Meðan það ringdi.....varð ljós!

í úrhellinu sem hefur gengið yfir okkur hérna seinni partinn.........

Sátum við á kaffihúsi með lifandi tónlist. Frökk hippastelpa söng með attitjúdi og innri krafti fyrir réttindum sínum og kynsystra sinna...meðan ungur fallegur maður í himinbláum flauelsjakka með gullbryddingum spilað mjúkt á fiðluna undir. Kertaljósin blöktu og það glampaði á hvítvín í glösum gesta sem brostu angurvært.

Drukkum við rjúkandi og froðufullt kappúsínó og töluðum um komandi viku og flutninga þegar næstu tónlistarmenn tóku sér stöðu í horninu undir þilinu og sungu um Daydreaming. Einn þeirra blístraði með gítarnum og regndroparnir kættust og þjöppuðu sér saman á rúðunni.

Hugsaði ég um hvað tónlistin hefur magnaðan sameiningarkraft og færir fólk svo nálægt hvert öðru. Og hvað það er margt gott og fallegt til sem lyftir og leikur með mannsandanum. Og hvernig við getum stundum gleymt því. Það rignir enn.....en það er sólarglæta í sinni og vissa um að á endanum styttir upp.

Athugasemdir

[Guðný Anna Arnþórsdóttir, 25.2.2007 kl. 21:46]

Vel mælist þér, Katrín. Það er ekki mjög leiðinlegt að sitja á kaffihúsi með cappucino og hlusta á lifandi tónlist. Ég væri alveg til í að upplifa meira svoleiðis. Takk fyrir skemmtilega bloggsíðu.

[www.zordis.com, 25.2.2007 kl. 23:34]

Glæsilegur dagur hjá þér!  Ég hef notið blíðveðursins, drukkið kaffi í ótal húsum og hitt fólk sem gladdi mitt mjúka hjarta

[Heiða B. Heiðars, 25.2.2007 kl. 23:36]

Klukkan er kannski orðin of margt fyrir kaffi... En ég held ég verði að fá mér samt eftir lesturinn!

Hvenær í apríl kemurðu til landsins... svona ca? 

[Katrín Snæhólm Baldursdóttir, 25.2.2007 kl. 23:42]

I dont know...bara einhverntímann í apríl. Ræðst af mörgu öðru. En ég er til í kaffi sopa þegar það gerist...treystu því. Kominn tími til!

[Heiða B. Heiðars, 26.2.2007 kl. 00:05]

Heldur betur!! Hvað ætli þau séu orðin mörg árin sem við höfum "þekkst" á tölvuplánetunni? Þau eru nokkur