Ég er bara að hugsa og spá í hvert ferðinni sé heitið

 

Sit í knúpi blóms sem lætur mig ekki niður. Ekki strax. Þarf að virða fyrir mér hið nýja útsýni og máta hugsanir mínar við umhverfið og hvar ég vil staðsetja mig í því. Hvaða leið ég vel að fara.  Það er ekkert eins og það var.

Og eftir 7 ára fjarveru er ekki ein einasta fruma í mér enn til staðar..ég kem heim sem splunkuný kona sem hefur sagt skilið við fyrri hugmyndir um líf og tilveru og er með nýjar hugmyndir og sögur um lífið í farteskinu. Þarf að hugsa um hver vill heyra hvað og hvenær. Og í hvaða formi. 

Maður er stöðugt og alltaf að skapa sér nýja tilveru hvern einasta dag. Máta nýju frumurnar við hina íslensku tóntegund. Þar til ég hef fundið út úr því mun ég sitja í krónu knúpsins og horfa vel til beggja hliða. Líka upp og niður. Á þig og mig.

En ég verð að segja að útsýnið er fagurt!!!

Nýtt blóð og ný bein. Sterkari en um leið brothættari. Þessi veröld sem ég horfi á er veröld sem bíður. Og tíminn líður. Líka þegar hann er ekki til.

Ætla að sitja hér örlítið  lengur. 

Athugasemdir

[Svava frá Strandbergi , 28.10.2007 kl. 23:34]

Láttu þér líða vel í blóminu.

[Svava frá Strandbergi , 28.10.2007 kl. 23:36]

Ertu komin heim? Vertu velkomin til gamla landsins.

[Vilborg, 28.10.2007 kl. 23:36]

Velkomin heim! Hlakka til að sjá ykkur aftur eftir langan tíma

[Guðríður Hrefna Haraldsdóttir, 28.10.2007 kl. 23:48]

Gangi ykkur vel að koma ykkur fyrir, elskan, sjáumst vonandi sem fyrst.

[Steinunn Helga Sigurðardóttir, 29.10.2007 kl. 07:25]

líð þér vel í blóminu, hljómar svo notalega.

AlheimsLjós til þín

steina 

[Ásthildur Cesil Þórðardóttir, 29.10.2007 kl. 10:08]

Það er örugglega afskaplega skynsamlegt að sitja um stund í blómi og virða lífið fyrir sér, skoða hvað það hefur upp á að bjóða, finna samhljóminn og velja vel elsku Katrín mín, en það er gott að vita að þú ert komin heim á gamla frón.  Við þurfum á fólki eins og þér að halda.

[Steingerður Steinarsdóttir, 29.10.2007 kl. 12:42]

Megir þú blómstra sem aldrei fyrr hér heima.

[Heiða B. Heiðars, 29.10.2007 kl. 12:47]

Á íslensku: Ert sem sagt komin heim og ert að venjast nýjum aðstæðum

Á inni kaffibollahitting hjá þér góða! Aðeins að leyfa þér að "blómast" svo rukka ég af harðfylgi;)

[Ívar Pálsson, 29.10.2007 kl. 15:05]

Bíður nú innaní blóminu

biður um óminn í tóminu

Katrín sem er nú á Klakanum

og kætist í blessuðum rakanum.

[Heimir Lárusson Fjeldsted, 29.10.2007 kl. 16:03]

Njóttu.

[Ásdís Sigurðardóttir, 29.10.2007 kl. 16:31]

Ég væri alveg til í að sitja í þessari rós og á þessum stað og hugleiða.

[Kristín Katla Árnadóttir, 29.10.2007 kl. 17:48]

Og líka eins og Ásdís. Takk fyrir mig.

[Marta B Helgadóttir, 29.10.2007 kl. 23:03]

Það er um að gera að lenda mjúklega og gera hlutina "með sínu nefi".

[Hulda Bergrós Stefánsdóttir, 29.10.2007 kl. 23:33]

Sitjum hér bara svolítið lengur

Og þú fékkst það sem þú baðst um ?

ÍSLENSKAN SNJÓ

[www.zordis.com, 30.10.2007 kl. 00:25]

Njóttu tyllunnar!  að unna er að kunna og þú kannt það mín kæra!  Þessi mynd sem er hér að ofan minnir mig á hvernig hún Elín Björk málar og englana hennar!

Njóttu verunnar og þegar kona er brothætt er hún mun varkárari með allt og alla ....

Snjóenglar eru fallegir

[Þórarinn Þ Gíslason (IP-tala skráð) 30.10.2007 kl. 01:43]

Verið þið velkomin heim.     Að máta frumurnar við hina Íslensku tóntegund.  MÉR finnst það frábær samsetning.  Kannske innlegg í tónsköpun hjá mér.   Alltaf flottar myndir frá þér. Takk.