Ímyndir

4.6.2007 | 17:33

Hugarferð

.....sagði ég skipandi þegar einkaflugmaðurinn minn lenti loksins sætu flugvélinni sinni á garðflötinni hjá mér. Það er algerlega ófært að kona komist ekki til Parísar reglulega...til að fá inspiration og andagift á tímum sem Þessum.

Mister Flyman...I am ready, we can go NOW!!!

Já og ekki gleyma að láta kræsinga kokkinn hann Kurjef vita að ég óski eftir nærveru hans sem og James þjónsins míns.

Biddu hann að pakka bara dömulegum sumarfatnaði og ekki gleyma naglalakkinu.

Taktu það skýrt fram að við séum að fara til Parísar og að ég vilji bara eðalrauðvín og osta ásamt humarsúpu í morgunmat.

Skildu lika eftir miða á eldhúborðinu og segðu að ég íhugi ekki heimferð frá París fyrr en ég tali frönsku óaðfinnanlega og hafi lært á allavega eitt hljóðfæri. Er að hugsa um fiðlu kannski.

Já fiðla skal það vera.

Bara eitt en áður en við leggjum í þessa dásamlegu hugarferð konu kæri einkaflugmaður.

Bókaðu mig líka á galdranámskeið svo ég geti breytt froskum í prinsa, leiðindaskörfum í tunglsljós og mér sjálfri í álfaprinsessu með sítt hár og litla sæta fætur. Þú getur borgað fyrir þetta allt með báðum gullpeningunum sem eru í kistlinum undir rúminu mínu.

Sjáumst!

Flokkur: Bloggar | Breytt s.d. kl. 23:41 | Facebook

Athugasemdir

Góða ferð til Parísar, elskan mín. Ég slæst í för með þér.

Guðríður Haraldsdóttir, 4.6.2007 kl. 17:58

I love Paris in the spring time

I love Paris in the fall

Hef bara verið í París að hausti en I love Paris every day

Hulda Bergrós Stefánsdóttir, 4.6.2007 kl. 18:10

ég var nú skíthrædd þegar ég fór upp í Eiffelturninn. Veitingahúsið er allof ofarlega fyrir minn smekk. En sigling á Signu að kvöldi til er hrein unun.

Ásthildur Cesil Þórðardóttir, 4.6.2007 kl. 18:35

Já góða ferð til Parísar mikið áttu gott Katrín mín.

Kristín Katla Árnadóttir, 4.6.2007 kl. 19:41

Fór í Eiffelturnin um haust það var stórkostlegt. Sigldi á Signu um haustkvöld það var stórfenglegt. Á einhversstaðar myndir af þessu.... bezt ég kíki á þær og ylji mér aðeins!

Mæli með þessu fyrir allar konur...... og kannski bara alla?

Hrönn Sigurðardóttir, 4.6.2007 kl. 20:28

Ég skal hitta zig anytime my dearest Katrín! Ég er búin ad pakka! Vid sjáumst zá í dögun, fyrir framan Notre Dame. Smá baenastund og svo gleymum vid okkur saman í rauda hverfinu .... kaupum okkur edal osta og yndis raudvín! Já, okkur á ekki eftir ad leidast! Segi eins og Ásthildur, Eiffelturninn er ansi hár!

www.zordis.com, 4.6.2007 kl. 20:29

Var að vísu hirt af.... hvað ætli þeir heiti..... turnverðir? Þeir vildu skoða í veskið mitt og alla vasa, héldu víst að ég væri hryðjuverkamaður. Veit ekki af hverju.... ég er líka alltaf stoppuð í tollinum

Hrönn Sigurðardóttir, 4.6.2007 kl. 20:30

Og ekki gleyma að hugarfluvur með í svona hugarferðir .. þær eru sko ómissandi og alveg sérlega skemmtilegir ferðafélagar sko .. hef ég allavega heyrt ... og ekki lýgur fiskisagan sem flýgur. Hmmmm!

Hugarfluga, 4.6.2007 kl. 20:31