Ömmubörnin og framtíðin þeirra.

Alice Þórhildur ömmustelpan litla vex vel og dafnar og er mesta gleðikrútt í heimi. Held að hún eigi eftir að upplifa stórar breytingar í þessari veröld. Liggur í fangi afa síns og hlustar á hjartað hans segja henni sögur og ævintýri um veröldina sem hún enn ekki þekkir svo mkið. Hvað gerðist áður en hún kom og afi bara veit.

Trúi því að við sem erum að ganga á undan núna eigum að skilja vel við jörðina og framtíð þeirra litlu barna sem eiga að taka við. Og þar þurfum við virkilega að skoða menntamál og hvað er gott að kenna framtíðarmanneskjunum og hvers vegna. Gefa þeim gott og þarft veganesti.

Alice þórhildur mun ásamt Mary Margareti vinkonu sinni sem fæddist á þriðjudaginn eflaust takast á við margskonar verkefni sem eru okkur óþekkt í dag. Vona bara að við berum gæfu til að taka ákvarðanir sem opna framtíðina þeirra og gefa þeim frábær tækifæri. Þær eiga það bara skilið þessi litlu krútt. Kannski ekkert skrítið að hún sé hugsi á myndinni. Skilur örugglega ekki allt sem við stöndum fyrir og trúum á en ég veit að hún mun gera sitt vel.

Þessi litla fallega ömmumús.

Megi sólblómin ykkar vaxa og verða stór og ná alla leið til himna.

Þegar örlaganornin fer í frí......

 

Æ örlaganornin er orðin þreytt á að vera alltaf að spinna einhvern örlagavef og reyna vefa saman atburði og fólk svo að úr verði ævintýri endalaus. Hún er farin í smá frí með tveimur góðum vinum sínum og sagði mér að ég gæti bara gert þetta sjálf á meðan. Henti í mig sprotanum og sagði mér að fá mér góða skó og labba svo bara af stað. Hætta að hugsa og láta rökin vera að þvælast fyrir mér og taka nú hendurnar frá augunum og fara í alvöru að sjá alla þessa óendanlegu MÖGULEIKA!

Þetta ætti allt venjulegt fólk að vita og kunna enda löngu komin tími á að við færum að nota okkar eigin töfrasprota og hafa hlutina bara eins og við viljum. Vera ekkert alltaf að bíða eftir einhverjum töframeyjum til að bjarga öllu. Hún fussaði og sveijaði um leið og hún reimaði á sig strigaskóna og hélt af stað í frí frá því að bjarga lífi mínu og vefa mér þann örlagavef sem ég bið um á hverju kvöldi. Frú Katrín Snæhólm sagði hún svo og brosti pínu..svona eins og Móna Lísa...Þetta er hér með í þínum höndum. Ég er farin til Parísar. Og svo bara hvarf hún. Situr örugglega á bekk með gæjunum sínum og hlær með sjálfri sér og nýtur langþráðar hvíldar. Verð að viðurkenna að ég hef líklega haldið henni mjög við verkið...að töfra fram lausnir fyrir mig í tíma og ótíma og nú á hún bara skilið að fá sér rauðvínsdropa og eldheitt ástarlíf í París. Hva...héldu menn að töframeyjar vilji ekki líka lifa lífinu og njóta sín?

 

Ég heyri samt enn hvíslið frá henni sem hún andar yfir til mín. 

Það sé ekki hægt að reikna allt út og vigta í gulli og prósentum. Að maður eigi fyrst og fremst að hafa gaman af þessu lífi sínu og leyfa því að gerast. Allt það besta er ómælanlegt í þessu mælibrjálæði ykkar mannanna.

Draumar eru fyrirboðar um hver þú raunverulega vilt vera.

Ætti maður að þora? Kíkja þarna út og bara láta það vaða? Vera ekkert að spá í neinu nema því að framkvæma alla draumana.

´

Hvað er það sem maður er hræddastur við. Nick Williams vinur minn sem hefur skrifað bækur á borð við "The work you were born to do" og  "Unconditional success" segir að flestir séu hræddastir við velgengni. Og að við eigum að vinna við það sem við elskum að gera. Ég er búin að vera að gera það en nú er tímabært að fara að taka stærri skref og virkilega láta á hlutina reyna...nei ég meina auðvitað láta verkin skína, tala og bara syngja ef þarf.

Hvert er draumajobbið þitt....hvað myndir þú elska mest að starfa við í lífinu?

Tilviljun??? Ó nei held nú ekki.

Fólk segir að eitthvað hafi komið þeim algerlega á óvart og að það hafi verið svo mikil tilviljun. Hugsaðu þér..ég var búin að vera hugsa svo mikið um hana Jónu systir og hvað heldurðu ekki...Rekst ég ekki bara á hana í Kringlunni í gær? Alger tilviljun ha?

 Eða.....Mig vantar svar við áleitinni spurningu. Hugsa mikið um hvert svarið geti verið en fæ engin svör. Sest upp í bílinn og ræsi hann keyri af stað og opna fyrir útvarpið. í útvarpinu er lag sem segir mér nákæmlega með textanum svarið sem ég var að leita af. Alger tilviljun...ha? Að ég skyldi einmitt hafa verið að hlusta á útvarpið akkúrat þarna. Ó nei held nú ekki.

Sumir segja að eina sem er tilviljun er orðið sjálft.

En ef við skoðum nú aðeins þetta orð...og leikum okkur með það þá þýðir það að hafa vilja til. Tilviljun er að hafa vilja til..ekki satt? Þannig að allt sem við erum svona hissa yfir að gerist og köllum tilviljanir er í raun bara vilji okkar að störfum. Undirvitundin sendir út skilaboð í alheiminn um hvað við viljum og það kemur til okkar á svona margvíslegan og frábæran hátt..stöðugt og alltaf. Við erum bara ekkert alltaf að taka eftir því sem streymir endalaust til okkar. Og alltaf í samræmi við það sem við höfum raunverulegan vilja til.

Já tilviljun!!!!  Þess vegna er svo mikilvægt að setja ætlunina, hugann og tilfinninguna í allt sem við raunverulega viljum en ekki í það sem við viljum ekki. Það er nefninlega engin TILVILJUN hvað verður á vegi þínum í lífinu elskið mitt. Eða hvað?

Og haldiði að það sé svo einhver tilviljun að það sé einmitt laugardagur hjá okkur öllum í dag? Ó nei held nú ekki.