hita svona fram yfir kvöldmat. Þegar ég væri svo búin að setja upp rúm og hlýja sængur ásamt því að tendra kertaljós í hverjum glugga væri honum velkomið að sleppa sér algerlega og bjóða okkur velkomin með alíslenskum veðralátum og vindgangi. Enda svo kannski gjörninginn á dúndrandi dansi Norðurljósa.  Þá færi ég sko sæl að sofa...alveg hreint undursæl bara.

Mér sýnist að hann hafi lesið þennan litla snepil sem lá undir rúðuþurrkunni hans í mogun og sé fram á góðan dag til flutninga. Takk fyrir það kæri herra Veðurguð að taka svona vel í þetta. Þér verður boðið í kakó og piparkökur í desember í Vesturbæinn sem þakklætisvott fyrir greiðann.

Knús..Þín Katrín

Athugasemdir

[Ívar Pálsson, 1.11.2007 kl. 10:27]

Katrín, þetta er á vedur.is: Veðurhorfur næsta sólarhringinn. Viðvörun: Búist er við stormi sunnan- og vestanlands seint í dag. Spá: Austlæg átt, 3-8 og jartiviðri. Austan 13-20 með snjókomu eða slyddu sunnan- og vestanlands upp úr hádegi, en 18-25 og rigning síðdegis við ströndina.

Drífið í flutningunum! Gangi ykkur vel. 

[Katrín Snæhólm Baldursdóttir, 1.11.2007 kl. 10:32]

OH my weathergod!!!! Eins gott að drífa sig NÚNA!!!!

[Jenný Anna Baldursdóttir, 1.11.2007 kl. 11:39]

Góða skemmtun í flutningunum á nýja heimilið.  Ég er viss um að Guðinn bíður og heldur niðri í sér andanum þangað til að þið eruð klár með ykkar.

Smjúts á ykkur.

[Steinunn Helga Sigurðardóttir, 1.11.2007 kl. 13:29]

gangi ykkur vel að flytja

AlheimsLjós til þín

steina 

[Guðríður Hrefna Haraldsdóttir, 1.11.2007 kl. 14:23]

Ég veit hvar rokið er. Hviðurnar á Kjalarnesi eru komnar í c.a. 22 m/sek og þarf heila 8-10 til að það verði ófært. Við gleðjumst með þér yfir því að þú flytjir í skjólsælan Vesturbæinn í dag. Gangi ykkur rosalega vel, elskan mín!

[Kristín Katla Árnadóttir, 1.11.2007 kl. 17:57]

Gangi þér vel í flutningunum og veðurguðinn hefur hjálpað.

[Ásthildur Cesil Þórðardóttir, 1.11.2007 kl. 18:18]

Vonandi hefur ykkur gengið vel, og eruð komin með alla muni í nýja húsið, búin að kveikja á kertum í hverjum glugga, elsku Katrín mín.

[Ragnhildur Jónsdóttir, 1.11.2007 kl. 18:31]

Gangi ykkur vel, eða já, vonandi eruð þið búin að koma öllu inn í hús núna. Ertu búin að finna kertakassann og eldspýturnar?

ég held að veðurguðinn sé bara svona æstur í að bjóða ykkur velkomin, skiluru....

[Hrönn Sigurðardóttir, 1.11.2007 kl. 20:33]

Vona að ykkur hafi gengið vel að flytja og að mér verði boðið um leið og veðurguðinum í piparkökur.....

[josira, 1.11.2007 kl. 23:02]

Til lukku með flutningin......það verður bara notalegt að kúra á eftir og hlusta á íslensku rigninguna og rokið...svo er bara að muna hvað er í draumunum fyrstu nóttina á nýja staðnum......

[Ásdís Sigurðardóttir, 2.11.2007 kl. 00:31]

Jæja, nú vona ég bara að þið séuð komin heil í hús og upp í rúm og líði öllum vel.  Guð geym.

[Steingerður Steinarsdóttir, 2.11.2007 kl. 15:02]

Gangi þér vel í flutningunum.

[zordis (IP-tala skráð) 2.11.2007 kl. 16:44]

Knús í kross ..... kvedja frá flutningaálfinum

[Huld S. Ringsted, 2.11.2007 kl. 17:13]

Vonandi hefur hlustað á þig og allt gengið vel í flutningunum.

[Huld S. Ringsted, 2.11.2007 kl. 17:14]

það átti að koma veðurguðinn á milli hefur og hlustað!

[Gerður G. (IP-tala skráð) 2.11.2007 kl. 18:34]

Velkomin heim , og gangi ykkur allt í haginn.   Kveðja Gerður G.

[Hugarfluga, 2.11.2007 kl. 21:43]

Er ekki gott að vera komin HEIM, Snædrottning??

[Marta B Helgadóttir, 3.11.2007 kl. 01:15]

Það er kominn nýr bókalisti....

[Þórarinn Þ Gíslason (IP-tala skráð) 4.11.2007 kl. 08:05]

Það eru jól í IKEA,sænsk.

[Svava frá Strandbergi , 4.11.2007 kl. 23:18]

Velkomin heim og í húsið ykkar. Veðurguðinn er með rosalegan vindgang fyrir utan gluggann hjá mér núna.

[Guðný Anna Arnþórsdóttir, 5.11.2007 kl. 21:53]

Vesturbærinn, hm, þar er aldrei logn nema milli klukkan 23.10 og 23.40, þá mánuði sem byrja á j, öll ár nema hlaupár. Eða þannig. En samt er Vesturbærinn yndislegur með hundum sínum, köttum, steinhúsum, Bráðræðisholti, Háskóla og Melabúð. Og fjölbreyttu fólki. Held og lykke á nýja heimilinu.

[www.zordis.com, 7.11.2007 kl. 22:05]

Hjartans englaknús og gangi ykkur vel að koma öllu á réttan stað!

[Margrét St Hafsteinsdóttir, 9.11.2007 kl. 02:03]

Gangi ykkur vel að koma ykkur í stuð í gamla landinu. Verðum í bandi.