Ímyndir

23.3.2007 | 20:44

Jedúddamía...næstum 10 milljón heimsóknir...

....ehhhh...ég meina 10 þúsund heimsóknir á bloggið mitt sem er það sérvitrasta ever í bloggheimum. Er ekki dásamlegt hversu mörg við erum sem erum svona sérvitur inn við beinið??? Man fyrst þegar það var sagt við mig að ég væri sérvitur þá varð ég bara móðguð. Núna finnst mér gott að vera sérvitur. Veit semt ekki alveg hvað það orð þýðir samkvæmt orðabókinni en kýs að trúa að það þýði að vera vitur í sér..sjálfum sér.

Og leyfa hinum að vera sérvitrir í sér sjálfum. Sérvitringar koma nú oft upp með eitthvað sér-stakt ...eða sér-kennilegt. Jafnvel sér-lundað eða sér-hmmmm. Þarf aðeins að búa til eitt enn orð sem byrjar á sér eitthvað. Ahhha...sérviskulegt.

Hver er þín sérviska????? Og upp nú þar til við komumst í 10 milljón heimsóknir...

Afsakið óskhyggjan að gera útaf við mig. Meina auðvitað 10 þúsund. Hitt kemur seinna. Nema það sé alger sérviska að vilja fá 10 milljón heimsóknir

Flokkur: Bloggar | Breytt s.d. kl. 21:02 | Facebook

Athugasemdir

Sumt af mínu fólki hefur alla tíð klifað á því að ég sé sérvitur. Ég hef aftur á móti aldrei vitað hvað í því felst.

Hlynur Þór Magnússon, 23.3.2007 kl. 20:51

ég var stimpluð sérvitur þegar ég var 9 ára - I took it and I owned it

veit ekki hvernig ég fer að þessu...

halkatla, 23.3.2007 kl. 20:53

Já einmitt..fólk tyggur þetta ofan í mann..en gefur engar frekari skýringar og maður situr uppi með uppnefnið en veit ekki nákvæmlega í hverju það er fólgið????

Svo ákvað ég bara með sjálfri mér að það hlyti bara að vera eitthvað rosalega sérstakt og merkilegt að vera sérvitur og er alsæl með það.

Katrín Snæhólm Baldursdóttir, 23.3.2007 kl. 20:57

Sér er með sjálfum sér og vitur í þokkabót! Nokkuð góð nafnbót á það að vera!

Ætli við sem erum trú sjálfum okkur séum ekki nær okkur í "sérinu" en hin .... Séra hvað!

www.zordis.com, 23.3.2007 kl. 21:17

Ég er afar ferkantaður og jarðbundinn. Samt er ég að verða kominn með 15.000 heimsóknir. Kannski er það myndin af mér. sem gefur fólki þá ranghugmynd að ég hafi eitthvað sérstakt að segja.

Til hamingju með árangurinn askan!

Jón Steinar Ragnarsson, 23.3.2007 kl. 22:09

23.36...2004 heimsóknir. Sef bara vel í nótt og þarf ekki að blogga í nánustu framtíð. Algerlega steinhissa!!!!

Katrín Snæhólm Baldursdóttir, 23.3.2007 kl. 23:38

Sæl, ég er ekki sérvitur en ég er sannarlega sérlundaður. Það sem mér finnst dásamlegast er að ég heimsæki þig hér reglulega og finn alltaf eitthvað sem vert er að hugleiða. Síðan einnig það að þú heimsækir mig og ég virðist einhverju koma til skila sem þér finnst vert að hugleiða. Ef farið er yfir bloggin okkar og borin saman ætti þetta að vera algerlega ómögulegt! Ekki láta mig bíða of lengi eftir næsta skeyti