Alvöru mótmælandi eða bara ósýnileg venjuleg húsmóðir??

Einn....

..hættu að telja.  Þetta er ég!!!

Ha ..þú aftur??

Já.

Varstu ekki hérna líka sl laugardag?? 

Jú og ég kem aftur og aftur..í úlpu og með lopahúfu enda atvinnumótmælandi.

Allavega er maður víst skilgreindur svo af þeim sem telja fólk fyrir fjölmiðlanna. Þeir segja "sama liðið alls staðar"..hehe Ég hef reyndar aldrei sést á Káraknjúkum, Hellisheiði eða í Keflavíkurgöngunni. Og ekki heldur klæðst úlpu eða lopahúfum en mér skilst að meginþorri þjóðar vilji hvorki vera nefndur sem "úlpa" eða "lopahúfulið" Ég hef hingað til bara mætt í minni svarthvítu tvítkápu og berhöfðuð eins og ósköp venjuleg húsmóðir úr vesturbænum. Það er kannski þess vegna sem talningamennirnir hafa ekki talið fólk eins og mig með síðast. Þeir hafa líklega haldið að "við hin" værum bara að spóka okkur í veðurblíðunni og fá okkur ís.

En nú er ég búin að fá mér alvöru mótmælendagalla.....úlpu og lopahúfu með alíslensku munstri og mæti galvösk aftur á morgun og vil þá endilega vera talin með þeim þúsundum sem þarna munu mæta og mótmæla þögn ráðamanna og krefjast alvöru lýðræðis. Mikið hlakka ég til..við lifum á ögurstundum og eigum að taka þátt í því að móta hvernig samfélagi við viljum lifa í.  Og láta það skýrt í ljós hvað við viljum og hvað okkur hugnast alls ekki.

Austurvöllur á morgun laugardag klukkan 16.00 og ég bara finn það á mér að þetta verður eitthvað magnað og sögulegt.  Og ég verð brjáluð ef ég verð ekki talin með.....og talningmenn ríkisins verða bara að kunna að telja upp í meir en 500. Við húsmæður gerum bara þá kröfu. Takk fyrir!!!

 

 

Athugasemdir

[Katrín Snæhólm Baldursdóttir, 24.10.2008 kl. 10:34]

Útifundur verður haldinn á Austurvelli næst komandi laugardag 25. október klukkan 15.00. Yfirskrift fundarins verður: Breiðfylking gegn ástandinu.
Takmarkið er að safna saman sem flestu fólki til að láta ráðamenn verða vara við óánægju landsmanna með ástandið. Ekki finna sér ástæðu  til að sitja heima!

RJÚFUM ÞÖGN RÁÐAMANNA/mótmæli laugardag kl 16

Næstkomandi laugardag kl 16 verður gengin Kyndilganga - blysför - frá Austurvelli að ráðherrabústaðnum. Krafan er einföld, og þverpólitísk, RJÚFUM ÞÖGN RÁÐAMANNA.
Mætum öll á Austurvöll - til að hittast, til að sýna fram á að við höfum rödd, að við erum til. Sýnum hvert öðru samhygð, að við stöndum saman, og ef ekki einfaldlega til að finna að við erum ekki ein - og að við finnum til.
Kyndla er hægt að kaupa í Rúmfatalagernum (en búast má við að kyndlar verði til sölu á Austurvelli, ekki komið á hreint)

Undirbúningur fyrir fundinn á Akureyri og á Seyðisfirði er kominn á fullt . Og við hvetjum Ísfirðinga til dáða, þrátt fyrir óveðrið!

Það er sem sagt mótmælafundur klukkan 15.00 á Austurvelli  og svo strax á eftir ganga með kyndla að ráðherrabústaðnum. Mætum öll!!!

[www.zordis.com, 24.10.2008 kl. 11:10]

Magnað, Nú er Breddan tígullega og támjóa að huga að íslandsferð en því miður ekkert flug á næstunni.

Við verðum með þér í anda og heill sé íslensku þjóðinni.

[Jenný Anna Baldursdóttir, 24.10.2008 kl. 12:15]

Heyr, heyr. Knús og kram.

[Kristín Katla Árnadóttir, 24.10.2008 kl. 17:29]

Stórt knús

[Guðný Anna Arnþórsdóttir, 25.10.2008 kl. 00:11]

Þú ert alltaf sæt en alveg sé ég fyrir mér að þú sért sérdeilis sætust í útigalla með loðhúfu standandi með spjald á Austurvelli.

Er samt ekki að gera lítið úr mótmælum og samstöðu, alls ekki, hvet til dáða og ráða. Svo lengi sem fólk kann mannasiði og er eins málefnalegt og unnt er að vera í mótmælum. Það eru náttúrulega takmörk fyrir öllu ....

Góða nótt, elskuleg.

[Steinunn Helga Sigurðardóttir, 26.10.2008 kl. 13:48]

er með ykkur í andanum kæru landsmenn kæra katrín !

Kærleikur héðan frá Lejre

steina