Ímyndir

15.2.2008 | 11:46

Háskalega gómsætt kjúklingasalat, eftirvænting og allt að gerast!!

Ég lofaði hér um daginn að setja inn uppskriftina af kjúklingasalatinu sem hún systir mín segir að sé svo gott að fólk gráti af gleði þegar það borðar hjá henni. Ég prófaði uppskriftina um daginn og við grétum öll svo þetta er satt.

"Þetta kjúklingasalat er bara geðveikt" eins og unglingurinn á heimilinu sagði snöktandi á milli þess sem hann tróð upp í sig meira salati.

Hér kemur uppskriftin.

Kjúklingabringur

pipar, salt, maple sýróp og sesamfræa

Steikið kjúklingabringurnar á pönnu uppúr olíu og kryddið með pipar og salti. Þegar þær eru nær fullsteiktar hellið Maple sýrópi yfir þær og bætið sesamfræjum útí. Látið krauma/malla í smástund.

Salatbeð.

Klettasalat, tómatar, avacadó og muldar nachos flögur..og hvaðeina sem ykkur þykir gott í svona salatbeð.

Dressing

Olía

Saxið hvítlauk og ferskan engifer útí ásamt ferskri steinselju

myljið hálfan súputening með, sesamfræ og smá salt og hrærið þessu öllu vel saman.

Munið svo að fullkomin máltíð er bara fullkomin eftir því hvernig hún er framborin því við nærumst líka í gegnum augun og nefið rétt eins og munninn.

Setjið salatið fallega á disk..skerið kjúklingabringurnar í þunnar sneiðar og raðið ofan á salatbeðið og hellið svo dressingunni yfir allt og borðið. Takið eftir..borðið fallega og ekki gramsa í síg þó það sé næsta ómögulegt þegar bragðlaukarnir taka við sér í himneskum unaði.

Svo er bara það annað að frétta að það er vitlaust að gera hjá mér á öllum sviðum og vígstöðvum og ég varla talandi fyrir hæsi. Ég held ég sé núna með mína sjöttu flensu síðan ég kom til landsins. Sé fyrir mér að ónæmiskerfið mitt hafi orðið fyrir íslenskri sýklaáras ...ráðist á hina ensku viðkvæmu rós sem ég var orðin....en innra með mér hlæ ég bara.

Iss þið vitið ekkert hvað bíður ykkar þegar ég kemst loksins á lappir..og verð sú Valkyrja sem ég á að mér að vera. Þar til mér er batnað ætla ég að njóta kynþokkans sem óhjákvæmilega verður til þegar kona talar lágt eins og hún sé troðfull af gæðakoníaki og leyndarmálum...og þess að yfir henni er risastórt gat í himninum sem dælir yfir fjöll og dali frábærum tækifærum. Nú er um að gera að vera vakandi og grípa vel!!

"Það var nú líka alveg kominn tími til" segi ég nú bara þó ég vilji alls ekki vera vanþakklát fyrir þá lexíu að læra að verða þolinmóð og geðprúð kona eins og ég er orðin núna eftir undangengna tíma.

Verið opin elskurnar og borðið fallega.

Þá er lífið gott.

Flokkur: Bloggar | Breytt s.d. kl. 15:29 | Facebook

Athugasemdir

Það er nú einmitt gott að fá svona kjarnakonur heim Katrín mín. Og svo er bara að bíða eftir gosinu. Kjúklingasaladið verður líka að profast.

Ásthildur Cesil Þórðardóttir, 15.2.2008 kl. 12:45

Ég vil bara að það komi fram að þessi uppskrift er frumsamin af systurinni, sem ég reyndar þekki ekki neitt! Veit þetta bara

Ibba Sig., 15.2.2008 kl. 13:45

Jammí þetta verð ég að prófa. Takk fyrir Katrín mín

Ía Jóhannsdóttir, 15.2.2008 kl. 13:46

Já mér skilst líka að flest sem Jamie Oliver eldi sé frumsamið af henni líka..systurinni sko!! Og þessi sama systir er líka fyrirmynd og frummynd Nigellu kokkakellu í þokka og því að troða of miklu uppí sig í einu Ég þekki hana og því veit ég þetta allt

Katrín Snæhólm Baldursdóttir, 15.2.2008 kl. 14:05

Ég er farin að kaupa kjúkling...langar svooo í meira

Katrín Snæhólm Baldursdóttir, 15.2.2008 kl. 15:55

Takk, það er gott að systir þín getur gert eitthvað af viti

Jenný Anna Baldursdóttir, 15.2.2008 kl. 17:47

Rosalega sándar þetta vel, væri til í svona kvöldmat. Eigðu góða matarhelgi.

Ásdís Sigurðardóttir, 15.2.2008 kl. 17:48

Þekki salatið, átti að vera í matinn í kvöld en ég nenti ekki að elda. Hef ekki prófað þessa dressingu með. Það er möst að gera eh í því Kannski ég eldi á morgunn, gengur ekki að fara svona endalaust út að borða Hér eru nefnilega ekki svooo mörg veitingahús