Draugar og skrýmsli í dagsbirtu....

Ég er ekkert að fara að blogga núna því ég þarf að fara að sofa. Eftir langan og flottan dag sem innihélt það að slá garðinn, þrífa teppið frammi á stigapalli, þvo þvott, ganga hringi í vesturbænum með barn í kerru sem segir fagnandi "bóm" í hvert skipti sem það sér blóm og róla í dekkjarólu þar sem óæðri endinn næstum festist...þá er kominn tími að halla sér þó það sé enn dagsbirta úti og klukkan ekkert voðalega margt. En ég vakna klukkan fimm á morgnana og þegar kona er komin á þann aldur að þurfa sína 8 tíma þá þýða engar rökræður við tímann. Hann ræður. Og kona sefur.

Veit samt ekki hvort ég geti sofnað...er með hugmyndir um verulega draugalegan útvarpsþátt á Útvarpi Sögu á morgun mánudag.  Þið verðið bara að hlusta milli eitt og þrjú ef þið viljið vera pínu hrædd svona um miðjan dag.

En ekki segja að ég hafi ekki varað ykkur við!!!

Jeminn...dagsbirtan úti blikkar..það er eitthvað dularfullt á seyði!!! Ég er farin uppí og breiði sængina upp fyrir haus. Og dreg tærnar uppundir höku..læt ekki skrýmslin undir rúmi fá tækifæri til að bíta í mínar fínu tær.

Night night....

Annars er ég ekkert sérlega smeyk. Það myndi hjálpa að hafa  svolítið myrkur!!!

 

Athugasemdir

[Markús frá Djúpalæk, 18.5.2008 kl. 22:08]

Hrikalega spennandi!

[www.zordis.com, 18.5.2008 kl. 22:10]

Góða nótt englakona!

Eg ætla að stilla mig í takt við þig

[Ásthildur Cesil Þórðardóttir, 18.5.2008 kl. 22:18]

Spurning hvort Útvarp Saga heyrist á Ísó, ég veit að ég get hlustað í tölvunni, en ég verð úti við.  Þetta er hrikalega spennó. 

[Huld S. Ringsted, 18.5.2008 kl. 22:24]

Ég býð spennt!

[Guðríður Hrefna Haraldsdóttir, 18.5.2008 kl. 22:35]

Mí tú!!!

[Jenný Anna Baldursdóttir, 18.5.2008 kl. 22:39]

Bíð spennt.  Læt ekki draugaspenning fram hjá mér fara.

[Ía Jóhannsdóttir, 19.5.2008 kl. 09:04]

Hljómar spennandi, en ég næ ekki útvarp Sögu hér, sama hvað ég reyni, ætli það séu húsdraugarnir að skemmta mér Böööööö...

Kveðja inn í bjarta viku Katrín mín

[Katrín Snæhólm Baldursdóttir, 19.5.2008 kl. 10:32]

Við ætlum auðvitað ekkert bara að vera draugaleg um miðjan dag, við ætlum líka að tala um drauma og draumatáknmál. eðli drauma og hvernig hægt er að nota tónlist til að lyfta sér upp. Áhrif tónlistar eru nefninlega alveg mögnuð og um að gera að nota hana til að gera sér lífið léttara. Gestur minn í dag er Ingibjörg Þengilsdóttir. Kona sem veit sínu viti um lífið og tilveruna og hefur frá mörgu merkilegu að segja.

Við verðum í loftinu milli klukkan eitt og þrjú í dag.

Heyrumst!! 

[Katrín Snæhólm Baldursdóttir, 19.5.2008 kl. 10:57]

Já og hún Huld S Ringsted blogggvinkona verður í símaviðtali vegna hinnar mögnuðu draugasögu....sem þið getið lesið á blogginu hennar og fær hárin til að rísa.

[Huld S. Ringsted, 19.5.2008 kl. 15:19]

Katrín klukkan hvað er þátturinn endurspilaður á sunnudögum?

[Katrín Snæhólm Baldursdóttir, 19.5.2008 kl. 15:56]

Á sunnudögum milli klukkan 13.00 og 15.00 eða milli klukkan 14.00 og 16.00. Veit nánar um það er nær dregur helgi.

Takk fyrir viðtalið..þú varst alveg frábær!!

[Steingerður Steinarsdóttir, 19.5.2008 kl. 16:02]

Æ, ég missti af þér. Kemur þetta ekki á Netið?

[Katrín Snæhólm Baldursdóttir, 19.5.2008 kl. 19:11]

Endurflutningur klukkan ellefu í kvöld útvarp saga 99.4 og svo aftur á sunnudaginn eftir hádegi kl 13.00 eða 14.00 Á NETINU ER HÆGT AÐ HLUSTA BEINT www.útvarpsaga.is.

[Guðný Anna Arnþórsdóttir, 19.5.2008 kl. 20:12]

Missi alltaf af þessu; ætla að reyna á þessari slóð.... Good luck now and forever....

[Guðný Anna Arnþórsdóttir, 19.5.2008 kl. 20:14]

Heyrðu, ég bara get ekki náð í neitt beint á þessari síðu ... var reyndar búin að reyna áður en taldi mig hafa misskilið eitthvað! Geturðu leiðbeint?

[Ásdís Sigurðardóttir, 19.5.2008 kl. 20:57]

Innlitskvitt á þig duglega kona.  Ég er enn að láta mig hlakka til að fá gula tréið.  Hafðu það gott mín kæra.   

[Gunnar Páll Gunnarsson, 19.5.2008 kl. 21:19]

Steina á afmæli á morgun (þriðjudag) fædd 20. 05. 1960. Láttu það ganga.

Gunni Palli kokkur.