Skuggamyndir

Hvort er raunverulegra..laufblaðið eða skugginn af því??

Hafiði velt fyrir ykkur hversu margir trúa á skuggann af sjálfum sér?

Halda að það sé hið raunverulega sjálf. Laufblaðið er ekki einu sinni laufblaðið heldur birtingarmynd orkunnar sem skapar það. Hugmynd og orka í formi.

Hvernig sérðu þig...sem ljós eða skugga?

Líkama eða hugmynd?

Bara smá vangaveltur í upphafi helgar.

Athugasemdir

[Matthildur Ágústa Helgadóttir Jónudóttir, 25.5.2007 kl. 11:28]

Ég hef nú aldrei hugsað þetta út frá ljósi eða skugga, sýnir bara hversu langt þú ert komin fram úr mér.  Í gamla daga var mér kennt að ég væri u.þ.b. 70% vatn og mér finnst það fín sjálfsmynd, hún hefur í það minnsta dugar mér hingað til.

[Katrín Snæhólm Baldursdóttir, 25.5.2007 kl. 11:51]

Skuggar og ljósbrigði sjást varla betur en á vatninu Matta mín...hehe.

[Hrönn Sigurðardóttir, 25.5.2007 kl. 12:12]

sniðugt!! Ég var einmitt að hugsa svipað í gær.

Pant vera ljós

[gumm (IP-tala skráð) 25.5.2007 kl. 15:27]

...birtingarmynd orkunnar sem skapar það. Það er mjög fallegt, takk.

[Guðríður Hrefna Haraldsdóttir, 25.5.2007 kl. 15:36]

Helgin ónýt ... nú mun ég liggja upp í sófa og hugsa. Takk kærlega!

Til öryggis (ég er búin að sjokkara svo marga bloggvini): Ég er að djóka.   

[Jenný Anna Baldursdóttir, 25.5.2007 kl. 15:57]

Gurrí af hverju ertu ekki búin að sjokkera mig?  Æi það er örgla af því ég er svo sjóuð að ég tæki ekki eftir því.  Hehe

Ég er sál í pakkningu. Laufblaðið og skugginn eru bæði raunveruleg.

[Ásthildur Cesil Þórðardóttir, 25.5.2007 kl. 16:41]

Ég hef ekki leitt hugan að þessu.  Hvort tveggja er auðvitað raunverulegt, af því að það er bæði hægt að sjá og koma við það.  Er það ekki viðmiðið annars ?

[Guðný Anna Arnþórsdóttir, 25.5.2007 kl. 18:02]

Það er búið að diskútera frá því fyrir öróf alda hvort eitthvað sé í rauninni raunverulegt....Sumir halda því fram að allt sé blekking...maya....Það er fátt sem við vitum með vissu nema þetta með dauðann  og hringrásina...en allt er orka. So much is true. Þannig að ég myndi segja að bæði væru jafn-"raunveruleg". ....

Ansi var þetta nú stutt og skýrt svar...

[Kristín Katla Árnadóttir, 25.5.2007 kl. 18:30]

Ég sé ljós bara ljós en ekki skukka er þetta ekki gott svar hjá mér

[gerður rósa gunnarsdóttir, 25.5.2007 kl. 18:48]

Skugginn er náttlega merkilegri því hann er bæði framhlið og afturhlið á því sem hann varpast af. Hann hefur báðar hliðarnar sömu megin þar sem engin bakhlið er á honum. Mögnuð pæling hjá mér.
Rosalega get ég verið gáfuð.

[gerður rósa gunnarsdóttir, 25.5.2007 kl. 19:01]

Svo er sjónvarp mjög merkilegt. Hver er raunveruleikastatus fólks í kvikmyndum? Sem eru nokkurskonar skuggamyndir. Eða þá minningar? Raungera minningar einhvern sem minnst er? Til dæmis að maður haldi að einhver sé á lífi sem maður kemst svo seinna að hafi verið látinn í mörg ár. Var hann raunverulegur á meðan eða ekki? Samanborið við þann sem maður hélt vera á lífi og var það. Eða er bara eitthvað raunverulegt sem maður hefur beint fyrir augunum? Um leið og maður lítur undan er það ekki til?
Já, hvað er raunveruleiki? Mjög furðulegt konsept.

[gerður rósa gunnarsdóttir, 25.5.2007 kl. 19:06]

Og hvar spilar vitneskja þarna inní? Er ...
Nei nú skal ég hætta ;)

[Katrín Snæhólm Baldursdóttir, 25.5.2007 kl. 23:34]

aha...hvað er á bak við skuggann? Er hann eins báðu megin..hver hefur séð bak við skuggann? Við flýjum flest skuggann og vitum ekki að innan í honum er lykillinn falinn að fjársjóðskistunni okkar...kistan sem er full af ljósinu þegar hún er opnuð! Þesss vegna er skugginn svo mikilvægur...hann er felustaður alls sem við leitum en hlaupum samt hraðast frá. Jamm... þannig er nefninlega leyndardómurinn mikli.

[gerður rósa gunnarsdóttir, 26.5.2007 kl. 07:25]

Og er hann ... gegnsær!? hahaha Voðalegir heimspekingar erum við Katrín mín :)