Seðlar og svæfingar..það sem kom fyrir ísland.

Seðlarnir tóku völdin og græðgin réði för og meðan sváfu ráðamenn og embættismenn djúpum svefni. Og nú vaknar þjóðin upp í miðri martröð afleiðinganna og reynir að mótmæla spillingarfnyknum sem svífur yfir vötnunum. Grímurnar falla hratt þessa dagana og Stöð tvö hefur sýnt að aflið sem rekur hennar fréttir eru auglýsingatekjur og út á þær má afbaka og beygla fréttir fyrir landsmenn, Sigmundur Ernir missir sig í fjálglegar lýsingar og ýkjur sem eru ekki sæmandi fréttamanni sem vill vera tekinn alvarlega af stórfelldum skemmdum og líkamsmeiðingum sem svo þegar nánar sr skoðað eru sundurbrenndur kapall og hald af blysi sem einhver óviti henti í hópinn og lenti því miður undir auga eins starfsmanns stöðvar tvö.

 Ef ég hefði verið áskrifandi væri ég búin að segja upp áskriftinni..en ég bíð þó spennt eftir að sjá fréttirnar af framgöngu starfsmanns seðlabankans og bróður hans svæfingarlæknisins gagnvart mótmælendum á gamlársdag í kvöld á fréttastöðvunum.   Að myndbandið verði sýnt svo fólk þekki vinnubröðgin og útlit þeirra sem standa vaktina fyrir valdið í landinu. Það er ef sannleiksástin ræður för á fréttastofunum.

Krafa almennings hlýtur hins vegar að vera sú að þessir menn hætti í störfum sínum eftir fauta og fantaskap sem þeir sýndu almenningi.

Á svona tímum þurfum við að vera vakandi og athugul og sjá hvað kemur hvaðan. Núna þegar það er farið að hitna verulega í kolunum og kröfurnar verða æ háværari um óspillt stjórnvöld og embættismenn og kröfurnar verulega farnar að velgja þeim undir uggum mun það gerast sem er þekkt hjá svo mörgum þjóðum.

Okkur verður att gegn hvort öðru svo öll orkan og baráttan snúist frá stjórnvöldum og verði innbyrðis milli þegnanna. Þetta getur orðið ávísun á borgarastyrjöld gott fólk ef við höldum ekki vöku okkar. Svona lið sem poppar upp til að gera læti og hvetja til ofbeldis í þeim eina tilgangi að ná akkúrat þessum erjum fram. Þetta er þegar byrjað að sýna sig og við skulum virkilega vara vakandi og eins fyrir þeim fréttum sem fjölmiðlarnir flytja okkur. Núna höfum við engar afsakanir til að láta afvegaleiða okkur og skammta okkur upplýsjngar sem henta ráðamönnum. Lesum bloggið vel og skoðum allt sem sett er inn..myndbönd , myndir og fréttir og hugsum sjálfstætt og metum hlutlaust eins vel og við getum það sem er raunverulega í gangi. Verum vakandi og athugul.

Það er 13 mótmælafundurinn í dag á Austurvelli og krafan er skýrari en nokkru sinni. Við viljum óspillt stjórnvöld og embættismenn.

Öðruvísi verða engar breytingar hér á landi og svona "embættismenn" eins og við sjáum verða sjálfum sér og embættum sínum til verulegrar skammar eins og Ólafur Klemensson hefur gert ásamt bróður sínum svæfingarlækninum munu halda áfram að stjórna í skjóli frekju og yfirgangs ásamt góðum skammti af hroka og vanvirðingu fyrir borgurum landsins.  Þetta er samt skemmtilega táknræn tvenna..Herra Seðill og svæfingarlæknirinn...segir svolítið um hvað gerðist. Þjóðin var svæfð með peningum..eða von um peninga og nú reynir svæfingarlæknirinn allt sem hann getur til að halda vaknandi þjóð sofandi  meðan Hr Seðill reynir að lumbra á helvítis kommadruslunum sem skilja ekki að peningar eru það eina sem vert er að lifa fyrir. Að það leyfist allt í valdi fjármagnsins og þeir sem hafa völdin og peningana munu ekki sleppa gerræðinu sínu átakalaust. Fyrr munu .þeir skríða út úr rottuholunum og sýna almenningi sitt rétta andlit.

Og í guðanna bænum ekki trúa öllu sem sagt er í sjónvarpinu..ég er hreinlega gapandi yfir þeirri skrumskælingu sem ég hef sjálf persónulega orðið vitni að. Rúv tók til dæmis ítarlegt og flott viðtal við prúðbúna konu á gamlárs sem var að mótmæla fyrir utan Borgina. Þar sem ég stóð álengdar gat ég heyrt hvert orð sem hún sagði. Viðtalið var mjög flott..hún gerði skýra grein fyrir hverju væri verið að mótmæla og af hverju..var virkilega skýr og skorinorð og ég hugsaði með mér. Loksins fengu fréttamenn verulega sterkar og skýrar ástæður og nú skilur fólkið sem setið hefur heima mun betur afstöðu og aðgerðir mótmælenda. En var viðtalið svo birt í fréttum Rúv??? Nei auðvitað ekki!!

Las pistil einhversstaðar um heimskulegar spurningar heimskra fréttamanna..en er nokkuð von á öðru þegar þeir ganga erinda eigenda sinna sem eiga þeirra hagsmuna að gæta að ekki verði hröflað við neinu??

Ég ætti eiginlega að minnast á Ara Edwalds þ´ðo mér verði hreinlega illt í maganum að hugsa um þann kjána. Hvernig hann telji sig umkominn að stíga fram í fjölmiðli sem hann stýrir og hvetja lögregluna til að nota frekara ofbeldi og harkalegri aðgerðir gegn fólki er mér óskiljanlegt. Samt ekki þegar maður skoðar hvaðan hann er sprottinn og hverja hann hefur umgengist og unnið með sl ár af auðmannagenginu. Þetta er alltaf sama sagan. Samtryggingar og einkavinavæðingar allt rækilega hnýtt saman og ekkert getur grandað. Allra síst lýðurinn arðrændi sem á að nýtast lengur og meir sem vinnuafl fyrir þessa herra.

Sjáumst á Austurvelli í dag klukkan 15.00 og stöndum saman sem fólkið í landinu. Látum ekki glepjast til að fara í erjur við hvort annað..við erum öll saman í þessari hrikalegu krísu og þurfum hvort annað og samstöðuna til að losa okkur við spillingaröflin og byrja svo upp á nýtt.  Að byggja land sem er bjóðandi afkomendum okkar. Laust við gerræði, spillingu og hroka.

Svo ætla ég að senda nokkur mail...t.d til Seðlabankans og krefjast þess að Ólafi Klemenssyni hagfræðingi verði gefin lausn frá starfi sínu sem hann er greinilega engan veginn að höndla og svo bið ég til Guðs að ég lendi aldrei í höndum vonda svæfingalæknisins. Hann gæti fattað að ég væri mótmælandi sem er örugglega verra en kommúnisti í hans huga og þá efast ég um að ég fái að vaka lengi og segja það sem mér finnst. Sem er þetta....just in case ef þeir finna mig á austurvelli í dag..Mér finnst þið hallærislegir og ljótir og heimskir í þokkabót. Og hana nú!!!

p.s Ég er samt ferlega fegin að þið skylduð gera þetta Hr Seðill og Svæfingarlæknir. Nú þurfum við ekkert að reyna að sannfæra fólk um hvernig þið eruð og hvað býr að baki. Þið sýnduð sjálfir ykkar rétta andlit og ég bara þakka ykkur innilega fyrir hjálpina. Það verður örugglega metaðsókn í mótmælin núna þegar fólk sér svart á hvítu hverju er verið að mótmæla. Takk!

 

Athugasemdir

[Jakobína Ingunn Ólafsdóttir, 3.1.2009 kl. 13:17]

Takk fyrir þennan pistil og sjáumst á Austurvelli. Ég er sammála þér að atburðirnir og fréttaflutningurinn af þeim gjaldfellur þæt stofnanir sem eiga í hlut. Ekkert að marka stöð 2. Ribbaldar og hrotta í sjálfstæðisflokki, seðlabanka og neytendasamtökum. Ekki vildi ég lenda í aðgerð hjá svæfingalækninum!

[Jakobína Ingunn Ólafsdóttir, 3.1.2009 kl. 13:19]

Ég er búinn að senda meila á seðlabanka, Landsspítalann, neytendasamtökin og alla þingmenn og benda þeim á að þessir menn hafa gerst brotlegir við lög. Þeir eru ekki þess verðir að þyggja laun frá okkur. Við treystum þeim ekki.

[Sigurður Þórðarson, 3.1.2009 kl. 13:27]

Góður pistill.

[Ævar Rafn Kjartansson, 3.1.2009 kl. 13:27]

Mbl.is tekur upp ritskoðun eða hvað?

Tvær greinar á mbl.is þar sem fjallað er um „að tveir menn gengu um meðal mótmælenda og ógnuðu þeim eins og sést í myndskeiði Mbl sjónvarps“ eru núna þannig að ekki er hægt að blogga um fréttirnar og athugasemdir sem var búið að senda eru horfnar út. Skyldi þetta eitthvað hafa með það að gera að annar mannanna Ólafur Klemensson er hagfræðingur í Seðlabankanum. Samstarfsmaður Davíðs og sjálfstæðismaður? Kom einhver skipun að ofan um tölvubilun á þessar tvær greinar eða notaði bróðir Ólafs sem var með honum þarna og er svæfingalæknir, meðölin sín á blaðamenn? Allavega er hægt að blogga inn á allar aðrar fréttir mbl.is. Hér er tenging inn á horfnu athugasemdirnar:

Taldi sér ógnað - mbl.is - athugasemdir horfnar… og komnar aftur inn

Innlent | mbl.is | 2.1.2009 | 20:35 Taldi sér ógnað

Innlent | mbl.is | 2.1.2009 | 16:44 Mótmælendum ógnað á gamlársdag

[Gullvagninn (IP-tala skráð) 3.1.2009 kl. 14:32]

Gleðilegt ár

[www.zordis.com, 3.1.2009 kl. 14:48]

Knús á þig mín kæra, vonandi verða mótmælin í dag góð og hressandi!

[Þorkell Sigurjónsson, 3.1.2009 kl. 15:39]

Gleðilegt ár frú Katrín.  Megir þú skrifa marga svona magnaða pistla á nýbyrjuðu ár.  Kveðja. 

[Ía Jóhannsdóttir, 3.1.2009 kl. 15:52]

[Katrín Snæhólm Baldursdóttir, 3.1.2009 kl. 20:29]

Set þetta hér fyrir þá sem vilja hvetja til afsagnar þessara kappa eftir fáránlega framkomu þeirra gagnvart almmennum borgurum í miðborg Reykjavíkur á gamlársdag.

Það er deginum ljósara að Ólafur Klemenzon og bróðir hans, Guðmundur Klemenszon, hafa með háttalagi sínu brotið lög og reglum og réttindi og skyldur opinberra starfsmanna.

Krafist er tafarlausrar afsagnar Ólafs Klemenzsonar úr starfi hagfræðings hjá Seðlabanka Íslands. Ólafur hefur gerst sekur um að beita vegfarendum andlegu og líkamlegu ofbeldi á götum Reykjavíkur þann 31. desember 2008.

Eins hefur Ólafur gerst brotlegur sem stjórnarmaður í ESB nefnd Sjálfstæðisflokksins og í framkvæmdastjórn Neytendasamtakanna.

Sbr lög um réttindi og skyldur starfsmanna ríkisins 1996 nr. 70 11. júní

IV. kafli. Skyldur. 14. gr.

Starfsmanni er skylt að rækja starf sitt með alúð og samviskusemi í hvívetna. Hann skal gæta kurteisi, lipurðar og réttsýni í starfi sínu.

Hann skal forðast að hafast nokkuð það að í starfi sínu eða utan þess sem er honum til vanvirðu eða álitshnekkis eða varpað getur rýrð á það starf eða starfsgrein er hann vinnur við.

********************************************************
Þess er krafist að Guðmundur Klemenzsyni verði tafarlaust sagt upp störfum. Guðmundur hefur gerst brotlegur og hótaði vegfarendum á ofbeldisfullan hátt á opinberum vettvangi þann 31. desember 2008.

Því þykir það ekki lengur við hæfi að Guðmundur gegni starfi svæfingarlæknis á Landspítalanum og stofni lífi og heilsu sjúklinga
sinna í hættu þar sem augljóst er að hann er ekki í andlegu jafnvægi.

Landlækni ber skv.III. kafli. Eftirlit með heilbrigðisstarfsmönnum.
13. gr. Eftirlit landlæknis með heilbrigðisstarfsmönnum.

Landlæknir hefur eftirlit með störfum heilbrigðisstarfsmanna og fylgist með að þeir fari að ákvæðum heilbrigðislöggjafar og ákvæðum annarra laga og stjórnvaldsfyrirmæla eftir því sem við á.

Landlæknir getur krafist þess að heilbrigðisstarfsmaður gangist undir rannsókn sérfræðinga telji hann það nauðsynlegt til að meta hvort hann sé hæfur til að gegna starfi sínu. Leiki grunur á að heilbrigðisstarfsmaður sé undir áhrifum áfengis eða annarra vímuefna við störf sín er landlækni heimilt að krefjast þess að hann gangist þegar í stað undir nauðsynlegar rannsóknir til að ganga úr skugga um hvort svo sé.

Virðingarfyllst

(nafn mótmælanda)

Sendist til: [e-mail]
[e-mail] / á alla alþingismenn og lögfræðing alþingis
[e-mail]
[e-mail]
[e-mail]

www.althingi.is/netföng þingmanna  almenna borgara í miðbænum.

[Hólmdís Hjartardóttir, 3.1.2009 kl. 23:53]

Góður pistill.

[Rakel Sigurgeirsdóttir, 4.1.2009 kl. 01:02]

Takk fyrir síðast kæra Katrín! Fyrirgefðu að ég sé ekki búin að senda þér myndirnar af Óla. Ég er með gesti yfir helgina og einn þeirra gistir í tölvuherberginu

Þetta er svo sannarlega góður pistill hjá þér! Svo sannarlega sammála þér með tvíeykið sem hagaði sér eins og górillur á gamlársdag. Þvílíkir afglaparen gott að þetta var tekið upp og að það var birt!! Baráttukveðjur

Es: Vonast til að koma myndunum til þín í síðasta lagi á morgun.

[Arinbjörn Kúld, 4.1.2009 kl. 07:50]

Er skrímsladeild Sjálfstæðisflokksins komin á stjá?

[Ásthildur Cesil Þórðardóttir, 4.1.2009 kl. 13:41]

Katrín mín ég tek undir hvert orð hér hjá þér.  Sendi þér og öðrum baráttukveðjur héðan að vestan. 

[Sigrún Jónsdóttir, 5.1.2009 kl. 14:40]

Takk fyrir þennan góða pistil