Úr einu í annað...

Í gær fór ég á hitting.

Ég hitti magnaðar konur og drakk með þeim kaffi og drakk í mig það sem þær sögðu. Þær voru bæði vitrar og villingar í einu..sögðu sögur af lífum, löngunum og listum. Bara frábærar og fallegar allar saman.

Skellti mér svo í bíó og sá Vicky Christina Barcelona sem var bara yndi á að horfa enda Woody Allen mynd en mér finnst hann alltaf áhugaverður. 

Las svo um að Katrín nafna mín Jakobsdóttir væri búin að víkja vanhæfri stjórn LÍN frá.

Frábært hjá henni og eitthvað svo flott að sjá ímynd hinna nýju fersku ráðherra eins og hennar og gömlu þreyttu ímynda embættismananna á miðað við t.d ímynd Gunnars Birgissonar. Svona eins og góðu álfkonurnar séu mættar til að ryðja þursunum úr vegi svo þjóðin geti aftur orðið heil. Bara flott og vonandi framhald á þessu.Mikið held ég að námsmenn varpi öndinni léttar núna.

Annars er ég í pólitísku hvíldarfríi og reyni að minna mig á það daglega að ég er ekki pólitísk kona...en það gengur ekki vel. Alltaf eitthvað einhversstaðar sem setur mig af stað aftur. Það er ekki eitt heldur allt sem rekur mann áfram þessa dagana..það er hvergi skjól fyrir "ástandinu" í þessu þjóðfélagi.

Ætla samt að reyna að einbeita mér að skapandi skrifum og kannski smá myndlist í einhverja daga. Mála appelsínugulu búsáhalda byltinguna eða semja ljóðabálk um óhefta gremju sjálfstæðismanna og bræði eftir valdamissinn. Það er eiginlega fyndið á að horfa...svona úr fjarlægð allavega. Get alveg séð fyrir mér drulluslaginn sem verður þegar kosningabaráttan skellur á með öllu sínu. Þá ætla ég að ganga um í pollagalla.

En eins og ég sagði...ég ætla að lita dagana mína með mildum litum og mjúkum og halda áfram að drekka í mig visku kvennanna sem ég hitti í gær og kannski skapa eitthvað merkilegt.

  Svo er ég líka að reyna að passa mig að hemja skoðanir mínar svo ég verði ekki rekin frá Toyota. Ég er reyndar ekki að vinna þar en allur er varinn góður segi ég nú bara.

 

 

Athugasemdir

[www.zordis.com, 5.2.2009 kl. 14:27]

Ekki gott að verða rekin og verra þegar kona vinnur ekki einu sinni þar! Haltu áfram að vera yndislega Katrín og það veit sá sem allt veit að ég hlakka til að sjá sköpun þína.

Koma svo góða kona ....

[Jenný Anna Baldursdóttir, 5.2.2009 kl. 20:09]

[Ásdís Sigurðardóttir, 5.2.2009 kl. 22:03]

[Rakel Sigurgeirsdóttir, 6.2.2009 kl. 01:47]

Sammála þér varðandi hreingerningu Katrínar Jakobs. í stjórn LÍN! Láttu svo engan þagga niður í þér... ekki einu sinni þó það byrji á T

[Kleópatra Mjöll Guðmundsdóttir (IP-tala skráð) 7.2.2009 kl. 18:51]

Ég fíla svo hvernig þú hugsar í litum... ég er sögð fjólublá.. =)

[Steinunn Helga Sigurðardóttir, 9.2.2009 kl. 14:55]

það var einu orði sagt yndislegt að hittast og drekka kaffi, gerum það aftur og aftur !

Ljósgeisli

steina