Athugunarstöðin heldur áfram.....

Hvað dettur bloggurum í hug þegar þeir skoða þessa mynd með athygli?

Hvað kallar hún fram og af hverju.

 Athuganir ykkar þurfa að færast í athugasemdir.

Athugasemdir

[Hrönn Sigurðardóttir, 1.3.2007 kl. 12:45]

Brúðuleikhús! Svona svolítið smækkuð mynd af einræði, allir að flykkjast að til að heyra ORÐIÐ eina og sanna. Allir verða að fljóta með straumnum og enginn má skera sig úr.

Toyota fólk - sem er - svo ég útskýri sjálfa mig svolítið, fólk sem ég hef ekkert á móti. En hefur alltaf sömu skoðun og meirihlutinn. Af því að það er svo þægilegt. Á ekki endilega toyotu  ef það á bíl á annað borð. En þorir ekki að hafa sjálfstæða skoðun nema í einrúmi. Ég er nokkuð viss um að toyota fólkið krossfesti Jesú. Þarf kannski að hitta ykkur til að útskýra það  Ég kalla það toyota fólkið, með tilvísun í hve margir eiga toyotu.

Jahérna ekki datt mér í hug að þessi mynd segði mér svona margt, fannst hún meinleysisleg við fyrstu skoðun, þægileg litasamsetning, en svo leynir hún svona á sér.

[Ásthildur Cesil Þórðardóttir, 1.3.2007 kl. 13:16]

Fyrsta sem mér datt í hug voru indíjánabyggðirnar í Norður Mexícó, sem ég heimsótti fyrir nokkrum árum.  Þar sátu fjölskyldurnar og biðu eftir matarskammtinum sínum, sem ríkið færði þeim tvisvar í viku held ég.  Í skrautlegum búningum og fallegt fólk, en svipt stolti og sjálfbjargarhvöt. 

[Doddi - Þorsteinn G. Jónsson (IP-tala skráð) 1.3.2007 kl. 13:59]

Þar sem ég sé útileikhús og mögulega eitthvað mexíkóskt (það er asninn... sko) , þá hugsaði ég um krakka og skemmtanir fyrir þá. Ég fór að hugsa um þann tíma þegar ég var lítill krakki að leika í leikritum ... blandast þarna líka inn þráin eftir að verða blóðforeldri sjálfur ...

[Jenný Anna Baldursdóttir, 1.3.2007 kl. 16:08]

Mér finnst þetta vera hamingjumynd. Hún höfðar til mín. Kynslóðirnar saman and all that jazz

[Eg. (IP-tala skráð) 1.3.2007 kl. 17:09]

Kína

[Katrín Snæhólm Baldursdóttir, 1.3.2007 kl. 19:32]

Skemmtilegt hvað þið sjáið mismunandi myndir og hversu mismunandi minningar og tilfinningar hún kallar fram.

Mér finnst hún svona bæði..fyrst voða yndisleg og falleg og allt svona jollý good..en svo eins og undirliggjandi tónn um yfirborðsmennsku og ófrelsi og óhamingju undir öllum litunum. Eins og þeir væru ekki ekta og myndu skolast burtu í næsta regni.

[Svava frá Strandbergi , 1.3.2007 kl. 21:45]

Brúðuleikhús sem er bæði í Kína og líka í Tívolí í Köben,  paradís, óþekkir krakkar að klifra í trjánum. Ég á múlasnabaki í Disneylandi, allir hlægjandi sem horfðu á því múl-'asninn' var með hann úti og  lafandi niður á jörð. Ég hélt að allir væru að hlægja með mér af því það var svo gaman en ekki að mér.
Mynd  eftir Sólon Íslandus Sölva Helgason.
Helvíti þar sem ekkert er við að vera nema horfa á brúðuleikhús, klifra í trjám, éta og ríða ösnum.