Ímyndir

27.4.2009 | 15:29

Samtakamáttur og samkennd.....

Nú verðum við að bera gæfu til að taka saman höndum öll sem eitt og takast á við öll þau stóru verkefni sem bíða okkar.

Verum bjartsýn og hugrökk... og óhrædd við að gera þær breytingar sem þarf að gera til að hér verði til öflugt lýðræðisríki og samfélag sem hugsar vel um allt sitt fólk. Ég er sannfærð um að við stöndum á merkum tímamótum og nýjir kraftar séu komnir til leiks. Bara það að konur eru nú tæp 43% á alþingi mun breyta áherslunum og við þurfum á visku og kvenvitundinni að halda eftir þessi hörðu stjórnmál sem hafa átt heiminn í árþúsund.

Ég er vongóð og bjartsýn og sé fyrir mér að við..og þá er ég að tala um okkur þjóðina alla... getum með sameiginlegu átaki og jákvæðu viðhorfi fundið magnaðan samtakamátt og umbylt samfélaginu okkar eins og við viljum hafa það. Nú er þetta ekki um að halda með liðum heldur með okkur öllum.

Hugsum vel um hvort annað næstu mánuði og ár og hjálpumst að við að komast á fætur aftur í heilu lagi.

Blikkum gæfuna og góðvildina og sýnum okkur sjálfum og umheiminum sem nú horfir á okkur með eftirvæntingu úr hverju fólkið í þessu landi er gert. Krafti, dugnaði, heiðarleika og samtakamætti.

Flokkur: Bloggar | Breytt s.d. kl. 16:30 | Facebook

Athugasemdir

Flottur pistill, flott mynd.

Myndi vilja eiga þessa mynd.

Hvað heitir hún?

Gæfan blikkuð?

Jenný Stefanía Jensdóttir, 27.4.2009 kl. 15:38

Hvar færðu allar þessar flippuðu myndir?

Þór Saari, 27.4.2009 kl. 15:49

Þetta er lítil skissa sem ég gerði einhverju sinni og ég hef kallað ..kærleiksandi Veitir okkur nokkuð af að blikka gæfuna til gengis með okkur á þessum ögurstundum? Og vinna bæði með opnu hugarfari og opnu hjarta að uppbyggingunni að hinu Nýja íslandi? Ég er sannfærð um að okkur tekst þetta....bara sannfærð. Verður ekki auðvelt en okkur var heldur ekki lofað neinum rósagarði..er það?

Katrín Snæhólm Baldursdóttir, 27.4.2009 kl. 15:52

Myndin falleg og þú líka. Yst sem innst.

Nú verðum við að sameinast um að vera góð hvert við annað og í leiðinni fremja nokkur kraftaverk okkur til bjargar.

Jenný Anna Baldursdóttir, 27.4.2009 kl. 17:43

Það er frábært að kynjahlutföllin hafi lagast að nokkru leyti í þessum kosningum og verða vonandi jöfn næst. Ég óska þér til hamingju með þennan mikla kosningasigur Katrín mín.

Hilmar Gunnlaugsson, 27.4.2009 kl. 23:28

Borgarahreyfingin hefur greinilega átt hljómgrunn hjá kjósendum. Ég óska okkur öllum til hamingju með árangurinn. Takk fyrir síðast, kosningavakan var alveg æðisleg, stemmingin það var yndisleg.

Jóna Kolbrún Garðarsdóttir, 28.4.2009 kl. 00:17

tökum þig til fyrirmyndar og verum bjartsýn og hugrökk

Rakel Sigurgeirsdóttir, 28.4.2009 kl. 00:34

Hamingjuóskir til þín frú varaþingmaður.

Sigríður Jósefsdóttir, 28.4.2009 kl. 12:01

virkjum bjartsýnina

Hólmdís Hjartardóttir, 28.4.2009 kl. 12:22

Geggjuð mynd.

Breiðum út drifkraftinn í Borgarahreyfingunni, þá náum við þjóðinni upp úr þessu á met tíma.

Viðar Ingvason (IP-tala skráð) 28.4.2009 kl. 23:03

Þú ert bara flott Katrín mín Gleymdi alltaf að segja þér að mér fannst þú koma alveg rosalega vel fyrir í eina umræðuþættinum sem ég sá þig í...og fannst það til eftirbreytni að "stjórnmálamaður" skyldi segja "ég veit það ekki" í stað þess að bulla einhverja langloku Vinnufélagi minn sem horfði á þetta með mér var því sammála