Umbreytingar

Þegar ég les bloggið mitt til baka sé ég að ég hef breyst og er orðin miklu "Íslenskari" svona meira hipp og kúl á yfirborðinu og feimnari með innaníið...ekki eins mjúk og flæðandi og ég var fyrir svona hálfu ári. Það mátti nú svo sem eitthvað á milli vera. En nú þarf kona að fara í náttúrugöngur og finna stundir til að sitja, hugsa og hlusta á sjálfa sig en ekki allan þennan lífsins nið sem lætur mikinn í ytri veröldinni.

Það þýðir ekkert að gleyma sér. Dró spil í morgun hjá Vilborgu bloggvinkonu og skilaboðin til mín voru þau að það væri ekki það sama að hafa mikið að gera og að vera skapandi. Ég skildi það. Hef haft svo rosalega mikið að gera undanfarið að ég hef ekki haft tíma til að vera til og skapa mér mína eigin tilveru á mínum forsendum.

Mér þykir væntum landið mitt og fólkið mitt hérna og ykkur bloggvinir. Og nú verður hjartastöðin bara höfð opin þó hún geti verið pínu viðkvæm í hryssingslegri veðráttu. Megi góðvildin vera ykkar förunautur í dag og mæta ykkur hvar sem þið komið.

Athugasemdir

[Jenný Anna Baldursdóttir, 20.5.2008 kl. 07:56]

Knús inn í daginn elsku Katrín

[Ásthildur Cesil Þórðardóttir, 20.5.2008 kl. 09:04]

Ég lít á þig eins og einskonar leiðarljós Katrín mín.  Þú er einhvernveginn ofan og utan við raunveruleikann.  Haltu þín striki, því svo sannarlega er þörf á fólki eins og þér í þessari hörðu köldu veröld. 

[www.zordis.com, 20.5.2008 kl. 09:15]

Knús inn í daginn zinn .... ég aetla ad opna mína hjartastöd líka .... finna til í hjartanu!!!

Oooog svo zurfum vid ad skapa og láta gott af okkur leida.

"work smart not hard"

[Steinunn Helga Sigurðardóttir, 20.5.2008 kl. 12:06]

einhverntíma ekki fyrir löngu kommentaði ég einmitt þetta á blogginu þínu ! hafðu fallegan dag og lát flæða

s 

[Guðný Anna Arnþórsdóttir, 20.5.2008 kl. 21:16]

Nákvæmlega eins og Jóna Ingibjörg segir, þessi íslenzki skrápur er svo sannarlega staðreynd. Ég skil, finn og hef upplifað. Gangi þér vel með að virkja - stöðina.

[Vilborg Eggertsdóttir, 21.5.2008 kl. 00:46]

Stuðningskveðja ljósið mitt!