Ímyndir

14.2.2008 | 08:52

Til þín á Valentínusardaginn..með dúndrandi ást og tikkandi hjarta.

Rómantískir tónar og ágengir ástarsöngvar hvaðanæva úr heiminum verða fluttir þér af hinum færustu tónlistarmönnum og eingöngu til að minna þig á það hversu heitt ég elska þig. Mér dettur í hug rafmagnaður texti sem hljomar einhvernveginn svona..Ég elska þig svo mikið að ég gæti næstum dáið...bara snillingur sem semur svona..ha? Reyndar líður mér ljómandi vel og er alveg sprellfjörug og full af lífsgleði en læt þetta samt standa svona til að hafa dolldið drama með..enda ástin alltaf troðfull af Drama. Sjáðu bara Rómeó og Júlíu. Það var nú ekki lognmollan i þeirra sambandi.

Með þessum tónum dugar ekkert minna en sykursæt , já næstum væmin elskendakaka sem bráðnar í munni eins og ástarorð á heitum degi á Ítalíu. Ég mata þig og þú matar mig. Og við horfumst í augu á meðan og hittum kannski ekki alltaf á munn hvors annars, en elskendur með rjóma um allt andlit er líka flott..hef séð svoleiðis í bíómyndum.

Ein þekktasta ástartjáningin er svo auðvitað rauða rósin.

Án hennar er ekkert tindr, engin hjartsláttur eða máttlaus hné. Rósirnar segja það sem við getum ekki sagt þegar tilfinningin verður svo yfirþyrmandi og máttug að það ná ekki nokkur orð yfir hana. Þá sendir maður bara bunka af rósum. Eldrauðum. Sýnir þetta ekki að ég er tilfinningaríkasta og rómantískasta kona á norðurhveli jarðar? Sumir segja að ég sé yfirdrifin en ég man aldrei hvað það orð þýðir.

Þetta er allavega mín Valentínusarkveðja til míns heittelskaða ...I love you, I love you I love you ......og af því að það er svo mikið af öllu hér..kökum, blómum og tónum mega bara allir sem hér lesa njóta líka og fá sér eins mikla ást og hamingju og þeir geta í sig látið.

Gleðilegan Valentínusardag. Heart

Flokkur: Bloggar | Breytt s.d. kl. 13:03 | Facebook

Athugasemdir

Valentínusarkveðja til þín líka.

Steingerður Steinarsdóttir, 14.2.2008 kl. 09:47

Flott innlegg Katrín mín, og gleðilegan Valentínusardag Þennan dag fyrir ári síðan fæddists líka hún litla Evíta Cesil, og er því eins árs í dag. Hjá henni á fæðingarstofunni voru svo tvær Ásthildar, svo hún var umvafin ást og hjörtum.

Ásthildur Cesil Þórðardóttir, 14.2.2008 kl. 10:26