Hvar má ekki blogga og hvað má ekki blogga um?

Fólk virðist blogga um allt milli himins og jarðar. Stjórnmál og einkamál. Listir og læmingja. Framfarir og samfarir. Veislur og veruleika. Fólk og ómenni.

Er eitthvað sem fólk bloggar ekki um. Sem er einhverskonar "Blogg tabú"? Og bloggar fólk ekki bara hvar sem er orðið?

Er einhver staður sem menn fara ekki með tölvuna með sér?

Maður bara spyr sig.

Athugasemdir

[SM, 2.2.2007 kl. 09:38]

held það yrði ekki vel séð ef að,,valdir bloggarar" færu að tjá sig um kynlíf sitt t.d. . Ætli persónuelgar kynlífslýsingar séu ekki mesta tabúið?

[Katrín Snæhólm Baldursdóttir, 2.2.2007 kl. 09:42]

Maður veltir stundum fyrir sér hvar mörk bloggara liggja þegar þeir eru að tala um einkalíf sitt og þeirra sem að því koma. Er hinum aðilunum, kannski fjölskyldumeðlimum alveg sama hvað er skrifað um þeirra persónulega líf opinberlega og jafnvel daglega? Ég er ekki vissum að ég myndi vilja láta blogga um mig af einhverjum öðrum í smáatriðum. Ég vil fá að velja sjálf hvað fer þarna út.