Ímyndir

25.12.2007 | 02:12

Einu sinni á jólanótt...

...er rétt komin heim af einni af nýju hefðunum mínum. Hefð er ekki hefð fyrr en maður hefur endurtekið efnið nokkrum sinnum en stundum gerist það að maður þarf bara að fara einu sinni og þá veit maður í hjarta sínu að hefðin er fædd og það á heilagri jólanótt.

Fórum í miðnæturmessu í Fríkirkjunni og hlustuðum á Pál Óskar og Moniku..Palli tók eitt af sínum eðaldiskólögum með hörpu-undirleik og prestsskonan var svo fallega hvítklædd með fjaðraskraut í hárinu og maðurinn fyrir framan mig felldi tár þegar Palli söng með mér..ok ...líka öllum hinum...við semsagt sungum viðlag við lag um geimverumanninn og engilinn sem hann var í raun. Bara MAGNIFICENT miðnæturs jólastund!!!

Og ég bara veit að þetta er núna orðin hefð í mínu lífi að mæta...þó ég sé bara búin að fara einu sinni.

Núna ætla ég að skríða uppí rúm og byrja að lesa Sköpunarsögur..tek með mér örfáa konfektmola og einn dropa af appelsíni. Pabbinn og drengurinn halda eflaust áfram að reyna að pússla pússlinu saman á borðstofuborðinu. Hva..það þarf enginn að vakna í fyrramál nema hrafnarnir og spörfuglarnir og á morgun munum við hvort eð er ekki gera neitt nema að spranga um heimilið á JOE BOXER náttbuxum...sumir í þrennum.... lesa, spila, horfa á jólamyndir og borða afganga meðan magamál leyfir. Sofið vel og njótið jólanna alla leið.

Bíð svo spennt eftir áramótunumm...þau eru bara best!!!

Jólakoss um nótt!!!

Flokkur: Bloggar | Breytt s.d. kl. 02:27 | Facebook

Athugasemdir

Gleðileg jól, elsku snúllan mín. Knúsaðu fjölskylduna frá mér. Sjáumst vonandi sem allra, allra fyrst!

Guðríður Hrefna Haraldsdóttir, 25.12.2007 kl. 02:17

Alltaf gaman að glænýjum hefðum

Myndin er meiriháttar

Heimir Lárusson Fjeldsted, 25.12.2007 kl. 02:28

Nú ætla ég að gera heimsókn til bloggvina minna á Jólanótt að hefð. Það er svo margt fallegt að sjá og svo er maður svo meir. Sennilega hefði ég líka vatnað músum. Maður getur Jú stundum verið svo hrifnæmur að það liggur við að maður verði hrifinn burt.