Ég er enn á því að ég verði auðkýfingur

Þeir eru að auglýsa í blöðunum að nú séu seinustu förvöð að skrá sig og starfstitilinn í símaskránna.

Þeir sem þekkja mig vita að það er mitt markmið að verða skráð Katrín Snæhólm Baldursdóttir auðkýfingur (í anda og efni auðvitað) í símaskránna.  Mér finnst ég vera orðin augðug í andanum en þetta efnislega er ekki alveg að gera sig ennþá. Ég örvænti samt ekkert þar sem ég hugga mig við það eiga mörg líf framundan til að láta markmið mitt rætast en  þegar ég sá þessa auglýsingu vissi ég að mér væri borgið. Og það í þessu lífi.

Fjármálanámskeið sem ber yfirskriftina Úr mínus í plús og með þessu les maður bókina.... Þú átt skítnóg af peningum.  (eða var það þú átt nóg af peningum?)

This is so my cup of tea ...er að hugsa um að skrá mig strax..bara verst að ég er ekki enn komin með vinnu og innkomu til að borga námskeiðið og fjárfesta í bókinni. Það gæti hins vegar verið að rofa til í vinnumálum eftir helgina...Get ekki beðið eftir að sjá hver hreppir hnossið. Mig sko.

Ætli ég verði ekki að bíða með skráninguna og starfsheitið í eitt ár til viðbótar.

Set núna bara Katrín Snæhólm Baldursdóttir Hnoss. 

 

 

 

 

 

 

 

 

 

 

 

 

 

 

 

 

Hver ert þú samkvæmt símaskránni?? 

Athugasemdir

[Jenný Anna Baldursdóttir, 11.1.2008 kl. 13:49]

Ég ælta að verða Jenný Anna Baldursdóttir, hitt og þetta en í alvörunni þá skirfaði maðurinn minn eftirfarandi í símaskrána fyrir nokkrum árum:

Einar Vilberg Hjartarson, sendill (bara svona til að hinta að því að ég væri of mikið í að láta hann snattast). Hehe

[Katrín Snæhólm Baldursdóttir, 11.1.2008 kl. 14:06]

He hehe...sendillinn hennar Jennýar. Það er örugglega alveg fullt starf og gefandi!!

já listinn er bara svo langur ef maður vill titla sig eitthvað merkilegt sko..svo auðkýfingur í anda og efni finnst mér alveg tilvalið. Fer náttla smá eftir hvernig vinnu ég fæ hvernig gengur eða hversu fljótt ég verð heimsfrægur málari og skrifari. Kannski bý ég mér bara til alveg nýan farveg sem ég hef aldrei farið áður...annað eins getur nú gerst hjá konum. Og ég veit allt um að maður kaupir ekki hamingju fyrir peningana enda ætla ég að nota þá í annað.....leyndó!

[Ásdís Sigurðardóttir, 11.1.2008 kl. 14:11]

Auðvitað ert þú auðkýfingur ekki spurning, en mikið rosalega er þetta krúttleg budda á myndinni  Ég er "ekkert" lélegt það. Kannski að ég skrái mig sem fjöryrkja, alveg athugandi.  ætla að drífa mig í að ryksuga létt yfir og búa um og taka úr vélinni og, og, og. Svo ég geti slappað af í tölvunni. Eigu ljúfan dag.

[Hulda Bergrós Stefánsdóttir, 11.1.2008 kl. 14:39]

Margt er hægt að fá fyrir peninga en hamingjan er ekki föl fyrir öll heimsins auðæfi.

En þú ert hinn eini sanni auðkýfingur

[Bryndís R (IP-tala skráð) 11.1.2008 kl. 16:13]

Ég er ekki neitt samkvæmt símaskránni þar sem að ég er ekki skráð í hana

[Kristín Katla Árnadóttir, 11.1.2008 kl. 16:32]

Já mjög krúttleg budda. Þú gefur svo mikið af þér þá finnst mér þú auðkýfingur þá er ekki að tala um peninga heldur hjartalag.

[Steinunn Helga Sigurðardóttir, 11.1.2008 kl. 17:08]

ég er ekki í símaskránni ! en ef þú ferð inn á Krak.dk þá er ég Steinunn Helga Sigurdardóttir

Bless

steina 

[Hrönn Sigurðardóttir, 11.1.2008 kl. 17:58]

Ég er nú bara - ef mig skyldi kalla - ég sjálf og hana nú!

;)

[Hólmgeir Karlsson, 12.1.2008 kl. 00:59]

ég er bara ég í símaskránni ,.... og ég á enn fullt í fangi með að átta mig á hver það er, he he  ...

[Guðrún Þorleifs, 12.1.2008 kl. 22:03]

Skondið, hef ekki slegið mér upp í símaskránni eftir að ég flutti til DK en gerði það núna og viti menn, mín er bara skráð til heimilis á fyrrum heimilisfangi foreldra sinna. Snilld, ekki einu sinni síðasta lögheimili á Íslandi. Nú veit ég þetta  Skemmtilegt

[Guðný Anna Arnþórsdóttir, 13.1.2008 kl. 23:06]

[Steingerður Steinarsdóttir, 14.1.2008 kl. 10:27]

Símaskráin var nú svo elskuleg að gefa mér titilinn ritstjóri áður en ég fékk hann í raunveruleikanum. Ég hallast því að því að hún sé forspá og mæli með því að menn setji sér markmið í símaskránni og sjái svo til hverju fram vindur.