Af hverju heitir helgin helgi?

Af hverju heitir ekki helgin hlé eða hvíld eða hægferð?

Ætli helgi eigi að helgast einhverju sérstöku eða að vera sérstök helgistund í vikunni? Fyrir kristna á sunnudagurinn auðvitað að vera heilagur hvíldardagur. Er til fólk sem gerir ekkert á sunnudögum og tekur sér heilaga hvíld?

Hvernig notar annars fólk helgarnar best?

Fyrir mér eru helgarnar til að njóta samveru með fjölskyldunni og vinum sínum, gera eitthvað saman, elda góðan mat, oft til að þvo og þrifa eftir vikuna, kaupa inn mat og kíkja í heimsóknir eða gera eitthvað skemmtilegt. Stunda sportið..eða horfa á krakkana stunda sportið og bara chilla. Hvíla sig eftir annríki vikunnar og undirbúa næstu törn. Eða bara fá sér góða köku.

Jamm. Fáið ykkur bara bita af köku elskurnar.

Ég veit að föstudagsannríkið getur gert útaf við venjulegt fólk og þá er ekkert betra en að setjast niður og fá sér rjúkandi kaffibolla og væna kökusneið meðan ég syng frumsamin lög um frábæra þvottahæfileika mína og nýtingu á einstökum þurrki.

Að hengja út í góðri golu

hvítþveginn þvott og samvisku

er verkefni húsmóður 

um heilaga helgi. 

 

Þegar skýin svo hrannast upp

við sjóndeildarhringinn

er tímabært að

taka inn þvottabinginn.

 

Já heilaga helgi

hér kem ég

með kökubitann kæra

til að fjöldann ég megi mæra.

Já við erum sko algerir englar í þessari familí...og njótum helganna saman. Og snilldarkveðskapar móðurinnar auðvitað.

Verði ykkur að góðu og njótið helgarinnar og hvíldarinnar. Það er eðlilegt að vera smá skrítinn seinnipartinn á föstudögum rétt áður en maður byrjar að hvíla sig. Munið það þegar þið lesið þessa færslu.

Og ekki dæma!!!

Smjúts

 

 

Athugasemdir

[Anna Benkovic Mikaelsdóttir, 20.4.2007 kl. 17:21]

takk fyrir þetta og...GÓÐA HELGI!

[Svava frá Strandbergi , 20.4.2007 kl. 17:28]

Þú kemur mér í gott skap Katrín. Góða helgi.

[Hulda (IP-tala skráð) 20.4.2007 kl. 17:39]

Sko helgi heitir í raun ekki helgi hún heitir VIKUENDIR eða eins og þeir segja í þínu landi WEEKEND en mér er eiginlega alveg sama því ég er komin í HELGARFRÍ svo góðan VIKUENDIR

[Ásthildur Cesil Þórðardóttir, 20.4.2007 kl. 17:50]

Góða helgi sömuleiðis Katrín mín.  Eigðu góða stund með fjölskyldunni.

[Kristín Katla Árnadóttir, 20.4.2007 kl. 17:58]

Hafðu það gott  Frú Katrín þú er frábær.

[Guðrún Þorleifs, 20.4.2007 kl. 18:35]

Góða og gleðilega helgi með öllu sem henni fylgir Ég ætla að hverfa á vit æfintýranna í Köben í fyrramálið. Ætla að koma dætrum mínum  á óvart með töfrum upp úr hatti og fleirru óvæntu   það fyndna er, að ég hef verið að gefa þeim smá hints um það sem býður þeirra, en þær heyra það ekki. Eru svo spenntar að hitta stóra bróa Fjör

[www.zordis.com, 20.4.2007 kl. 19:25]

Zad er Jesúbragur á zér mín kaera!  Já spádu ad helgin heitir líka zad sama á skandinavísku .... Sennilega vegna zess ad zessar elskur tala forníslensku upp til hópa!  Vaeri til í heilun og reiki zessa helgina og vidhafa heilagleik hugar míns ..... Fadmur til zín og zinna

[Eg. (IP-tala skráð) 20.4.2007 kl. 19:28]

Af hverju ekki helgi eins og hvað annað? Það er eins og með heita vatnið, eitthvað varð það að heita, vatnið! Heg.

[Jenný Anna Baldursdóttir, 20.4.2007 kl. 19:42]

Njóttu helgarinnar!!

[Jón Steinar Ragnarsson, 20.4.2007 kl. 23:11]

Góða helgi.  Helgum okkur sjálf. Laugum okkur á laugardögum og hvílum okkur á sunnudögum. Elskum okkur sjálf, svo við lærum að elska aðra.

[Hugarfluga, 21.4.2007 kl. 00:14]

Samt skárra að þetta sé kallað helgi en t.d. hálfdán. Það myndi allavega hljóma fáránlega að segja "Hvað ætlarðu að gera um hálfdáninn?" .... nei, ég segi svona.