Þið þarna bloggarabrjálæðingar

..nenniði að hægja aðeins á ykkur????

 . Ég sit hér sveitt við að skrifa mjög merkilega pistla svo ég geti fengið að vera á forsíðunni á Moggablogginu í smá tíma en þið eruð alltaf að eyðileggja þetta fyrir mér. Það eru nú takmörk fyrir hvað maður getur fengið margar góðar hugmyndir til að skrifa um á dag!!!!! Nú er ég t.d búin að skrifa um íslenska tilfinningatréhesta, grenjuskjóður,guðdómlega snjókomu í útlöndum og mína innri fegurðardís og mér finnst það bara nóg í bili og að það ætti nú að halda mér á forsíðunni a.m.k fram yfir hádegi.

 En nei..þið þurfið svo mikið að troðast og láta á ykkur bera að ég dett mjög fljótt út. Og svo eruð þið ekki einu sinni að skrifa neitt skemmtilegt. Bara röfla allir um það sama og halda að það sé eitthvað spennandi. Pólítík???

Dettur ykkur ekkert skemmtilegra eða frumlegra í hug..ha? Það er búið að þrasa um pólitík í mörghundruð ár og hún hefur ekkert batnað þrátt fyrir það. Og svo verðið þið vinsælust og takið allt plássið hérna. Skil þetta bara ekki!

 

Athugasemdir

[Haukur Nikulásson, 25.1.2007 kl. 11:49]

En hvað ég er sammála þér! Ég finn þetta sjálfur þegar ég er að reyna að leysa vandamál samtíðarinnar með stofnun stjórnmálaflokks að þá kemur fólk vaðandi með einhver einskis verð áhugamál og treður sér fram fyrir mann! Þvílík frekja!

Væri þér nokkuð sama þótt ég bregði einum pínu.. pínu dálk fram fyrir þig á eftir? 

[Katrín Snæhólm Baldursdóttir, 25.1.2007 kl. 11:56]

Ok..bara ef hann er eins og þú segir pínu pínu lítill. Vona að nýji stjórnmálaflokkurinn verði ekki pínulítill.

[www.zordis.com, 25.1.2007 kl. 12:12]

Spennandi að lesa hversdags pistlana, um það sem er raunverulegt hjá hverjum og einum, ýkt eða ekki annað mál!  Þú stiklar vel í átt að rósinni! 

[Guðríður Haraldsdóttir, 25.1.2007 kl. 17:59]

Í guðanna bænum haltu áfram skrifunum, þú ert alveg frábær!!! Samt synd að bloggbrjálæðingarnir skuli kæfa allt vitrænt með pólitísku bulli. Bíði þeir bara ... múahahahahahah!