Stjórnmálamenn og frambjóðendur...Ákall!!!

Það er kallað hátt eftir svari frá ykkur á blogginu hjá Dúu Dásamlegu um úrbætur í geðheilbrigðismálum og stefnu ykkar í félagsmálum. Þar er orðið laust ef þið hafið eitthvað fram að færa. Ég bíð spennt eftir viðbrögðum ykkar og vona að aðrir fylgist líka vel með hvernig þið bregðist við.

Takk fyrir.

Athugasemdir

[Katrín Snæhólm Baldursdóttir, 21.3.2007 kl. 17:19]

Mér finnst alveg bráðnauðsynlegt að fá að vita hvað stjórnmálamenn og frambjóðendur sjá fyrir sér sem lausnir í svona hörmungargeðheilbrigðissystemi. Fann síðu framsóknarflokksins. Þar er ekki hægt að setja inn athugasemd. Fann svo siðu Inga Björns Hrafnssonar..þar heldur hann fram að hann fái stöðugt mjög góð viðbrögð við skrifum sínum..en samt er ekkert athugasemdarkerfi hjá honum heldur???

Ég held áfram að flakka um og hvetja þá sem að málinu gætu komið og kíki svo reglulega við hjá Súu til að sjá viðbrögðin. Þetta er áhugaverð samfélagstilraun. Hvernig bregðast þeir við sem vilja þitt atkvæði???

[Björg K. Sigurðardóttir, 21.3.2007 kl. 20:27]

Sammála því að það er mikilvægt að vita hvar stjórnmálamenn standa gagnvart brennandi málefnum. Gleymum því samt ekki að það er fullt af stjórnmálamönnum sem SEGJAST FYRIR KOSNINGAR ætla að gera hitt og þetta og redda hinu og þessu og bæta alls konar hluti hér og þar og alls staðar og koma til móts við þennan hagsmunahóp og hinn með gulli og grænum skógum, en svo bara líður og bíður og ekkert gerist. Stjórnmálamenn í öllum flokkum er snillingar í því að orða hlutina fallega rétt fyrir kosningar en svo komast þeir ekki yfir að efna öll fögru loforðin eða þá að forgangsröðunin er eitthvað öfugsnúin.