Lent

Mikið rosalega er veðrið hressandi og birtan falleg. Ég er lent á landinu mínu góða og bíð á stofugólfinu hjá mömmu eftir næsta áfangastað og skipinu sem siglir með dótið mitt heim. Ætla fá mér eina með öllu í hádegismat og horfa á Esjuna út um eldhúsgluggann. Mikið hlakka ég til að koma mér fyrir og vera heima hjá sjálfri mér á alla kanta. Setja lítið jólaljós í eldhúsgluggann og horfa á það og friðarljósssúluna til skiptis. Bæði jafn falleg og fín. Já ég er friðsæl og fagnandi og afskaplega fögur með alíslenskt hairdú. Dóttir mín segir..."Mom you look like a real icelander now" enda er ég komin með hár sem lítur út eins og alvöru hár og liggur niður í stað þess að sveima í kringum hausinn á mér eins og óákveðið ský. Er meira að segja ljóshærðari og litfríðari en áður. Nú myndu sveitalubbarnir í héraðinu heima reka upp stór augu gætu þeir séð hina nýju mig. Það er mikill munur á mér sem enskri blómaros eða sem íslenskri valkyrju. Bara tvær ólíkar konur verð ég að segja. 

Já það er voða gott að vera komin alla leið heim. Ég bíð spennt eftir að sjá hverju lífið skolar að ströndu að þessu sinni.

 

 

Athugasemdir

[kidda, 27.10.2007 kl. 12:14]

Hjartanlega velkomin heim

[Ásdís Sigurðardóttir, 27.10.2007 kl. 12:16]

Innilega velkomin heim á Frón. Ég er viss um að allt mun ganga vel hjá þér. Enn og aftur velkomin heim í heiðardalinn

[Guðrún Þorleifs, 27.10.2007 kl. 12:17]

Velkomin til þíns heima, valkyrja

Bloggvinakveðja frá Als 

[www.zordis.com, 27.10.2007 kl. 12:37]

Gott að heyra að allt hafi gengið vel, á stofugólfinu heima hjá mömmu og væntingarnar ... nýtt upphaf er dásamlegt spor sem hefur allt að geyma!

[Heimir Lárusson Fjeldsted, 27.10.2007 kl. 12:38]

Ég bæti mér í hóp þeirra sem velkomna þig heim til okkar:-)

[Jenný Anna Baldursdóttir, 27.10.2007 kl. 13:43]

Vó hvað ég er búin að bíða spennt eftir þessari færslu.  Velkomin, velkomin, velkomin og hvað mig hlakkar rosalega til að knúsa og kyssi (eins og Jenný segir) OMG til hamingju elskan

[Ingibjörg Gunnarsdóttir, 27.10.2007 kl. 13:50]

Gott að vera búin að fá þig heim - nú er bara að taka hitting á blog.vinina......

Velkomin heim, hjartans!

[Katrín Snæhólm Baldursdóttir, 27.10.2007 kl. 13:57]

Takk elskurnar...það skrítna er samt að mér finnst óþægilegt að blogga á íslandi...var miklu betra og öruggara einhvernveginn að blogga úr fjarlægð yfir hafið. Eins og maður sé sýnilegri þegar maður gengur á sama landi og þið...hehe. Þetta rjálast örugglega af kerlu og já ég sé fyrir mér að sitja sem fastast á kaffihúsum meðan ég bíð jólanna og drekka kaffi með bráðskemmtilegum bloggurum!! En fyrst þarf ég að ritgerðast svolítið og vonandi flytja í vikunni á mina Sólvelli og láta sólina skína á mitt nýja heimili.

Jamms.... 

[Inga Helgadóttir (IP-tala skráð) 27.10.2007 kl. 15:01]

Velkomin heim.

[Hugarfluga, 27.10.2007 kl. 15:06]

Velkomin heim, Snædrottning! Gott að fá þig heim

[Ragnhildur Jónsdóttir, 27.10.2007 kl. 15:14]

Velkomin heim bloggvinkona mín. Ég vona að Ísland taki áfram svona vel á móti ykkur eins og dagurinn í dag. Og engin ástæða til að ætla annað

Hafið það gott og gangi ykkur vel að koma ykkur fyrir

[Hrönn Sigurðardóttir, 27.10.2007 kl. 15:50]

Velkomin heim

[Steinunn Helga Sigurðardóttir, 27.10.2007 kl. 15:56]

gangi þér vel kæra valkyrja.

AlheimsLjós til þín

steina

[Marta B Helgadóttir, 27.10.2007 kl. 16:51]

Velkomin heim flotta kona.

[Ásthildur Cesil Þórðardóttir, 27.10.2007 kl. 16:58]

Velkomin heim elsku Katrín mín. 

[Guðríður Hrefna Haraldsdóttir, 27.10.2007 kl. 17:38]

Ó, hvað ég er glöð að vera búin að fá ykkur heim. Vona að við hittumst sem fyrst. Knús á liðið þitt!

[Huld S. Ringsted, 27.10.2007 kl. 18:34]

Velkomi heim

[Anna Einarsdóttir, 27.10.2007 kl. 22:44]

Velkomin heim. 

[Margrét St Hafsteinsdóttir, 27.10.2007 kl. 23:23]

Velkominn heim!!! Lentirðu á afmælisdegi mínum? Vá! Hlýtur að boða gott   Takk fyrir kveðjuna og hlakka til að sjá þig þegar þú mætir með TÓMSNILLINGANA!

[gerður rósa gunnarsdóttir, 28.10.2007 kl. 06:33]

Spennó! :)

[Hulda Bergrós Stefánsdóttir, 28.10.2007 kl. 10:23]

Velkomin heim

Kaffið í Klettahlíðinni bíður ykkar

[Ingigerður Friðgeirsdóttir, 28.10.2007 kl. 16:34]

Velkomin heim

Gaman væri að hittast við tækifæri.

Bestu kveðjur Ingigerður 

[Ívar Pálsson, 28.10.2007 kl. 20:57]

Velkomin á Klakann!

[Marta B Helgadóttir, 28.10.2007 kl. 22:45]

Nú þarf að lesa nýjasta nýtt á minni síðu og senda mér bókatitla í vikunni

[josira, 28.10.2007 kl. 23:31]

Kæra Katrín, velkomin heim...

[Katrín Snæhólm Baldursdóttir, 28.10.2007 kl. 23:36]

Takk fyrir allar þessar hlýlegur heimkomukveðjur kæru bloggvinir....en mér finnst ég samt ekki vera komin heim fyrr en ég er flutt inn með allt mitt hafurtask og bækurnar mínar komnar uppí hillu.  Skipið siglir í höfn á morgun með búslóðina og ég ætti að vera búin að koma mér fyrir um helgina. Mikið ofboðslega rosalega frábærlega verður það nú geðveikt GOTT!! Kertaljós og kúr í eigin rúmi. Ohhhh.....

[josira, 28.10.2007 kl. 23:45]

og takk fyrir fallegu fjallamyndina......upplifði mig í henni... hér á árum áður á minni hvítu yndislegu hryssu:

Kraumandi kraft, ótrúleg geta
frelsi í faxi verður að meta
Í fjallaferðum nýtur hún sín
elskulega merin mín

Þegar sest er í hnakkinn,
þá reisist makkinn
Forustuhross, mikið í reið
henni liggur gatan greið

Minningarnar sem koma fram hér
saman streyma um hjarta mér.
Tengdar urðum órjúfa böndum
í faðmi frelsis, á fjöllum og söndum

[Fríða Eyland, 4.11.2007 kl. 21:53]

Velkomin, hvar get ég nálgast kortin

[Guðný Anna Arnþórsdóttir, 5.11.2007 kl. 21:47]

Mikið og innilega velkomin á Klakann, kæra Katrín!