Sérhannaðar prjónasokkabuxur og nýtt útlit

Er búin að fara úr einum búningi í annan í dag og endalausa hringi. Er að reyna að ákveða lúkkið á síðunni og líkar best við formatið sem ég er með núna en finnst athugasemdaformið frekar ruglingslegt og samanþjappað.

Setti inn mynd efst á síðuna sem Sunneva listakonan mín tók og notaði sem þema í hönnun á sokkaverkefni sem hún var að gera í skólanum sínum. Hönnunarfyrirtæki hafði svo samkeppni um bestu hönnunina og auðvitað varð Sunneva í öðru sætinu. Það var ekki að því að spyrja. Systir mín sagði þegar hún heyrði það "Já þetta eru asnar, hún hefði átt að vinna þetta" Ég hlakka til þegar hún verður búin að læra alllt sem máli skiptir í hönnun og getur farið að hanna mömmu sína frá toppi til táar. Ég get alveg hugsað mér að vera sérhönnuð og falleg dama svona á efri árum.

Sjáið þið mig fyrir ykkur að ganga um tignarlega í sérhönnuðum prjónasokkabuxum og vera ferlega spes??? Eins og vatnadís og með vatn í poka sem gutlar og sullast í svo maður sé í stíl við vatnsþemað á myndinni.

 Nú fer ég í bað. Væruð þið til í að kommenta svo í ruglingslega athugasemdadálkinn. Ég hef nefninlega svo gaman af að leysa ráðgátur og finna út hver skrifaði hvað.

 Svona lítur eitt sýnishorni út..mjög flott!!!

 

Athugasemdir

[Guðríður Hrefna Haraldsdóttir, 23.1.2007 kl. 17:40]

Komment, komment.

Sammála, þetta er snyrtilegt og skemmtilegt form á síðunni.  

[www.zordis.com, 23.1.2007 kl. 18:16]

Væri hægt að sjá sýninshornið á fyrirsætunni?  Kann vel við lúkkið þitt, minnir mig á mitt.  Einfalt og þægilegt .....

[Ibba Sig., 23.1.2007 kl. 19:19]

Er þetta gamall og lúinn íþróttasokkur með táfýlu í? Hvers konar þema er það í hönnunarkeppni? Held þú verðir að setja inn betri mynd.

[www.zordis.com, 23.1.2007 kl. 20:55]

Hva, bara alltaf að breyta! Blái hausinn var flottur hjá þér .......

[Katrín Snæhólm Baldursdóttir, 23.1.2007 kl. 21:23]

komið aftur...en bloggvinirnir eru horfnir og ..uhh!

Einhver vitringur sagði að maður gæti ekki fengið allt og virðist hafa haft rétt fyrir sér þar.