Drekar í London og bráðskemmtilegt brúðkaup

í Morgun fór ég á fund drekamannsins..ég kalla hann Drekamanninn af því að hann vekur upp í mér minn innri dreka með hvæsinu í sér.

 Aaaaa...ekki lesa vitlaust í orð og láta ímyndunaraflið leika lausum hala þið bloggvinir.

Þetta er ekki laumuelskhugi sem kveikir elda í konu...ó nei!!

Minn Ektadreki sér alveg um þá hlið mála. Ég er að tala um orkudrekann mikla frá Kóreu sem kann að hrista mann fram úr eigin ermi. Algerlega guðdómlegur..ef einhver á leið um London verður viðkomandi að hafa drekamanninn í forgang fram yfir Oxfordstreet ef viðkomandi hefur meiri áhuga á góðri innri líðan og því að geta liðið um loftin eins og svífandi innri ballerína en fatatuskum í alltof stórum tískuverlunum er  alveg á hreinu að þetta er málið.

Á morgun förum við hjón í brúðkaup hjá konu sem er mun stærri ..hávaxnari...en maðurinn og heldur honum alltaf í hengilás um háls sér...hann nær henni i brjóst...þegar hún fær sér pintu.

 Hann fær sér bara rauðvinsdreytil í fínu glasi  meða hann hangir fastur í fanginu á henni. Þau eru bara sætust.

Segi ykkur betur frá þessari skemmtun annað kvöld. Þarf að finna bráðsmellna brúðargjöf handa þeim misstóru hjónum á morgun.

 Einhverja hugmyndir???

Ég meina hann nær henni bara í........ekki að það sé mælikvarði á hamingju þessara ágætu verðandi hjónakorna.

 Hugmyndaflugið mitt er bara ekki alveg prenthæft svo ég ætla bara að hugsa þetta betur á morgun. 

 Gjafakort í Habitat?

 

 

Útrýming....eða smá fækkun á alltof löngum lista.

Jæks...þetta var erfitt en samt mjög þarft. Að henda út bloggvinum sem eru engir bloggvinir...þetta er eins og að setja strik yfir það sem á ekki lengur heima í lífi manns..

Vera alltaf með opið hús og fólkið sem kemur við fær sér bara bita af nýbakaðri kökunni og labbar inn á teppið og skilur eftir sig fótspor eða merki í talningu en ekkert meira. Labbar svo bara aftur út og maður veit ekki að það hafi verið hér. Vinir sem segja aldrei neitt og fá sér bara...þeim er hér með hent út...æ nei leiðnlegt að henda út fólki..settir út fyrir dyrnar finnst mér meira við hæfi. Gagnkvæm samskipti eru málið. Bless!!!!

Annað hvort séstu eða þú sést ekki.

Bloggvinahreingerningin hefur nú farið fram.

Nauðsynlegt á hverju bloggvina heimili..ég var orðin alveg uppgefin á að reyna að halda utan um þessa hrúgu. Forgive me. En málið er að tala saman...og deila því sem manni finnst.

Annað hvort er maður með eða ekki.

Það eru ekki allir vinir

og maður getur ekki haft endalausa orku til að sinna öllum.

Ég vil frekar fáa og góða en marga og misgóða bloggvini.

Orð og veruleiki

Að sitja á bekk með hjartanu sem er loksins laust úr fjötrum sínum

 og hlusta á sögurnar sem það hefur að segja.

 Kæra kona....viltu heyra sögur af ferðum mínum með þér?

 Hvað var þar allan tímann?

Og ég hlusta vel

með hjartanu mínu

eftir ævintýrunum

óheyrðu.