Það var mikið að menn fóru að hlýða...mér!!!

Sjáiði bara framsóknarflokkinn....Nú vilja þeir setja það inn í stjórnarskránna að auðlindir þjóðarinnar eigi að vera sameign þjóðarinnar.

Vissi svo sem að þeir væru að laumupúkast hér og lesa pistlana mín þrátt yfir yfirlýst ópólitískt eðli mitt.

Þó það nú væri að það megi skipta  einhverjum afgangssílum úr litlum polli á milli þjóðarinnar þegar Halldór og co eru búnir að tryggja sér sitt. Það var náttla óráð að tala um skiptingu og jöfnuð fyrr en búið var að tæma hirslurnar. Framsóknarmenn fá prik hjá mér fyrir stjórnkænskuna og viðurkenningu fyrir að koma svona algerlega grímulausir fram í græðgi sinni og hamsleysi. Menn eiga auðvitað alltaf að sýna sitt rétta andlit og það gera þeir svo sannarlega.

Rakst á annað gullkorn frá framsóknarmönnum á vafri mínu.  Núna ætla þeir að læra af ákvörðunum sínum um íraksstríðið!!!

 

 

Fínt og gott að menn læri meðan þeir lifa og séu tilbúnir að leiðrétta. Fúlt þegar sömu menn eru enn að reyna að flokka rauðu legókubbana frá hinum bláu þegar veröldin er komin á allt annan stað. Blindir tréhestar á tækniöld.

Eiga ekkert erindi upp á dekk á þessari þjóðarskútu sem er löngu búin að leysa landfestar við úreltar hugmyndir og klíkuskap þorskanna.

Einhver forvitnaðist um hvað ég ætla að kjósa.

Ekki framsókn.

Athugasemdir

[halkatla, 1.3.2007 kl. 16:39]

hahaha frábær mynd 

maður treystir engu sem er sagt svona stuttu fyrir kosningar. Þeir eru ekki vondir aumingja framsóknarmennirnir, en þeir hafa heldur engan kraft til að standa á sínu, nema Siv fyrir rjúpurnar.