Þar sem mín fína færsla fauk út í veður og vind....

....er ég komin í verkfall og skrifa ekki aftur allt sem ég hafði skrifað áður og læt hér við sitja.

Er að hugsa um að fá mér göngutúr í kringum pollinn....tjörnina... og sjá hvort það rjúki ekki úr mér vonbrigðin yfir tapaðri færslu.

Bláu jólaljósin í stofuglugganum kæta mig og flottu jólaenglarnir og stjörnurnar sem krakkarnir hafa sett í hvern glugga með jólaspreyi eru guðdómlega falleg en bæta þó ekki stöðuna á eldrauða jólaenglinum sem er toppurinn á jólatrénu og hallar ískyggilega mikið undir flatt. Og ég halla mér undir flatt líka...Spurningin er..."Hvað gerist næst"? Ég hef núna gengið yfir sjó og land og hitt þar einn gamlan mann sagði svo og spurði svo...Hvar á ég heima?

Bíð spennt eftir svarinu.

Athugasemdir

[Ásdís Sigurðardóttir, 15.12.2007 kl. 22:27]

Sagaði svo og smurði svo  brauðsneiðina mína.  Næsta lægð verður betri.

[Heimir Lárusson Fjeldsted, 15.12.2007 kl. 22:28]

Hvað var færslan góð á skalanum 1-10 ?

[Björg K. Sigurðardóttir, 15.12.2007 kl. 23:16]

Göngutúr í kringum Tjörnina í svona fallegu veðri lagar allt. Frábær lífsgæði að geta farið út í svona fallegt umhverfi, andað að sér fersku lofti og skoðað jólaljósin. Svona er að eiga heima á Íslandinu góða

[Þórarinn Þ Gíslason (IP-tala skráð) 15.12.2007 kl. 23:32]

Ein færsla,gone with the wind!.Gera gott úr öllu.

EKKI GRÁTA ELSKAN MÍN,

ÞÓ ÞIG VANTI VÍTAMÍN.

[Guðný Anna Arnþórsdóttir, 16.12.2007 kl. 00:34]

Þú færð andann yfir þig aftur, á tvöföldum styrk. Eitthvað af því mikilvægasta úr gömlu færslunni situr eftir og skýtur upp kolli (kollum) í nýrri færslu. Svoleiðis er lífið. Já, hva-a-a-ar á ég heima... alltaf góð spurning. Ég spyr mig oft að henni líka.

Hlýjar hugsanir til þín, elsku kona.

[Jenný Anna Baldursdóttir, 16.12.2007 kl. 09:53]

Svona, svona, það verða alltaf til nýjar færslur.

Ertu búin að skreyta jólatré?

Smjútsí

[halkatla, 16.12.2007 kl. 15:52]

færslur koma, færslur fara, en eitt er víst að alltaf verður, gaman þegar maður hættir að pirra sig á ófullkomleika bloggsins

[www.zordis.com, 16.12.2007 kl. 19:20]

Ég á engan hatt svo þetta er góóóð spurning!  Ég á heima þar sem mér líður vel ....

Jólaknús eftir jólaandaleitina í dag!