Gömlu góðu dagarnir þegar Guð var ekki bankastjóri!

Æ er þetta ekki nefndin sem þarna.. man aldrei neitt og veit ekkert alveg hvað er hvað eða hverjar reglurnar eru???

Eða er þetta framsóknarflokkurinn með sitt víðfræga útsýni?? Eða var það víðsýni??' Eins gott að ég er ekki í nefnd..gæti sossem notað monninginn en líkar ekki að taka að mér störf sem ég kann ekki..eða man ekki hvernig á að gera. Held mig bara við að lita. Lita samt alls ekki blátt.

Ég man líka þegar ég var lítil og fór í sunnudagaskóla í litlum skúr á fótboltavellinum. Þar lærði ég um Guð og mann og þeirra fína samaband. Alls konar skemmtilegar sögur og ævintýri um logandi runna,  engla og regnboga. Núna held ég að Guð sé orðinn bankastjóri. Þar gerast sko kraftaverkin nú á dögum !

Fimm aurar og tvö skuldabréf verða bara að Rauða hafinu að umfangi sé ekki borgað á réttum tíma.  Svo rignir ekki lengur eldi og brennisteini. Bara peningum. Já það eru breyttir tímar.

Held að ég sé gamaldags. Fer eftir boðorðinu um að dæma ekki nema hafa verið í annars manns skóm. Reyndar hefði ég aldrei efni á Gucci leðurskóm..en mínir eru alveg ágætir þó gamlir séu. Og ég get gengið í þeim framhjá jeppunum á bílastæði bankans.

Jamm.

Lífið er gott ef maður á góða skó.

Og man hvað er hvað.

Athugasemdir

[www.zordis.com, 1.5.2007 kl. 20:48]

Heldur betur ef bommsurnar eru réttar!  Annars er lífið ( ...... ) júnó  !

[Svava frá Strandbergi , 1.5.2007 kl. 21:21]

þetta eru sko almennilegir skór.

[Guðný Anna Arnþórsdóttir, 1.5.2007 kl. 22:09]

Þú meinar þegar bankastjórinn var ekki guð....hvenær var það aftur?

[Katrín Snæhólm Baldursdóttir, 1.5.2007 kl. 22:15]

Já reyndar man ég tíma sem mér leið eins og ég stæði frammi fyrir Guði almáttugum með bænir mínar þegar ég þurfti að heimsækja bankastjóra...Hann kíkti í tölvuna sína og sagði svo þunglamalega.."Svona fólk" og bænheyrði mig ekki!!!

En núna er ég með almennilegan bankastjóra sem veltir mér fyrst upp úr lími og svo peningaseðlum....eða eru það yfirlitin yfir það sem ég skulda?

Ansans..ég er svo mikil nefndarmanneskja í mér að ég man bara ekki neitt stundinni lengur.

[Doddi - Þorsteinn G. Jónsson (IP-tala skráð) 1.5.2007 kl. 23:27]

Efsta myndin er æðisleg ... svo frábær!!!

En það ert þú líka, og ég vona að þetta komi ekki of seint til þín, en mér finnst þú eiga þetta skilið: knús og kossar til þín, dúlla!!

[Jón Steinar Ragnarsson, 2.5.2007 kl. 01:35]

Ótrúlegt hvað vangaveltur okkar eru mikið í takt elsku Snætrýna mín.  Við verðum að hætta að hittast svona í alvitundinni. Fólk gæti fariðaðhalda eitthvað.

[Katrín Snæhólm Baldursdóttir, 2.5.2007 kl. 07:35]

Doddi minn tek með gleði við öllu þessi knúsi og kossum frá þér í þessu cyperspeisi

Hætta að hittast svona Jón Steinar?? Nei held nú ekki. Var einmitt búin að plana og senda þér hugskeyti um fallega litla plánetu í Andrómedu fyrir næstu nótt. Þar sem við gætum planað hvað þyrfti að vera í næstu bloggum okkar og svo gætum við kannski fengið okkur flugferð og kíkt á vetrarbrautirnar áður en við snérum aftur til jarðar.

Láttu þér ekki detta í hug að þú sleppir svona billega. Eins og það skipti einhverju máli hort fólk haldi eitthvað. Fólk heldur alltaf EITTHVAÐ. Hvort sem það á svo við einhver rök að styðjast er annað mál.