Af ávöxtunum skuluð þér þekkja þá

Eru ekki þessi stjórnmál bara öll af sama meiðinum? Allir vilja láta kjósa sig til ábyrgðarstarfa fyrir þjóðina og ekki vantar hin fögru loforð og frábærar framtíðarsýnir í framboðsræðum þeirra sem vilja valdið

Kjóstu mig og kjóstu mig og treystu mér og trúðu mér og ég mun gera allt sem í mínu valdi stendur til að breyta bæta og laga. Ef eitthvað fer svo úrskeiðis og ég klúðra málum rækilega bið ég þig að muna að það var ekki mér að kenna. Það var hinum að kenna og ég get ekki verið ábyrg/ur á þessum skandal og yfirsjónum. Auðvitað ber mér að fá laun í samræmi við þá ábyrgð sem fylgir störfum mínum og tek við þeim með gleði en ábyrgðinni varpa ég hins vegar á hina.

Og hverjum skal trúa

og hverjum skal treysta

 til að búa

í haginn

spyr maginn

 Og hugsar um matarskatta

og aðra skatta

sem menn með hatta

eru að fatta

að

skila öllu þínu og mínu í stærri vasa.

Af áxöxtunum skuluð þér þekkja þá

 sagði maðurinn með viskuna.

"Er ekki bara sama .....undir þeim öllum?

 spurði þá kerla og snýtti sér.

Athugasemdir

[bara Maja..., 25.3.2007 kl. 16:22]

Ég held barassta að þú hafir hitt naglann á höfuðið...

[Svava frá Strandbergi , 25.3.2007 kl. 17:32]

Ég vildi óska að þú hefðir getað horft á Spaugstofuna í gærkvöldi þar sem forsætisráðherrann er látinn segja við Jón Sigurðsson ráðherra sem er reynda náskyldur börnunum mínum og sem ég var skotin í í skóla þegar ég var very young. 'Kosningaloforð er ekki það sama og loforð'

[www.zordis.com, 25.3.2007 kl. 17:41]

Næst þegar í bít í djúsí peru þá hugsa ég hingað!  Stjórnmál eru hlutur sem ég hverf inn í og veit ekki meir!  Tek undir orð Guðnýjar Svövu um að loforð sé ekki kosningarloforð og öfugt!

[Jón Steinar Ragnarsson, 25.3.2007 kl. 17:49]

Verst þykir mér nú við loforðin, sem þeir efna rétt fyrir kosningar.  Þeir sem sitja við völd eru nefnilega með heftið og nota tímann rétt fyrir kosningar til að ausa út peningum í hitt og þetta til að kaupa sér fylgi og tryggja áframhaldandi stjórnarsetu.

Væri ekki lýðræðislegra að taka af þeim heftið svon 6 mánuðum fyrir kosningar?

[Katrín Snæhólm Baldursdóttir, 25.3.2007 kl. 18:07]

Jú og hefta svo fyrir munninn á þeim og láta verk þeirra undanfarin 4 ár tala fyrir sig sjálf.  Nei kannski ekki alveg hefta með heftibyssu heldur hefta talið í þeim í smá tíma Je minn eini...það er erfiðara en ég bjóst við að sitja þegjandi hjá í þessum skripaleik stjórnmálanna. Konu er bara stundum svo ofboðið að hún gleymir að hún er algerlega ópólitísk og mun ekki spendera atkvæði sínu fyrr en traust hennar á þessu systemoi er komið aftur. Helst bara alveg nýtt systemo sem er um alvöru lýðræði og frelsi.

Ég verð stundum svo móðguð yfir þeirri vitleysu sem borin er á borð fyrir fólk að það sér ekki út um gluggana hérna hjá mér fyrir móðu. Anda inn og anda út fara í heitt bað og lesa ekkert meira á bloggi sem snýr að öðru en uppskirftum og djúsgerð. Jamm.

[Steinunn Helga Sigurðardóttir, 25.3.2007 kl. 18:50]

sammála síðustu ræðumönnum ! öllum!

ljósið virkar alltaf nú og seinna.

steina 

[Ásthildur Cesil Þórðardóttir, 25.3.2007 kl. 18:52]

Góð ertu  Verst er þegar menn taka loforðin til baka strax eftir kosningar og koma svo með þau aftur fyrir þær næstu.  sum sé margnota kosningaloforð. Þau eru vissulega fyrirhafnarminnst.

[Doddi - Þorsteinn G. Jónsson (IP-tala skráð) 25.3.2007 kl. 19:43]

"So true, so very true," segja þeir á enskunni, þegar orð eins og þessi færsla þín hitta naglann á höfuðið. Mér finnst svo ótrúlega ótrúlegt að sjá himinhá laun ráðamanna (þingmanna, bæjarstjóra... o.s.frv.) þegar vinnutíminn og starfsgetan virðast vera svo mikið loft ... kannski grimmt að segja þetta - en ég get bara ekki að þessu gert ...

Kossar og knús til þín Katrín, fyrir mjög svo frábæra færslu!

[Guðríður Hrefna Haraldsdóttir, 25.3.2007 kl. 19:51]

Vel mælt að vanda!  Knús yfir hafið!