Ég elska lúxusbúff..núna þegar ég veit hvað það er!!

Heyrðu mamma, næst þegar þú ferð í búðina viltu þá kaupa Lúxus búff handa mér spurði sonurinn mig um daginn.

Lúxus búff...ha hvað er það?? Ég hef nú aldrei heyrt þetta áður...er þetta eitthvað nýtt.

Nei það eru allir í skólanum alltaf að borða svona Lúxus búff, það er ógeðslega gott, bara geðveikt gott.

Nói minn ,ég bara kveiki ekki..búff??  Ertu kannski að meina buff??

Já ...buff..Lúxusbuff!!

Er þetta matur..svona hakkabuff sem þið fáið í mötuneytinu eða...??

Nei..þetta er svona brúnt þunnt súkkulaði utan um hvíta karamellu eða svona hvítt stíft krem..ótrúlega gott nammi. Í grænu bréfi.

Loksins kviknaði á perunni hjá mömmunni..."Aha..Þú meinar Lindu buff er það ekki"!!!!

"Je whatever..allavega viltu kaupa svoleiðis næst þegar þú ferð í búðina"?

Síðan þá erum við búin að borða nokkur Lúxusbúff hér á heimilinu. Mamman að rifja upp sín unglingsár og sonurinn að ganga inn í sín.

Athugasemdir

[Ásdís Sigurðardóttir, 23.2.2008 kl. 16:05]

Lindu buffið með sterkt come back, gaman að heyra það. I love it

                          

[Heimir Lárusson Fjeldsted, 23.2.2008 kl. 16:25]

Buffið hennar Lindu í grænu umbúðunum

[Hulda Bergrós Stefánsdóttir, 23.2.2008 kl. 16:54]

Þú ert sem sagt á kafi í Lindu buffum og kókosbollum

Bíddu þangað til að þú sérð eftirréttin sem ég ætla að gefa þér í kvöld eftir að við höfum snætt saman og setið á NÝJU STÓLUNUM

Hlakka til að hitta ykkur

[Soffía Valdimarsdóttir, 23.2.2008 kl. 17:51]

Já Lindubuffið klikkar ekki - verst hvað það er erfitt orðið að fá gömul og ólseig eintök af þessu nammigotti. Eins er með eldgamlar og grjótharðar lakkrísrúllur - bara fást ekki!

[Ía Jóhannsdóttir, 23.2.2008 kl. 19:02]

Heheheh var farin að geta mér til um að þetta væri gamla góða Lindubuffið.  Mér fanst nú alltaf Mónu betri en þau Lúxusbuff fást víst ekki lengur.   

[www.zordis.com, 23.2.2008 kl. 20:52]

Zad gat varla verid kjöthakk ....   Buffin voru gód, man zad!

Buffkvedjur til ykkar maedgina!

[Ágúst H Bjarnason, 24.2.2008 kl. 07:46]

Hvað ætli Lindu lúxusbúffið hafi fengist lengi? Stundum (örsjaldan þegar enginn sér til) stelst ég til að fá mér eitt og læt mig dreyma um gömlu góðu dagana

[Ásthildur Cesil Þórðardóttir, 24.2.2008 kl. 13:58]

MMMM já nammi namm, þetta er náttúrulega algjört lúxusbuff.

[Anna Einarsdóttir, 24.2.2008 kl. 16:09]

Ég er meira fyrir hakkbuffið.  Það finnst mér hinn mesti lúxus... með sultu og grænum baunum.  Slef.

[Hólmgeir Karlsson, 24.2.2008 kl. 22:21]

Bloggknús og innlitskvitt :)

[Svava frá Strandbergi , 24.2.2008 kl. 23:39]

Ummm, Lindubuff og kókosbollur eru algjört lúxusfæði.

[Steinunn Helga Sigurðardóttir, 25.2.2008 kl. 17:39]

ég hef ekki samkkað lindu buff í mörg ár! en að setja það í nestispakkann, það er ekki voða hollt, kannski á föstudögum

Bless í bili

steina

[Huld S. Ringsted, 25.2.2008 kl. 20:32]

Lindubuffið klikkar aldrei!

[Guðný Anna Arnþórsdóttir, 25.2.2008 kl. 21:37]

Lindubuff og staurar, tvenna og kókosbolla. Guð, ó, ljúfa líf. Bragð er að, þá barnið finnur.