Ímyndir

1.4.2008 | 11:13

Barcelona eða Oxford...nú verður erfitt að verða fjörtíuogfimm!!

Eins og alþjóð hlýtur að vita er ég að verða 45 ára fegurðardrottning...munið að fegurð er mjög afstæð og hverjum þykir sinn fugl fagur. Verð semsagt hálfníræð þann 13. júní. Föstudaginn 13. júní. W00t Fyrir þann dag hef ég sett mér markmið..göfugt og gott sem miðar að því að ég verði í mínu besta formi andlega sem líkamlega og fari um götur og himingeima sem glitrandi orkukúla. Það hvarflar ekki annað að mér en að ég sé eins og eðalrauðvín og geti því bara batnað með aldrinum.

Til að ná þessu markmiði mínu ber ég ásamt syni mínum út Moggann og þramma vasklega um vesturbæinn dag hvern þegar sólin er að koma upp og fer svo þaðan í sund og svamla alveg þar til ég hef misst kíló. Svo borða ég auðvitað mikið gras og grænmeti og drekk vatn með öllum vítamínunum. Vissuð þið að maður pissar sjálflýsandi skærgulu eftir super B?? Vegna þessa merka áfanga þar sem viska og þroski eykst um heilt ár ásamt því að frúin verður ætíð fegurri verða auðvitað einhver hátíðahöld. Planið var að fara til Oxford og útskrifast með pompi og prakt, skrýðast skikkju og skúfhatti svona til að eignast eina mynd af ömmunni í einhverskonar menntaskarti svo barnabörnin geti dáðst að mér þegar ég verð orðin að grasi einhversstaðar. Svo vil ég líka bara eiga það skjalfest að ég er ekki bara fögur heldur líka gáfuð!!! Prentað, undirskrifað og rammað uppi á vegg. Og heila seremóníu með takk.
Hvít tjöld á grænum gresjum háskólalóðarinnar. spariklæddir þjónar á þeytingi að hella gullnu kampavíni í útskrifaðar dömur sem eiga þar að auki afmæli þennan fagra júnídag og heil sinfóníuhljómsveit leikur tónlist sem lyftir andanum í skugga stóru eikarinnar.

Ohhh... jamm og ég hlakka svo til og sé þetta svo skýrt fyrir mér.

En svo kom þessi auglýsing til mín og nú veit ég ekkert hvað ég á að gera..... því fyrir mér er svona Bóhemaferð til Barcelóna bara dýrðardraumur í dós. InLove Og þessi ferð hefst lika 13. júní eins og allir aðrir merkisatburðir þetta árið. Svei mér þá.

Skoðið þetta og segið mér svo að þið séuð ekki sammála því að þetta sé göldrótt ferð fyrir fólk eins og okkur að fara???

Já viðurkennið þið bara hér og nú..þið eruð öll Bóhemar og þráið það heitt ...og þráið líka hitann...og að fara til Barcelóna og gæla við lista og sköpunargyðjurnar. Pæliði í því að standa í fjalli undir gömlum klausturvegg og horfa yfir hafið..hitinn yndislegur og kaldi drykkurinn göróttur og góður, og mála stórkostlega inspæering myndir í fögrum litum...málverk sem verða eilíf og rándýr auðvitað.

Ég veit hreinlega ekki í hvorn fótinn ég á að stíga. Barcelóna-listalöppina eða ensku hefðartánna.

Myndlistaferð til Can Serrat

Can Serrat er gamall vínbúgarður frá 18. öld, 45 km frá Barcelona. Can Serrat liggur fyrir utan smábæinn El Bruc (1400 íbúar) en þangað er einungis 5 mínútna gangur. Í bænum er hægt að sækja alla helstu þjónustu; veitingastaðir, barir, verslanir, sundlaug, banki og apótek.

Can Serrat liggur í Mont Serrat þjóðgarðinum er dregur nafn sitt af fjallinu Mont Serrat sem er þekkt fyrir sína sérkennilegu lögun og er vinsælt til fjallganga og klifurs.

Tólf norskir listamenn keyptu Can Serrat árið 1988 og breyttu honum í gisti- og vinnuaðstöðu fyrir listamenn. Til Can Serrat kemur fólk alls staðar að úr heiminum til dvalar í skemmri eða lengri tíma. Fólk úr öllum listgreinum; s.s. myndlistarmenn, ljósmyndarar, myndhöggvarar, rithöfundar en einnig áhugafólk um listir m.a. fólk sem fæst við málun í frístundum eða bara fólk sem langar að dvelja í þessu sérstaka og hrífandi umhverfi.

Dvöl á þessum stað er engu lík. Húsið er gamalt með þykka múrveggi sem gerir það að verkum að hitinn innandyra helst nokkuð jafn og engin þörf á loftræstingu. Katalónsk antíkhúsgögn, langborð úti í garði, stór arinn í eldhúsinu, mósaík skúlptúrar úti sem inni og myndlist á veggjum.

Um er að ræða öðruvísi frí, skemmtilegt og skapandi, hittir örugglega í mark hjá sönnum bóhemum en líka öðrum!

Hér er ekki um fimm stjörnu hótel að ræða og þjónustan er í lágmarki. Við vöskum upp sjálf og göngum um eins og við værum heima hjá okkur. Það gerir hins vegar andrúmsloftið mjög afslappað og fólk hjálpast að. Eitt er þó víst að á degi hverjum (ekki sunnudag) verður borinn fram kvöldverður.

Dagskrá

Dagur 1:

Föstudagur 13. júní,:

Flug til Barcelona og leigubíll til Can Serrat. Komum okkur fyrir og skoðum staðinn.

Kvöldverður á Can Serrat

Dagur 2:

Laugardagur, 14. júní:

Morgunverður.

Skoðum nágrennið, göngum upp eftir fjallinu, mikið um ólívu og hnetutré, hrífandi og framandi umhverfi.

Seinni partinn göngum við til El Bruc og skoðum okkur um.

Kvöldverður á Can Serrat

Dagur 3:

Sunnudagur, 15. júní:

Morgunverður.

Námskeið hefst kl. 10.00 og stendur til kl. 15.00.

Kvöldverður t.d. á veitingastaðnum Vinyanova í El Bruc. (ekki innifalið)

Dagur 4:

Mánudagur, 16. júní:

Morgunverður.

Frjáls dagur. (Sjá möguleika á skipulögðum ferðum)

Kvöldverður á Can Serrat.

Dagur 5:

Þriðjudagur, 17. júní:

Morgunverður

Námskeið kl. 10.00-15.00

Kvöldverður á Can Serrat.

Dagur 6:

Miðvikudagur, 18. júní:

Morgunverður

Frjáls dagur. (Sjá möguleika á skipulögðum ferðum)

Dagur 7:

Fimmtudagur, 19. júní:

Morgunverður.

Námskeið 10.00-15.00.

Seinni partinn undirbúningur á myndlistasýningu hópsins um kvöldið.

Kvöldverður og sýning fyrir aðra gesti á Can Serrat og hugsanlega íbúa El Bruc.

Dagur 8:

Föstudagur, 20. júní:

Morgunverður.

Heimferð. Leigubíll á flugvöllinn.

Fjöldi:

10 manns auk fararstjóra.

Gisting:

Eitt eins manns herbergi, annars gisting í tveggja og þriggja manna herbergjum.

Matur:

Morgunmatur 7 sinnum

Kvöldverður 6 sinnum

Námskeið:

Kennarar á námskeiðinu verða þau Eric Carlos Bertrand og Pamela Martinez. Þau munu leggja sig fram við að sinna hverjum og einum sem best. Með það fyrir augum leggja þau til að þátttakendur sendi þeim tölvupóst með nokkrum fyrirvara þar sem þeir segja svolítið um sínar væntingar og hvað þeir vilja fá út úr námskeiðinu. Gott væri einnig ef þátttakendur sendu eina eða fleiri myndir af sínum verkum. Nemendur ákveða sjálfir hvað þeir vilja vinna með, akrýlmálun, vatnslitamálun, teikningu, pastell, o.s.frv.

Námskeiðið mun fara fram á ensku, en fararstjóri verður til staðar til að túlka fyrir þá sem þess óska.

Hugmyndir að ferðum skipulögðum af fararstjóra (ekki innifalið):

1) Dagsferð á strönd fyrir norðan Barcelona, með teikniblokkir eða vatnslitablokkir og nesti, nánar tiltekið

picnic-körfu og köflóttan dúk. J

2) Skoðunarferð til Mont Serrat. Þar er klaustur frá 880 e.kr. og falleg kaþólsk kirkja. Hægt er að fara í kláf upp á fjallið þar sem eru klausturrústir. Veitingastaðir með stórkostlegu útsýni yfir dalinn.

3) Dagsferð til Barcelona til að heimsækja söfn og gallerí sem kennarar

námskeiðsins mæla sérstaklega með.

Kostnaður

Miðað við gistingu í tveggja og þriggja manna herbergjum:

Gisting.

Morgun og kvöldverður.

Námskeið í þrjá daga.

Aðstaða til að vinna sjálfstætt að auki.

Fararstjórn

Ferðir til og frá flugvelli

129.500,-

Miðað við gistingu í eins manns herbergi:

Gisting.

Morgun og kvöldverður.

Námskeið í þrjá daga.

Aðstaða til að vinna sjálfstætt að auki.

Fararstjórn.

Ferðir til og frá flugvelli

139.500,-

fáið meiri upplýsingar hér.... vally@ismennt.is

Vá hvað mig langar!!!!!

Flokkur: Bloggar | Breytt 2.4.2008 kl. 10:12 | Facebook

Athugasemdir

Þessi ferð er náttúrulega uppsett sérstaklega sem afmælisgjöf fyrir þig Katrín mín. Þú getur tæplega sleppt þessu tækifæri. Gaman hjá þér greinilega og þú átt örugglega langt í land ennþá að fegrast og fullkomnast, ekki af því að þú sért ekki flott nú þegar, heldur eru bara eftir mörg á enn til að fullkomnast. Láttu mig vita það

Ásthildur Cesil Þórðardóttir, 1.4.2008 kl. 12:32

Spennandi ... á svona stundum er gott að geta klónað sig og náð báðu!

Barcelona verður hér áfram en útskriftin þín er mikilvæg. Ég myndi velja útskrift og skella mér svo síðar í þessa heillandi Katalóníuferð!

Ég kem og heimsæki þig ekki spurning. Tekur mig 6 klst að keyra til Barcelona en 2 að fljúga til Oxford

Gangi þér vel að velja, fagra lífsins kona!

www.zordis.com, 1.4.2008 kl. 13:17

Ég var viðstaddur útskrift í Oxford síðastliðið haust með öllum seremóníunum sem fylgja. Þú mátt ekki missa af því. Getur þú bara ekki sameinað þetta hvort tveggja, klárað útskriftina föstudaginn þrettánda og tekið síðan strætó á Heatrow?

Ágúst H Bjarnason, 1.4.2008 kl. 15:58

Vesen að vera í efni...annars gæti maður bara ferðast á meiri hraða en ljósið og verið alls staðar á sama tíma. útskrifast og málað, skíðað og lesið..mikið hlakka ég til að þróast.. Já..útskriftin kemur bara einu sinni og ég get alltaf farið til Barcelóna að mingla og mála. Sá einmitt svona útskrift fyrir tveimur árum og hún var bara magnificent flott.

Katrín Snæhólm Baldursdóttir, 1.4.2008 kl. 16:05

Ég segi að þú eigir að fara í útskriftina, það er aldrei hægt að endurtaka en Barcelóna verður alltaf á sínum stað og bara fallegri með hverju árinu. Ekki spurning Oxford! Aumingja þú ræfilstuskan að verða að velja.........

Ía Jóhannsdóttir, 1.4.2008 kl. 16:54

Þessi Barcelónaferð hljómar eins og trip to Heaven. En verður ekki boðið upp á hana aftur, á næsta ári t.d.?

Ég hef upplifað svona háskólaútskrift í síðri, svartri skikkju með ferkantaðan haus, dúska og metnaðarbönd um hálsinn - og kampavín á völlunum. Það var í Coloardo hér um árið.. Ógleymanleg upplifun, og þú bara mátt ekki missa af því, minn kæri Bóhem, listamaður og gáfukona!

Guðný Anna Arnþórsdóttir, 1.4.2008 kl. 17:15

Barcelona hljómar rosa vel, vildi alveg skreppa þangað vont að þurfa að velja á milli Langar bara að senda smákveðju. Er að hressa mig við á smá blogg lestri.