Hvernig er það með athugasemdir....er ekki bara kurteisi að kvitta fyrir sig?

Vitiði það að ég þurfti að skrópa í fimmtugsafmælinu í kvöld svo ég gæti verið hér og haldið áfram að blogga. Hefði nú hugsað mig  tvisvar um eða oftar hefði ég haft grænan grun um hvert þetta myndi leiða. Hún er nú örugglega ekki mjög glöð afmælisstelpan með skrópið en ég mun bara segja henni á morgun hvað kom fyrir mig. Moggabloggið! Hún jafnar sig vonandi fljótt enda orðin HÁLFRAR ALDAR gömul og þroskuð eftir því.

Ég er ekkert mjög reið eða fúl yfir að fólk sé ekki að kvitta heima hjá mér. Þykir það ekki eðlilegasti hlutur í heimi að fara inn hjá öðrum og fá sér allt sem mann langar í og fara svo bara án þess að spjalla við húsráðanda eða þakka fyrir veitingarnar. Jafnvel þó manni hafi ekki líkað heimabakaða kakan?

Það er bara kurteisi. Og eins og ég sagði áðan er ég ekkert móðguð þó þið nennið ekki að gera athugasemdir. Mun bara refsa ykkur harðlega á minn hátt. En ekki hafa áhyggjur því ég er komin í hjúkkubúninginn minn og mun auðvitað hjúkra ykkur vel á eftir. Svo gestrisin er ég nefninlega og kurteis.

 

Athugasemdir

[Björg K. Sigurðardóttir, 27.1.2007 kl. 22:47]

Satt segir þú! Auðvitað er það lágmarkskurteisi að kvitta fyrir heimsóknina - sérstaklega þegar gestgjafinn hefur skrópað í fimmtugsafmæli til þess að halda uppi stemmingunni hérna :)

[Sveinn Hjörtur , 27.1.2007 kl. 22:54]

Úps... kvitt!

[Heiða B. Heiðars, 28.1.2007 kl. 00:50]

Jæks! maður þorir ekki  öðru en að láta vita af sér

[Guðríður Haraldsdóttir, 28.1.2007 kl. 02:50]

Úps, ég er hérna líka, vaknaði um miðja nótt því að ég fann þetta á mér!

[Katrín Snæhólm Baldursdóttir, 28.1.2007 kl. 16:49]

Þið eruð bæði kurteis og heppin sem kvittuðuð fyrir komu ykkar hér. Ég er búin að vera alveg sveitt í alla nótt og framyfir hádegi að hjúkra hinum sem ekki gerðu svo. Segi bara kalt við þá þegar þeir kvarta að þeir geti bara sjálfum sér um kennt.

Smjúts