Ekki allt sem sýnist....

Ég hafði bara ekkert að gera eftir hádegið svo ég skellti mér út að tína epli. "Epli á dag kemur heilsunni í lag" segjum við á íslandi meðan að í englandi segjum við.."An apple a day keeps the doctor away"!!! Páskasólin og vorkoman fengu mig til að fækka aðeins fötum enda verður manni bæði heitt við að klifra upp í stóru eplatrén og hrista þau duglega og syngja um leið hástöfum...Vorið er komið og grundirnar gróa..tra la la.

Nýju nágrönnum mínum líst örugglega bara vel á mig því þeir voru allir úti í glugga..samt smá feimnir ennþá því þeir földu sig bak við gardínur og ég sá bara í nefbroddinn á þeim. Gasalega lekker nýju laufin sem maður getur klætt sig í þegar maður er komin úr fötunum. Maðurinn minn kallaði mig Evu.."You Eva Me Adam "sagði hann og blikkaði mig.

Já þetta var bara alveg frábær dagur. Svo gerðist nú eitt skrítið og kom þá í ljós að spekingar hafa alveg rétt fyrir sér. The Wise Guys kalla ég þá alltaf enda er ég svo léttlynd....já sko þegar þeir segja að það sé nú ekki allt eins og það sýnist í henni veröld. Að oft sé flagð undir fögru skinni eða að maður eigi ekki að láta glepjast af umbúðunum.

Þessi sannindi eru dagsönn og viturlega mælt. Sjáiði bara með eigin augum. Rosalega var ég hissa. En nú er farið að kólna og ég ætla að fara úr laufblaðinu og skella mér í lopapeysuna mína og gammosíur. Eigið bara gott sunnudagskvöld öll sömul. Adam biður að heilsa...hann er enn með einhvern undarlegan glampa í augum þegar hann horfir á mig. Örugglega laufblaðið sem er að hafa þessi áhrif á hann..hann er forfallinn náttúrunnandi þessi elska eða að hann er svag fyrir konum á hælaskóm. Lengir lappirnar sko.

Athugasemdir

[Ásthildur Cesil Þórðardóttir, 18.3.2007 kl. 17:56]

Heyrðu nú mig elskuleg er þetta rétti timinn til að týna epli? hehehehe.... og það í Evu klæðunum einum saman.  Dream on girl.  Þú gætir hafa verið að klippa hekkið eða eitthvað álíka.  Eplin hljóta að vera týnd í september eða október. 

[Ásthildur Cesil Þórðardóttir, 18.3.2007 kl. 17:57]

Jamm og svo sýnist mér þetta vera spurning um epli og appelsínur.

[Guðríður Hrefna Haraldsdóttir, 18.3.2007 kl. 18:02]

Hehhehehe, góð!!!

[Katrín Snæhólm Baldursdóttir, 18.3.2007 kl. 18:07]

Ásthildur mín..það er ekki alltaf allt á kafi í snjó hérna allan ársins hring eins og á Ísafirði. Hér er varmi og vor og blíða. Nei þetta er kannski ekki rétti tíminn til  að tína epli enda var ég ekkert að því þegar allt kom til alls. Appelsínur voru það heillin! 

[bara Maja..., 18.3.2007 kl. 18:37]

Hehehe góð að venju

[Hugarfluga, 18.3.2007 kl. 18:58]

*fliss* Æði! 

[www.zordis.com, 18.3.2007 kl. 19:36]

Það að klifra upp í tré er svoooooooooooo notalegt!  Ég er nýkomin niður úr Pálmatré þótt svo að döðlutínslan sé ekki hafin .......

[Steinunn Helga Sigurðardóttir, 18.3.2007 kl. 19:51]

frábært að tína epli í mars !

kveðja héðan

steina 

[Anna Benkovic Mikaelsdóttir, 18.3.2007 kl. 19:54]

[Svava frá Strandbergi , 18.3.2007 kl. 21:58]

Mig dreymir einmitt um að geta týnt epli a Evuklæðum líka. Annars er ég svo oft á Evuklæðum þegar ég er ein heima. Nenni ekki að klæða mig. það er verst að það er fullt af gluggum á blokkinni hérna á móti en yfirleitt man ég eftir því að draga rimlagardínurnar niður alla vega hef ég ekki ennþá fengið kvörtun vegna ósæmilegrar hegðunar. Samt liggur stundum við að ég rjúki alsber fram á gang til að henda ruslinu þegar ég er sem mest utan við mig.

[Ásthildur Cesil Þórðardóttir, 19.3.2007 kl. 00:59]

Na hehehe núna er allt fullt af snjó hér á Ísó.  En kirsuberjatréð mitt er samt að fara að blómstra  Inn í garðskála, ég skal senda þér mynd þegar það byrjar í alvörunni

[Katrín Snæhólm Baldursdóttir, 19.3.2007 kl. 01:08]

Takk...og skilaðu kveðju til Möggu Áka...þið bara eruð systur í anda og efnisútliti. Hún er svo frábær kona!!!