Ha ha ha ha ha......

Í morgun þegar ég var í svefnrofunum og fjölskyldan var að taka sig til að mæta í vinnu og skóla heyrði ég eftirfarandi þegar pabbinn var að vesenast eitthvað inni í borðstofu við að strauja skyrtuna sína áður en hann fór í vinnu og klæða sig.

Sonurinn..Pabbi í hverju ertu eiginlega??

Pabbinn..Nú vinnuskyrtunni minni.

Sonurinn.. Nei,þetta getur ekki verið þín skyrta. 

Pabbinn..Jú víst, þetta er nýja skyrtan sem ég keypti mér um daginn. Hún er bara meira stælis en hinar skyrturnar mínar.

Sonurinn Ertu viss..mér finnst hún eitthvað skrítin á þér..straujaðir þú hana eitthvað vitlaust??

Pabbinn...Nei hvaða vitleysa, hún er fín á mér og á að vera svona. Byrjaði að hneppa að sér

Dóttirin.. Pabbi þetta er ekkert þín skyrta

Pabbinn..Jú víst...eins og ég sagði..þetta er skyrtan sem ég keypti í voða flottri tískubúð í Kringlunni um daginn!! Skoðar sig í speglinum og finnst hann bara voða fínn. Þegar þarna var komið sögu hafði ég augun opin og horfði fram eftir ganginum á það sem fram fór.

Sonurinn..Nei þetta er hvíta spariskyrtan sem mamma fékk lánaða hjá systur sinni um daginn. Hrikalega hneykslaður á pabbanum að sjá þetta ekki

Pabbinn..Nohj..hvaða vitleysa..þetta er mín skyrta..hélt áfram að hneppa og sollis 

Dóttirin..Pabbi það eru mittissaumar á henni og hún er aðsniðin

Pabbinn..Nei hvað er að ykkur  Haldiði að ég myndi fara í konuskyrtu í vinnuna..eruð þið ekki almennilega vöknuð???.Setur á sig bindi og alles Skyrtan samt eitthvað þröng utan um bumbuna svo hann fer að tékka og finnur sína skyrtu í þvottabalanum.....!!!!

Þetta var semsagt morguninn sem maðurinn minn gerði allt hvað hann gat til að fara í vinnuna í hvítu flottu dömuskyrtu systur minnar....

Mikið rosalega hefði ég viljað sjá upplitið á vinnufélögunum hans ef krakkaormarnir hefðu ekki stoppað kallinn í að fara svona í vinnuna. Ég er búin að gefa þeim skýr fyrirmæli að leiðrétta ekki svona skemmti-uppákomur í framtíðinni og leyfa pabba sínum bara að ráða sínum eigin fatastíl. Hann fylgist nebbla svooo vel með tískunni.

Þegar hann fór kallaði ég..."Hey Óli minn færðu ekki að fara í vinnuna sem aðalpæjan..ha?? Og svo lá ég bara og brosti út í myrkrið.

Lengi.

 

Athugasemdir

[Kristín Katla Árnadóttir, 13.2.2008 kl. 20:02]

Hahaha mikð er þetta fyndið .

[Ásdís Sigurðardóttir, 13.2.2008 kl. 20:11]

Þetta hefur verið skemmtilegur morgunn hjá þér, hann passar sig örugglega á öllum skyrtum í framtíðinni. 

[www.zordis.com, 13.2.2008 kl. 21:12]

Góður þessi ....   Voðalega hefur Óli samt verið ákveðin að þetta væri hans stíliseraða fína nýja tískuflík!

Guð blessi þennan strák

[Anna Einarsdóttir, 13.2.2008 kl. 22:51]

Ohhhh..... ferlega hefði verið gaman ef hann hefði farið í vinnuna svona til fara. 

[Ágúst H Bjarnason, 13.2.2008 kl. 22:54]

Hann hefur ekki verið almennilega vaknaður þennan morgun!

[Sporðdrekinn, 14.2.2008 kl. 00:33]

 Þetta er frábært!

[Jóna Kolbrún Garðarsdóttir, 14.2.2008 kl. 02:12]

Mikið áttu eftirtektarsöm börn

[Katrín Snæhólm Baldursdóttir, 14.2.2008 kl. 09:13]

Já Jóna mín..það fer nú fátt framhjá börnunum Enda alveg augljóst að hann var undarlegur í kvenskyrtunni þó það tæki hann sjálfan svona langan tíma að sjá það sjálfur. Mig grunar að hann hafi farið í afneitun því tilhugsunin um að þurfa að strauja aðra skyrtu var að trufla hann. Það er sko meira en nóg fyrir suma að strauja eina í einu sko!!

[Guðríður Hrefna Haraldsdóttir, 14.2.2008 kl. 19:22]

Þetta er algjör snilld. Sé hann Óla alveg fyrir mér!