Amma breytir heiminum!

Rosalega langar mig til að fara út í heim og laga hann svolítið til þegar ég horfi á þig litla mannvera.

Hreinsa burtu allt það ljóta og hörmulega og setja bara niður blóm og eplatré svo þú getir notið þessarar jarðar. Biðja allt mannfólkið sem á eftir að verða á vegi þínum um að sýna þér allt það besta sem býr í þeim og lýsa upp tilveruna þína með umhyggju, skilningi og gæsku.

Æ já. Það er stórt hlutverk að vera amma. Það hreyfir við hjartanu í manni og mann langar svo mikið að geta fært fjöll og búið í haginn fyrir ykkur litlu mannverur. Í þínu lífi ætla ég að leika hlutverk góðu álfkonunnar og segja þér skemmtilegar og fallegar sögur sem gefa þér kjark til að verða allt það besta sem í þér býr. Og baka handa þér pönnukökur og prjóna hlýja flík.

Jamm.

Athugasemdir

[Fararstjórinn, 25.1.2007 kl. 21:54]

Þetta er svo falleg hugsun hjá þér, bara að þetta væri hægt, bara að ömmur gætu stjórnað heiminum!

[www.zordis.com, 25.1.2007 kl. 21:57]

Þú ert yndisleg amma!  Katrín, það mættu allar ömmur taka þig til fyrirmyndar!!!!!  Mér finst hún hafa þinn íslenska svip, björt og fögur.    Til hamingju AMMA.