Myndir úr stjórnmálum íslands..litlu eyjunnar þar sem ævintýrin enn gerast.

Það verður enginn maður með stjórnmálamönnum nema kunna að klæða sig vel og fallega. Já í sumum tilfellum að kunna hreinlega að dulbúast á litríkan hátt.

Mikilvægust er þó gríman sem menn verða að bera dags daglega svo ekki komist upp um raunveruleg áform þeirra með óaðgætilegum augnagotum. Munið að menn horfa upp til að sækja upplýsingar í minningabankann og niður þegar þeir eru að skapa eða semja eitthvað sem aldrei gerðist. Sumir kalla það að ljúga eða hið dæmigerða stjórnmálalega minnisleysi. Pólitískt alsheimer. 

 

 

 

 

 

 

Hver er maðurinn??

Ekki veit ég það.....þekki engann sem myndi ganga í grænum jakkafötum með platvængi. Þessi búningur dylur ekki litlu gullhornin og halann sem hann dregur á eftir sér og lemur kjósendur í hausinn með svo þeir missi meðvitund og kjósi hann aftur þegar þeir rakna úr rotinu. Virkar alltaf!!!

 

 

 

 

 

 

Hvað eða hver ræður för þegar þegnarnir eru farnir að nota orðið bananalýðveldi í öðru hverju orði þegar fjallað er um stjórnsýsluna á Ævintýraeyjunni í Norðri?? 

Það er alltaf gaman af ævintýrum þar sem apar eru menn og menn eru apar..en þegar skilin á milli ævintýrsins og alvörunnar  fara tapast er ekki eins skemmtilegt. Þá fer maður að kíkja aftast og skoða hvort það fer ekki að koma..

The end!!

Endaleysan getur ekkert haldið áfram endalaust..eða hvað?? 

 

 

 

 

 

Allir vita þó hvernig ævintýrið endar

....sá vinnur sem malar mesta gullið

og kann mesta bullið.

Stendur traustustu fótunum á því sem blífur.

Auði og völdum. 

 

 

 

 

 

 Þetta ævintýri er í boði Íslensku bananasölunnar Austurtorgi.

Athugasemdir

[Ásdís Sigurðardóttir, 22.1.2008 kl. 22:18]

Hvað fæst borgað fyrir að ganga í grænum jakkafötum með vængi??  er ekki allt gert fyrir völd og peninga ??

[Katrín Snæhólm Baldursdóttir, 22.1.2008 kl. 22:52]

Annars hef ég þann skýra ásetnging að skipta mér ekki af pólitík þar sem hún fer ferlega illa með geðheilsu venjulegs fólks..það er hreinlega ekki fyrir konu eins og mig að reyna að botna upp né niður í svona bráðhuggulegum farsa. Miklu betra að gefa bara öndunum brauð og labba rólega í kringum tjörnina..

[Marta B Helgadóttir, 22.1.2008 kl. 23:08]

Það er ótrúlegt hvað pólitíkin getur orðið mikið ljót.

[www.zordis.com, 23.1.2008 kl. 00:08]

Mæli með öllu öðru en pólitík.  Mér finnst bara gott að vera í spænsku deilunum .... er ekki allstaðar verið að reyna að koma fólki frá, fólki að, svik hér og prettir þar. 

Gott að vera einhverfur með sjálfum sér, þamba soðið vatn, 1000 blóma hunang og sítrónu og mála á flísar.  Já, það er margt sniðugt hægt að gera og nú er tími kominn á að dusta af vængstúfunum ....

Knús inn í nóttina!

[Ágúst H Bjarnason, 23.1.2008 kl. 06:37]

Stundum finnst mér það hljóti að vera mjög mannskemmandi að starfa í pólitík. Ég fékk eiginlega upp í háls þegar lætin voru sem mest síðastliðið haust, en nú er ég eiginlega hálf dofinn. Veit ekki hvort ég á að hlæja eða gráta og geri því hvorugt. Er eiginlega hryggur og ber harm minn í hljóði. Skil ekki með nokkru móti svona baktjaldamakk, óheilindi  og persónulegt framapot sem tíðkast í stjórnmálum.

[Steinunn Helga Sigurðardóttir, 23.1.2008 kl. 15:52]

fallegt !

Bless

steina

[Svava frá Strandbergi , 23.1.2008 kl. 18:24]

Pólitík er ömurleg tík

[Bára Friðriksdóttir, 30.1.2008 kl. 22:39]

Sæl Katrín!

Ég styn með þér yfir pólitíkinni í borginni. Sorglegt er að starfsemi í stjórnsýslunni verður óstarfhæf með þessu hringli. Þannig líða allir borgarbúar.

Hitt er verst hvernig svik og valdagræðgi sama hvar í flokki hún er særir og meiðir svo marga. Það stija margir illa særðir eftir þennan vetur í pólitík. Þakka ég Guði mínum fyrir að einhverjir aðrir en ég nenna að sinna borgarstjórnarsetu.

Gangi þér vel gamla góða vinkona í öllu sem þú tekur þér fyrir hendur.