Sumar...endalaust sumar í minni sál.

Gleðilegt sumar bloggvinir og allir sem hér líta við.

Mér fannst alveg við hæfi að klæðast sumarlegri litum í tilefni dagsins og vera bjartari og litríkari í sumarkomunni.

Þetta er hin nýja ég.

Kona með tengingu við jörð en samt einhvernveginn alltaf með hugann þarna uppi..sveimandi hugsandi og dreymandi.

Við fögnuðum sumarkomunni með því að fara út í skóg þar sem rennur lækur á milli trjáa. Þar sem bláklukkurnar lita allt í þessum magnaða fjólubláa lit og stórir klettar klofna fyrir styrk trjáróta sem komast allt. Settumst í lautu og borðuðum nestið okkar og nutum veðurblíðunnar. Trjáandar ræsktu sig og ég settist undir tré og fékk  fjólubláa hugljómun.

Hugljómun um að allir eru alltaf þar sem þeir þurfa að vera.

Sín vegna og sálar sinnar vegna.

Þvotturinn minnn hangir enn úti á snúru. Einhver spurði mig hvort það væri ekki tímabært að fara að taka hann inn eftir margra daga útiveru. Ég hélt nú ekki. Maður notar svona brakandi þurrk til hins ýtrasta. Missi ekki einn dag úr. Tek hann svo inn þegar það fer að verða þungskýjað.

Þá er ég búin að græða eins mikinn þurrk og ein húsmóðir getur fengið fyrir ekki neitt.

Alsæl.

Sumarið er minn tími.

Svo gott þegar grámi vetrarins víkur. Litleysið er drungalegt.

 

Svo kemur sumratíð og litagleðin fyllir augað hvert sem litið er.

Nú er sumar gleðjist gumar.

Gaman er í dag.

Gleðilegt sumar!

 

Athugasemdir

[www.zordis.com, 19.4.2007 kl. 18:52]

Gleðilegt sumar .. Ég fór í ljósa drakt og setti á mig bleikan varalit leið eins og sigurverara sem gerir daginn miklu betri! Það er dásamlegt að skipta um lit og sameinast sumri ..... Smúts á þig yndislegi penni!    Að sjálfsögðu koss á báðar!

[Steingerður Steinarsdóttir, 19.4.2007 kl. 19:50]

Flott og bráðskemmtileg færsla. Hver málaði þessa æðislega fallegu mynd af þér?

[Heiða B. Heiðars, 19.4.2007 kl. 19:52]

Gleðilegt sumar Katrín "ilmandi" Snæhólm!

[Jón Steinar Ragnarsson, 19.4.2007 kl. 21:34]

Gleðilegt sumar Snætrýna mín. Hér á norðurhjára er enn vetur og englaflasa í lofti.  Bráum mun frú sól reka englana í bað með tjörusjampó og þá munu gullnir lokkarnir lýsa upp tilveruna.

[Margrét St Hafsteinsdóttir, 19.4.2007 kl. 22:47]

Gleðilegt sumar Katrín mín og sólarkveðjur til allra

[Svava frá Strandbergi , 19.4.2007 kl. 23:44]

Gleðilegt sumar Katrín mín og takk fyrir þessa skemmtilegu færslu.

[Guðrún Þorleifs, 20.4.2007 kl. 05:22]

Góðann daginn og gleðilegt sumar

[Katrín Snæhólm Baldursdóttir, 20.4.2007 kl. 08:42]

Þessa mynd málaði Rafaello af mér þegar ég var ung kona á Spáni um fimmtánhundruð og eitthvað. Honum þótti ég mjög sérstök og allt öðruvísi en aðrar konur á þessum tíma.

[Jenný Anna Baldursdóttir, 20.4.2007 kl. 10:41]

Yndisleg sumarfærsla.  Gleðilegt sumar elsku Katrín