Frábært að eignast nýja bloggvini um allan heim.

Ég var að eignast nýjan bloggvin í Ameríku sem heitir Bush. Ég þekki hann ekkert mikið en skilst að hann sé einhver stórkall sem telji sig vera útsendara Guðs í fjarlægum löndum. Hann talar mikið um stríð og að bjarga fólki frá vondum köllum. Ég held að hann sé ekki alveg með fulle fem og hef ekkert sagt honum um mig. Hann veit t.d ekki að ég er íslensk. Þegar ég spurði hann hvort hann fengi stuðning við allt þetta stríðsbrölt sagði hann að það væri fullt af fólki sem héldi með honum meira að segja frá litlum eyjum. Ein þeirra héti ísland og að kóngurinn þar og þegninn hans hefðu  báðir algerlega stutt allar hans brjálæðislegu hugmyndir. Held hann haldi að það séu bara til tveir íslendingar.

 

Best að halda sig bara við íslenska bloggvini. Það er eitthvað krípí við suma þarna úti.

Athugasemdir

[Guðríður Hrefna Haraldsdóttir, 29.1.2007 kl. 20:18]

Hehehheeh, gleymdu bara þessum runna þarna úti! 

[Katrín Snæhólm Baldursdóttir, 29.1.2007 kl. 23:32]

Eftir svona reynslu verður maður bara þakklátari en maður var, fyrir svona "eðlilega" og "góða" bloggvini eins og þig og ykkur hér. Merkilegt hversu margir vinir mínir tengjast samt himnaríki á einhvern hátt.

[Jón Steinar Ragnarsson, 30.1.2007 kl. 10:23]

The Burning Bush.  Var það ekki fuðrandi runni í Biblíunni, sem mælti allskyns skringilegheit við spámanninn?

Hann vill blessaður koma á lýðræði í heiminum, hvað sem tautar og raular og þótt að það gangi af heiminum dauðum. Háleit hugsjón það.