Hversu æpandi verður fjarvera ráðherra og þeirra alþingismanna sem boðið hefur verið á borgarafundinn í kvöld??

Það verður fróðlegt að sjá hverjir mæta til að tala við lýðinn og svara spurningum sem brenna á þjóðinni. Þar sem ráherrastólarnir verða merktir nöfnum þeirra verður fjarvera þeirra sem ekki mæta æpandi og segir vel hvað þeim finnst um að að tala við fólkið. Ég teysti því þó að Ingibjörg Sólrún verði á svæðinu þar sem hún hefur gefið þá yfirlýsingu út að nú verði að víkja sérhagsmunum Samfylkingarinnar til hliðar og setja fólkið í fyrsta sæti.

Mér finnst bara frábært þegar flokksforingjarnir viðurkenna það skammlaust upp í opið geðið á fólkinu sem kaus þau, að hagsmunir þeirra sjálfra komi ávallt fyrst og svo á neyðartímum verði kannski hugað að fólkinu og hagsmunum þess. 

Svo sagði hún líka að ef hún væri ekki ráðherra núna hefði hún sjálf mætt á Austurvöll til að mótmæla. Á maður ekki bara að hneygja sig fyrir vitfirringunni..myndi hún mæta til að krefjast afsagnar sinnar eigin ríkisstjórnar og halda uppi kröfu um kosningar í vor?? Er það það sem hún meinar??

Á meðan stendur hún í pontu á flokksfundi og segir kosningar ekki koma til greina og enn bólar ekkert á rannsóknum á spillingunni né þessari margumtöluðu ábyrgð sem ráðamenn segjast axla en gera þó ekki. Því á endanum eru það verkin sem tala..ekki bara tungan. Mig svimar!!

Mætum öll og verðum vitni að því hverjir vilja við fólkið tala og hverjir ekki. Hákskólabíó í kvöld klukkan 20.00 .

 

Athugasemdir

[Hólmdís Hjartardóttir, 24.11.2008 kl. 13:37]

þAÐ VERÐUR FRÓÐLEGT AÐ SJÁ HVERJIR ÞORA AÐ MÆTA EKKI

[Ásthildur Cesil Þórðardóttir, 24.11.2008 kl. 13:50]

Eins og út úr mínu hjarta talað.

[Jakobína Ingunn Ólafsdóttir, 24.11.2008 kl. 14:32]

Já þora þeir að horfast í augu við þjóðina?

[Ásdís Sigurðardóttir, 24.11.2008 kl. 16:25]

Rosalega varstu sæt í viðtalinu í fréttatímanum, þegar þú myndaðir hring með fleirum um Alþingishúsið. Það þyrfti að hafa svona hring á næstu mótmælum svo fólki hætti að grýta húsið okkar.

[Katrín Snæhólm Baldursdóttir, 26.11.2008 kl. 10:56]

Gott að ráðamenn létu sjá sig á Borgarafundinum en það var nú ekki margt sem þau sögðu sem við höfum ekki heyrt áður.  Hrokinn var til staðar og þau sátu öll niðurlút ot létu sem þau væru að skrifa niður og horfðu næstum aldrei framan í fólkið. Skil vel að þau skammist sín pínu. Eða vona það. Ungur maður spurði hvort þau ætluðu aldrei að biðjast afsökunar en enginn svaraði þeirri spurningu. Líklega ekkert þeirra sem tók hana til sín persónulega. Enda á alls ekki að persónugera þessi hörmungarmál..ha?