Ömmuhugleiðingar og blómálfur í bláu.

 

Mig langaði svo að setja nýju myndirnar inn af Alice Þórhildi en tókst ekki fyrr en núna....

Hún er þarna í bláa blómakjólnum með mömmu sinni Karen Lind.

Alice stundar barnajóga hjá englakonu sem spilar fallega tóna og mömmurnar láta litlu ungana sína teygja sig í takt og fljúga um loftin. Hún borðar heimagert barnamauk sem mamman býr til úr grænmeti og ávöxtum og elskar mest af öllu að fara út að ganga og gefa fiskunum brauð. Þar sem hún á heima eru nefninlega fiskar í tjörninni sem hreinlega dýrka brauðbita og það gengur mikið á þegar þeir slást um brauðmolana.

Ég kalla til Mikael Erkiengil með sitt stóra sindrandi sverð og bið hann um að sveifla því um víða veröld og hreinsa burtu neikvætt hugarfar og létta  umburðarlundina hjá okkur öllum svo þessi heimur verði betri staður fyrir framtíðar mannfólkið okkar.

Að plánetan verði heilbrigð og fögur og gefi af sér nægtir og góða orkustrauma fyrir öll jarðarinnar börn. Ég er nefninlega sannfærð um að þau börn sem núna fæðast vita ýmislegt í sínu litla hjarta um hvernig jafnvægi verður náð og eru öllum stundum að reyna að koma þeim skilaboðum til okkar stóra fólksins.

Held að Alice og öll hin börnin hafi stundum af því áhyggjur hvað við erum lengi að læra grunnatriðin.

Alltaf þegar ég held á henni grípur hún í eyrun á mér eins og hún vilji segja um leið og hún horfir á mig með stóru bláu augunum sínum..

"Amma ertu að hlusta"?

Athugasemdir

[Jenný Anna Baldursdóttir, 28.7.2007 kl. 14:05]

Mér finnst hún hafa fæðst í gær.  Yndislegt barn

[Hrönn Sigurðardóttir, 28.7.2007 kl. 14:10]

Yndislegt barn

[Jóna Á. Gísladóttir, 28.7.2007 kl. 16:01]

Almáttugur hvað barnið er fallegt. Þegar maður sér svona saklaus augu og sál biður maður þess og vonar að lífið fari ljúfum höndum um þennan litla einstakling.

[halkatla, 28.7.2007 kl. 17:06]

oooo dúllan hún er ekkert smá falleg - þetta er að virka hjá ykkur sveimmér þá  

[Katrín Snæhólm Baldursdóttir, 28.7.2007 kl. 17:33]

Já þetta er sko að virka hjá okkur...annars skil ég samt ekkert alveg hvað þú átt við en fæ samt gleðitilfinningu yfir að þú kíkir við. Það er alveg nóg fyrir mig

[Kristín Katla Árnadóttir, 28.7.2007 kl. 17:36]

 Mikið er barnið fallegt. þú ert svo sniðug og skemmtileg og vitur.

[Steinunn Helga Sigurðardóttir, 28.7.2007 kl. 18:09]

þvílíkt dásemdar barn, og augun djúp full af sannleika visku !

þessa færsla þín katrín er mjög falleg og ég varð glöð í hjartanu þegar ég las hana.

Ljós til þín sálusystir í álfum og englum

steina 

[Steinunn Helga Sigurðardóttir, 28.7.2007 kl. 18:10]

dóttir þín er líka falleg og velur fallega fyrir barnið sitt !

Ljós til þeirra

steina 

[Ragga (IP-tala skráð) 28.7.2007 kl. 19:28]

Mikið svakalega er þetta sæt stelpa!

[Guðríður Hrefna Haraldsdóttir, 28.7.2007 kl. 20:04]

Yndisleg snúlla!!!

[Marta B Helgadóttir, 28.7.2007 kl. 21:03]

[Hólmgeir Karlsson, 29.7.2007 kl. 00:45]

Þú veist það efalaust Katrín, en ég held það sé engin tilviljun að hún valdi að koma til ykkar þessi litla prinsessa. Alltaf jafn gaman að lesa færslurnar þínar ...

[www.zordis.com, 29.7.2007 kl. 10:05]

Þvílíkur engill sem litla ömmubarnið þitt er, hún er svo björt.  Viska barnanna er mikil og mættum við hlusta betur á skilaboðin. 

Mikael Erkiengill er verndari bæjarins sem ég bý í og hér er mikil orka og kyrrð í annars þurrum en gjöfulum jarðvegi. 

Englakveðjur til þín kæra Katrín ....  

[Doddi - Þorsteinn G. Jónsson (IP-tala skráð) 29.7.2007 kl. 10:20]

Algjör sætasta dúlla - til hamingju með þetta gullfallega ömmubarn.

Heldurðu að við munum þekkjast enn, þegar ég verð afi?

Kossar og knúsur!

[Anna Ólafsdóttir (anno) (IP-tala skráð) 29.7.2007 kl. 10:45]

Mikið er þessi litla prinsessa falleg  Til hamingju með hana og þig. Eigðu góðan dag kæra bloggvinkona

[Ásthildur Cesil Þórðardóttir, 29.7.2007 kl. 10:53]

Falleg sál, og sannarlega eru börnin gleðigjafi, og það er örugglega alveg rétt að þau vilja kenna okkur að hlusta betur á það sem í kring um okkur er.  Takk fyrir enn eina yndislega færslu Katrín mín. 

[Maja Solla (IP-tala skráð) 29.7.2007 kl. 11:04]

Það er sko ekki að ástæðulausu að börnin koma svona saklaus til okkar. Það er einfaldlega til að minna okkur á hvað við þurfum að hugsa vel um þau og þeirra framtíð, og líka um jörðina sem við göngum öll á.
Stelpan er algjört æði.

[Katrín Snæhólm Baldursdóttir, 29.7.2007 kl. 12:25]

Takk fyrir falleg og yndisleg komment þið öll.

Ég trúi því að englarnir mínir hafi farið bloggrúntinn og pikkað handa mér alla æðislegustu bloggvinina....já ég er svooo heppin kona

[Hugarfluga, 29.7.2007 kl. 13:57]

Jeremías Jósmundsson hvað barnið er guðdómlegt! Ég fæ nú bara kökk í hálsinn og tár í augun yfir svona fallegum færslum. Takk fyrir mig.

[Ibba Sig., 29.7.2007 kl. 22:46]

Úff, segi ég bara. Hún er laaaaaangflottust! Hlakka til að hitta hana aftur. 

[Björg K. Sigurðardóttir, 30.7.2007 kl. 00:56]

Þú átt yndislega fallegt barnabarn með þessi stóru fallegu augu og bros sem bræðir mann alveg.

[Guðrún Þorleifs, 30.7.2007 kl. 08:03]

Góðan daginn Katrín min

Þær eru fallegar kraftaverkamægurnar þínar

Megi þessi dagur færa þér allt gott. 

Bloggvinaknús frá Als

[Margrét St Hafsteinsdóttir, 1.8.2007 kl. 01:30]

Falleg mamma, falleg dóttir og fallegt barnabarn