Borgarhreyfingin komin í 3.4% og er ekkert að hægja á sér og ég ekki heldur!

Það er búið að vera svo mikið að gera að ég hef ekki einu sinni getað bloggað eða hvílt mig almennilega og þess vegna er best að fara að halla sér og nota tímann meðan ég ligg á koddanum og skipuleggja vel næstu fjórar vikur með sjálfri mér og muna eftir að setja bloggið á listann svo það gerist ekki aftur að ég gleymi því.  Þetta eru bara svo spennandi tímar og breytingarnar liggja í loftinu. Ég finn lyktina af lýðræðinu og kjarki þjóðar sem er tilbúin að stíga skrefið og taka völdin í sínar eigin hendur.

Ég er með eina ferlega fína bloggfærslu í höfðinu en ég verð að spara hana þar sem hún gæti orðið eitthvað annað og meira en bloggfærsla. Kemur í ljós á mánudaginn.

Þangað til ætla ég að funda, safna meðmælendum fyrir Borgarahreyfinguna og fara í tvær fermingarveislur.

Já og svo ætla ég í framboð.

Hvernig líst ykkur á það að húsmóðir sem vaknaði upp með byltingu í blóðinu  og knýjandi þörf fyrir breytingar í hjartanu sl haust, kona sem barði saman pottum og pönnum og klæddist appelsínugulu þrátt fyrir allar fyrri yfirlýsingar um að hún væri sko ekki pólitísk bjóði sig nú fram til Alþingis? Sjáið þið ekki hvað ég myndi smellpassa þarna inn? 

Ég og hinir pólitíkusarnir alveg sveitt við að breyta kosningalögunum, setja stjórnlagaþing fólksins og auka lýðræðið um mörg hundruð prósent. Byggja grunninn að góðu framtíðinni sem ég trúi að bíði okkar ef við bregðumst ekki skyldum okkar og leggjum okkar af mörkum á hvern þann hátt sem við getum. Öll saman hvert og eitt einasta okkar með hæfileika, reynslu, getu og þekkingu til að leggja í púkkið.

Við förum fram með slagorðinu Þjóðin á þing og ég segi það og skrifa "Ég er þjóðin" eða a.m.k einn þrjúhundruðþúsundasti af henni og það ert þú sko líka:)

Og af því ég talaði um það hér fyrr í færslunni að ég væri ekki og hefði ekki verið pólitísk þá vil ég bæta því við að það stendur enda er ég algerlega þverpólitísk rétt eins og Borgarahreyfingin

xo.is

                                                                        

Athugasemdir

[Jóna Kolbrún Garðarsdóttir, 28.3.2009 kl. 01:47]

Ég vona að þú og aðrir frambjóðendur Borgarahreyfingarinnar fáið frábæra kosningu inn á þingið, ekki veitir af.  Ég kem um helgina á Laugaveginn og skila meðmælalistunum.  Ekki fékk ég marga til þess að skrifa undir, fólk virðist hrætt við þetta nýja framboð. 

[Jóhanna Magnúsar- og Völudóttir , 28.3.2009 kl. 08:47]

 Ánægð með þig!

[Katrín Snæhólm Baldursdóttir, 28.3.2009 kl. 08:52]

Mér finnst það grundvöllurinn fyrir raunverulegu lýðræði að ný framboð geti komið fram og að allir eigi að leggja sitt af mörkum til að svo geti orðið. Þeir sem skrifa undir átta sig alveg á því að undirsktriftin er ekki skuldbinding á nokkurn hátt heldur er verið að greiða fyrir að nýtt fólk fái tækifæri til að koma sínum skoðunum á framfæri.

Annars hef ég ekki orðið vör við annað en að fólk sé verulega spennt fyirir þessum möguleika sem Borgarahreyfingin er og við finnum fyrir miklum meðbyr og stuðningi eins og hefur bara sýnt sig í gegnum skoðanakannanir þar sem fylgið eykst hressilega á milli vika

[Soffía Valdimarsdóttir, 28.3.2009 kl. 10:30]

Já Katrín, við erum sko þjóðin!

Þjóðin á þing!

Gott gengi........

[Jenný Anna Baldursdóttir, 28.3.2009 kl. 12:03]

Baráttukveðjur mín kæra og til hamingju þið með frábæra fylgisaukningu.

[Arinbjörn Kúld, 28.3.2009 kl. 12:39]

Þú værir flott á þingi. Það komin tími til að venjulega fólkið taki sínar eigin ákvarðanir varðandi framtíð sína þar sem það á að borga fyrir þjófnað örfárra og axarsköft 63 einstaklinga á þingi.

[Guðríður Hrefna Haraldsdóttir, 28.3.2009 kl. 21:52]

Bara ÆÐI!!! Katrínu á þing!