Ég er klikkuð..úpps..ég meina KLUKKUÐ!!! Örugglega bara sitt lítið af hvoru.

Ásthildur og Kristín Katla hafa báðar klukkað mig og nú á ég að segja 8 hluti um mig og klukka 8 aðra sem eiga þá að segja 8 hluti um sig á síðunni sinni og segja að ég hafi klukkað þau. Einfalt og skemmtilegt ekki satt???

Í dag er ég í eldrauðum skóm og með splunkunýjan eldrauðan hring á fingri. Rauðu skóna nota ég þá daga þegar ég vakna og veit ekkert hvert ég er að fara. Elti bara skóna og læt þá vísa mér leið þann daginn. Bregst aldrei að ég enda oft á mjög spennandi stöðum. Rauði hringurinn hefur ekki enn tjáð sig um hvað hann er.

Gleraugun mín eru græn eins og augun í mér og ég rosalega mikið af grænum fötum. Allt er vænt sem vel er grænt og ég elska náttúruna.

Ég geri mest lítið en ég er alveg helling. Ég er móðir, lífsförunautur, listakona, skúlptúristi og málari, verðandi rithöfundur..já ég er byrjuð á bókunum...lífskúnster, tvíburi, róllyndislegur galgopi og vil helst að allt sé heilt í kringum mig. Þess vegna er ég líka heilari. Og ég hreinlega elska sögur og sé ævintýri í hverju horni.

Úrið mitt er keypt í secondhand búðinni eins og nýji sumarkjóllinn minn. Úrið er skreytt grænleitum demöntum og var örugglega í eigu Katrínar Miklu einu sinni og var smyglað hingað til Englands af sjóræningjum.

Mér finnast hægar kvikmyndir miklu skemmtilegri en hraðar kvikmyndir. Verð svo þreytt að láta henda mér á milli atriða..vil frekar fá að upplifa aðeins meira á lengri tíma.

Fjórir englar ákváðu þegar þeir hugðu á ferð til jarðar að ég væri heppileg í mömmuhlutverkið fyrir þá. Ég hins vegar veit að þeir komu til að kenna mér ýmislegt um þolinmæði og óskilyrta ást. Karen, Sunneva, Nói og Theodóra Hugrún. I love you!!!

Mér finnst gott og gaman að elda mat. Það er listgrein í sjálfu sér. Og að hann sé fallegur á litinn og borinn fram með kertaljósum og blómaskreytingum. Það er gjörningur í sjálfu sér að næra aðra á hvaða hátt sem er.

Mig dreymir um að opna stórt óðalssetur þar sem útúrstressaðir íslendingar og aðrir útlendingar geta komið í fjársjóðsleit. Fjársjóðurinn er auðvitað þeir sjálfir og leitin fer fram í gegnum listsköpun, náttúrugöngur og samtöl við jarðdverga og trjáanda, og fullt af englavinnu og sögustundum. Ef einhver getur séð af svona milljón pundum þá er rétta húsið þegar fundið!!! Og af því að ég er komin með  8 atriði lauma ég því hér með að ég er ástfangin.

Eftirfarandi eru hér með klukkaðir af mér

Ibba Sig

Beta

Jón Steinar

sarcastic bastard

Steingerður

Marta Smarta

Maja Solla

Gurrí...þ.e ef það eru till einhver átta atriði sem við ekki vitum nú þegar um þessa frægu vinkonu mína..hehe.

Have a wonderful day!!!!

 

 

 

 

Athugasemdir

[Kristín Katla Árnadóttir, 11.7.2007 kl. 19:58]

Æðislegt hjá þér hjá þér Katrín mikla.

[Jóna Á. Gísladóttir, 11.7.2007 kl. 23:31]

Vá hvað mér líst vel á Óðalsseturdrauminn. Ef ég vinn í Víkingalottó... hver veit.

[www.zordis.com, 12.7.2007 kl. 07:32]

Saet faersla hjá zér og svo innileg!  Mér líst vel á ódalsetrid zitt!  Ég aetla ad fara í graenu skóna mína í dag zví ég zarf ad trekkja ad fjármuni ......................

[Anna Einarsdóttir, 12.7.2007 kl. 22:40]

Mikið eru nöfnin á börnunum þínum falleg.