Ímyndir

8.2.2008 | 10:13

Það er alveg sama hvað ég rígheld í lakið...

......ég er alveg við það að fjúka út úr rúminu. Og það er varla farið að birta. Hef það á tilfinningunni að það búi eitthvað í rokinu og regninu sem lemur á gluggann minn. Best að klæða sig fallega og fara þarna út dansandi og hlusta á þessa tónlist sem kemur í gegnum votviðrið og vindinn.

Ég er með lag á heilanum sem er alltaf í útvarpinu og það er svo fallegt og ljúft. Verði ljós..syngur söngvarinn og ég sem held mest uppá þessi tvö orð..Verði ljós og það að koma í ljós. Á endanum kemur allt í ljós. Mjúkt og hlýtt.

tra la la la la.

En nú er ég rokin af stað að kaupa mér fallega hvíta skyrtu því ég hef verið boðin í dömupartý og er ekki að hugsa um neitt annað en í hverju ég ætti að vera. Og að ég verði að muna eftir að fá systur mína til að gera á mér hárstrýið.

Og ekki nóg með að mér hafi verið boðið í dömupartý heldur fékk ég sérstakt boð til að koma og skoða bíl í dag. Léttar veitingar og magnaðar ljósmyndir á veggjum hef ég heyrt.

Já..mér líður eins og ég sé eitthvað svona important lady og eins og dömupartý og bílaýning séu ekki nóg, stendur mér líka til boða að fara til Köben með æskuvinkonunum að rifja upp minningar sem eiga ekki heima á prenti. Og ég sem var að fá mér bókasafnskort og er hrikalega upptekin við að lesa Heilræði Lásasmiðsins eftir Elísabetu Jökuls.

Sé ekki hvernig kona kemst yfir allt þetta.

Byrja á hvítu skyrtunni og tek þetta þaðan...Það er engin kona með englum nema klæðast hvítu.

Fokin!!!!

Já eitt enn...þar sem myndlistasýningunni minni fer að ljúka og ég hef hvergi pláss fyrir allar þessar myndir ætla ég að gera eitthvað bráðsniðugt eins og það að halda brunaútsölu..af því að það er búinn að vera brunagaddur skiljiði..og senda þessar yndir þangað sem þær munu njóta sín á yndislegan hátt.

Meira síðar.

Flokkur: Bloggar | Breytt s.d. kl. 10:15 | Facebook

Athugasemdir

Góða skemmtun.

Jenný Anna Baldursdóttir, 8.2.2008 kl. 15:07

Láttu endilega vita verðið á myndunum á brunaútsölu, þær verða þá kannski á verði sem fjöryrkjar ráða við, ekki það að þú sért að selja þær dýrt, heldur eru launin svo léleg.

Ásdís Sigurðardóttir, 8.2.2008 kl. 18:08

Hvít skyrta handa engilfríð ... fagur höddur og heimsfríð konan!

Þú veist hvaða mynd ég vil.

Ást í poka!

www.zordis.com, 8.2.2008 kl. 20:40

Góða skemmtun í partýunum!

Huld S. Ringsted, 8.2.2008 kl. 22:53

Sara mín aðalpartýið er auðvitað opnunin þín á morgun og ég er svo spennt að sjá myndirnar og verkin þín svona í návígi og ekki síst að hitta þig...Þetta er ekkert smá vindasöm helgi. Gott að ég er búin að pakka krökkunum mínum vel inn og færa rúmin frá gluggum svo það fjúki nú örugglega ekkert á heimilisfólkið.

Það verður gaman að sjá hvaða mynd ratar hvert...ég er vissum að þær eiga sér sérstakan stað hver og ein og akkúrat fyrir einhverja sérstaka persónu.

Hugmynd komin til jarðar í lit og leitar svo heim.

Rokrassgatakveðjur til ykkar allra og farið vel með ykkur

Katrín Snæhólm Baldursdóttir, 8.2.2008 kl. 23:04

Ég dáist að hugprýði þinni og geðgæsku í þessu veðri. Er sýningin þín ennþá á hótelinu niðri í miðbæ? (Ég skammast mín sárlega en ég vinn í Tjarnargötunni og er ekki enn búinn að andskota sjálfum mér yfir að skoða ). Mea maxima culpa.

Ingi Geir Hreinsson, 9.2.2008 kl. 10:16

Góða skemmtun í dömupartýinu og vonandi ertu á leiðiini í skvísupartýið hér í Köben - Kíktu inn á vefinn hjá flugleiðum núna þeir voru að auglýsa ódýrar ferðir hingað.