Draumur og dagfarir

Dreymdi í nótt að ég væri komin í rútu sem var á leið út á flugvöll og ég átti enn eftir að taka ákvörðun um hvort ég ætlaði raunverulega heim til íslands.

Það er eitthvað svo margt að togast á um í mér núna og ég er að bíða eftir mikilvægum svörum og mikið að gera á sama tíma.  Stundum væri nú gott að vera bara fugl og fljúga yfir turninn í stað þess að þurfa að klifra upp. Skil ekkert í mér stundum að hafa ekki valið að hafa fæðst inn í þetta líf með vængi. Það ættu allir að hafa vængi. Það er hreinlega lífsnauðsynlegt að geta flogið upp og burt stöku sinnum svona rétt til að fá betra útsýni yfir stöðu mála..ekki satt?

Það bara rignir og rignir og rignir hérna megin. Yndislegt fyrir blóm og tré en alger horror fyrir hárið mér sem verður eins og lambahárgreiðsla með heyívafi. Jæja best að halda áfram að vera til. Annars trúi ég því að lífið hafi alltaf fyrir mann svarið. Maður þarf bara að vera vakandi, hlustandi og taka eftir því sem er að gerast í kringum mann. Þá allt í einu og fyrirvaralaust kemur lausnin..ljúflega eins og fjöður og leggst við fætur manns.

Ég elska þig útsýni

 

Athugasemdir

[Jenný Anna Baldursdóttir, 8.6.2007 kl. 10:34]

Hættu að dreyma um Íslandsferðir og drífðu þig yfir til okkar í sólskinið.  Já Katrín mín þetta er yndislegur dagur.  Smjúts.

[Kristín Katla Árnadóttir, 8.6.2007 kl. 10:43]

 Það er ekki dónalegt að vera með lamba hárgreiðslu Katrín mín.

[Matthildur Ágústa Helgadóttir Jónudóttir, 8.6.2007 kl. 11:52]

Ef þú elskar útsýni ættir þú að kíkja á Ísland "best í heimi" 

[Steingerður Steinarsdóttir, 8.6.2007 kl. 12:00]

Ef þú kíkir til Íslands verður þú að boða til sérstaks bloggvinafundar.

[Ásthildur Cesil Þórðardóttir, 8.6.2007 kl. 12:30]

Já hér er sól og gott veður. 

[Guðríður Hrefna Haraldsdóttir, 8.6.2007 kl. 12:39]

María í Skrúðgarðinum hefur enn eitt af stóru borðunum frátekið fyrir bloggvinafundinn sem átti að vera í apríl. Við Guðmundur, Keli og fleiri vorum búin að taka staðinn út og ... hann er nógu góður fyrir okkur!

[Heiða B. Heiðars, 8.6.2007 kl. 14:52]

KataSkata!!!  Snáfaðu til Íslands!! Eftir þrjá vikur verð ég nebbla farin í þrjár vikur! Ég elti þig að enda veraldar til að sparka í rassinn á þér ef þú kemur á klakann á meðan ég er fjarverandi!!!

[Katrín Snæhólm Baldursdóttir, 8.6.2007 kl. 15:03]

Úpps...planið var að koma á föstudaginn með Dótturinni tengdasyninum og litlu Alice Þórhildi sem er að koma og sjá alla ættingja sína á íslandi í fyrsta skipti..og nota þá tækifærið til að taka mynd af mér og mömmu og ömmu, dóttur minni og dótturdóttur..fimm ættliðir í beinan kvenlegg...en það tekst því miður ekki hjá mér nema eitthvað gasalega mikil heppni hendi mig..hver veit. Ég er nú voða heppin kona sko..

[Heiða B. Heiðars, 8.6.2007 kl. 15:13]

Puttana í krossssssss

[Katrín Snæhólm Baldursdóttir, 8.6.2007 kl. 16:17]

Streingerður mí ég er akkúrat núna að "kíkja" til íslands með fína kíkinum sem ég fékk í jólagjöf. Eruð þið til að standa öll saman á Langasandi klukkan níu í kvöld svo ég geti séð ykkur..svo getið þið fengið ykkur kaffi á eftir í skrúðgarðinum með Gurrí. Hún borgar..mér skilst að hún sé milljarðer.

[Guðríður Hrefna Haraldsdóttir, 8.6.2007 kl. 16:32]

Hahhahaha, auðvitað ég borga ég fyrir alla!!!

[Anna Benkovic Mikaelsdóttir, 8.6.2007 kl. 18:55]

hæ ég veIFA ÞÉR Í ÁTT AÐ KÍKINUM!!!

[Steingerður Steinarsdóttir, 8.6.2007 kl. 20:12]

Já, kíktu Katrín mín. Ég verð með stóra rauða borðdúkinn og veifa sem mest ég má.

[Hugarfluga, 8.6.2007 kl. 20:49]

Koddu, Katrín!! Bloggvinafundur par excellance og rauðvín og ostar! Ég bíð (með einföldu sko).

[www.zordis.com, 8.6.2007 kl. 21:36]

Er ekki málid ad fljúga bara saman!  Kaupa einn tvíburamida og láta allt um lund og lifandi leid!  Fljúga svo á zöndum fidurvaengjum

[Jón Steinar Ragnarsson, 8.6.2007 kl. 22:56]

Það er ekki viturlegt að bíða.  Það kemur sem kemur og óþarfi að missa af því sem lífið bíður upp á á meðan.  Jafnvel þótt það sé ekki merkilegra en að horfa út um gluggann.  Það er allavega það sem er á matseðli tilverunnar núna og það skal maður gúffa í sig með gleði.

[Katrín Snæhólm Baldursdóttir, 8.6.2007 kl. 23:05]

Halló þarna ertu vinur númer eitt.... Já ég horfi og stari út um glugggann minn og vonast eftir að sjá þig meðal annars. Þín hefur verið sárt saknað. Velkominn elskulegur. Lífið kemur með lausnirnar á sínum hraða. Ég þarf bara að læra að bíða.