Táknrænn gjörningur í Lækjargötu. Hefur ekki náð athygli fjölmiðla.

Hvernig getum við útskýrt þetta fyrir þessum elskum?? Strangtrúaðir vilja klína á þau stórsyndum strax við fæðingu og ríkisvaldið ásamt auðvaldinu er búið að skuldsetja þau um milljónir á milljónir ofan áður en þau eru búin að læra að tala. Sorglegra en tárum taki.

Ég sá þessar myndir á netinu og ákvað að fá þær lánaðar til birtingar á blogginu mínu til að vekja athygli á þessum flotta gjörningi fyrst hann nær ekki athygli fjölmiðlanna. Vona að mér verði fyrirgefið það.

Athugasemdir

[Rakel Sigurgeirsdóttir, 14.12.2008 kl. 11:36]

Það er full ástæða til að vekja athygli á þessu. Var búin að rekast á myndir af þessu hjá tveimur bloggurum án þess að meira kæmi fram um þetta. Þetta er stingandi en flott.

Félagsgjald þitt í kapítalismanum! Er virkilega einhver tilbúinn til að kaupa þessa handónýtu stefnu svona dýru verði

[Ía Jóhannsdóttir, 14.12.2008 kl. 12:16]

[Katrín Snæhólm Baldursdóttir, 14.12.2008 kl. 13:49]

Það er ekki bara félgasgjaldið í kapitalismanum sem ég hef áhyggjur af heldur og það að mörg þessara barna munu flytjast af landi brott með fjölskyldum sínum og kannski aldrei snúa aftur heim.  Hvernig verður hér umhorfs og hvernig getum við haldið landinu gangandi ef fjölskyuldufólkið sér enga aðra leið en eð flýja land með börnin sín?? Eru ráðamenn alveg að hugsa dæmið til enda. Kannski eru þeir að því...hugsa um að koma okkur öllum út á enda. Punktur basta. Allt búið bara.

http://www.aftenposten.no/nyheter/uriks/article2823087.ece

[Jenný Anna Baldursdóttir, 14.12.2008 kl. 15:22]

Frábært.

[Heimir Lárusson Fjeldsted, 14.12.2008 kl. 21:52]

Sóðaskapur.

Hver ein ljósmynd á veggnum er listaverk og furðulegt að listakona skuli sjá eitthvað jákvætt við sullumbullusóðaskapinn.

[Ibba Sig., 14.12.2008 kl. 22:16]

Þetta er táknrænt, flott og svo satt. Og það var sagt frá þessu í sjónvarpsfréttum

[Sigrún Jónsdóttir, 15.12.2008 kl. 01:04]

Þetta er ljótur sannleikur

[Hinrik Þór Svavarsson, 15.12.2008 kl. 02:01]

heimir ég elska þig .. sóðaskapurinn er aðeins lengra í áttina að höfninni þar sem verið er að byggja "tónlistarhús"!!!

[www.zordis.com, 15.12.2008 kl. 11:48]

Undarlegt hvað þykir fréttaefni og hvað ekki.

Kær kveðja ...

[Katrín Snæhólm Baldursdóttir, 15.12.2008 kl. 12:08]

Svo birtast núna fréttatilkynningar frá fyrrverandi fréttampönnum þar sem fram kenur að "stórir aðilar úti í bæ" koma í eg fyrir að ákveðnar fréttir séu birtar. Hótuðu Reyni Trustasyni hjá DV að þetta væri spurning um hvort blaðið lifði eða dæi ef hann birti frétt um Sigurjón í Landsbankanum. 

Og Hiemir Þessar fallegu og listrænu myndir af börnunum okkar hæfðu ímyndinni sem við höfðum þegar þær voru settar upp. Verðmiðinn sem nú er kominn á þær vitnar um nöturlega framtíð þeirra og hvetur okkur vonandi enn fremur að standa vörð um þá framtíð með öllum hugsanlegum ráðum. Það eina sóðalega hér er framkoma ráðamanna gagnvart fólkinu í landinu og varðstaða annarra manna og kvenna um þetta ömurlega kerfi sem hér þrífst.

[Heimir Lárusson Fjeldsted, 16.12.2008 kl. 07:09]

Að koma ykkar sjónarmiðum á framfæri hversu góð sem þau eru, á listaverk annarra og eyðileggja þau þar með er og verður sóðaskapur að mínu mati.

[Ragga (IP-tala skráð) 16.12.2008 kl. 09:07]

Ég veit reyndar hvaða myndlistakona gerði þetta og jú, þetta náði athygli fjölmiðla: http://www.visir.is/article/20081214/FRETTIR01/168913849

[Ásthildur Cesil Þórðardóttir, 17.12.2008 kl. 10:25]

Sannleikanum verður hver sárreiðastur, og sannleikurinn svíður sé hann saurgaður.  Ég þakka þér fyrir að vekja athygli á þessum myndum, þær tala svo sannarlega sínu máli.  Hver ætlar að mótmæla sannleiksgildinu?

[Rakel Sigurgeirsdóttir, 17.12.2008 kl. 22:59]

Sama hvað hver segir þá finnst mér þetta vera afar viðeigandi leið miðað við þær ósanngjörnu fyrirætlanir ríkisstjórnarinnar að velta gjaldþroti nýfrjálshyggjuhlauparanna yfir á fólkið í landinu. Þetta vekur svo sannarlega athygli á þeirri beinu aðför að lífsgæðunum sem hefur verið undirstrikuð skýrt og greinilega í endurskoðuðu fjárlagafrumvarpi.

Katrín mig langaði til að vekja athygli þína á því að ég svaraði spurningunni þinni um það hvernig mér fannst myndin hér. Vildi bara tryggja að þú misstir ekki af svarinu mínu Biðst afsökunar á því hvað það varð langt