Tíminn er NÚNA!!! Baráttan er hafin.

Má eiginlega ekki  vera að því að blogga..hef verið að lesa yfir fréttir og blogg eftir atburði næturinnar.

Harkan sem BB boðaði í gærmorgun er greinilega innleidd. Það er auðvitað barnaskapur að ætla að þeir sem hér hafi völdin og auðinn muni leyfa að valdabáti þeirra sé í alvöru ruggað án þess að þeir bregðist harkalega við. Víla ekkert fyrir sér að beita gasi, kylfum, lögregluher, þöggunum, kúgunum, óttaáróðri og bara hverju sem þarf. Völdin munu þeir aldrei láta baráttulaust og það segir sig sjálft að nú er farið að fara um þá þegar þeir sjá að okkur er fúlasta alvara með að við krefjumst breytinga og að spillingunni sem gegnsýrir samfélagið okkar verði útrýmt.  

Það færist harka í málin...ég dreg til ábyrgðar ráðamenn sem hafa skellt skollaeyrum við ákalli fólksins sem hefur staðið friðsamt á götum úti svo mánuðum skiptir. Það er margbúið að vara þau við að svona geti farið..en svo hella þau olíu á eld í hvert sinn sem þau opna munninn í fjölmiðlum eða á fjöldafundum með hroka sínum og vanvirðingu við fólkið í landinu. Og senda svo alvopnaða lögreglu á fólkið þegar það bregst við ömurleikanum sem við blasir með þau orð á vörum að þau séu hreint ekkert á förum enda séum við dauðvona og grafin án þeirra. Hvílík firring!!!!

Því miður leynast í röðum hins almenna mótmælanda fólk sem vill fæting og ofbeldi...eins er innan raða lögreglunnar. Þar leynast inn á milli fantar sem vilja það líka.  Við hin sem erum þúsundir skulum halda áfram baráttunni af krafti styrk og samstöðu og gefum ekki tommu eftir..án ofbeldis eins lengi og við getum.  Við skulum ekki leyfa neinum að rugla saman baráttu fólksins í landinu gegn grímulausu valdinu....við ofbeldisverk fárra. Lögreglan má líka alveg passa sig að vera ekki stöðugt að ögra. Vöndum okkur, tölum saman og verum virkilega vakandi í dag og næstu daga og höldum hópinn. Verjum okkar fólk og grípum inní þegar ofbeldi er að brjótast út. Það vill enginn að fólk stórslasist hér.

Þegar ég tala um "okkar fólk" á ég við að við verjum hvern þann sem veitst er að með ofbeldi..hvort sem það er almennur borgari eða lögreglumaður við störf sín og HINDRUM ofbeldi.

Friðsamir mótmælendur merkja sig nú með appelsínugulu!!!

Vinnum þetta saman..sjáumst á Austurvelli með troðfulla potta af friði og krafti..og sigri okkar fyrir réttlæti!!! Tíminn er NÚNA!!!

 

Þetta eru mínar ástæður fyrir að ég mótmæli, mótmæli og mótmæli og mun ekki hætta að mótmæla fyrr en spillingarliðið er farið frá. Eins og það leggur sig.

Spilling, siðleysi, blinda, græðgi, þöggun, skilningsleysi,afneitun, samtrygging, lygar, glæpir, þrjóska, vanhæfi, einkavinavæðing, hroki, vanvirðing, handtökur, ofbeldi, leti, sinnuleysi, ráðaleysi, gáleysi, fyrirhyggjuleysi, hræsni, fyrirlitning, arðrán, bankaleynd, leynifundir, plott, forsjárhyggja, stjórnleysi, stefnuleysi, valdníðsla, valdagræðgi, eiginhagsmunir, sjalftaka, sérhyggja, landráð, eftirlitsskortur, rannsóknarskandall, fjármagnsflutningar, fagurgali, efasemdir, siðblinda, efnahagsofbeldi, skoðanakúgun, stjórnsýslulagabrot, undanskot, fláræði, undirferli, ábyrgðarleysi, alræði, kúgun, lögleysa, lögbrot, gjaldþrot, hrun, getuleysi, sýndarveruleiki blekking, yfirhylming, siðrof, trúnaðarbrestur, vantraust, slímsetur, firring, fáránleiki, framkvæmdaleysi, óheiðarleiki, ógegnsæi, feluleikur, flokksræði, mafía, minnisleysi, undanbrögð, klíkuskapur, vonleysi, valdatafl, ósómi, neyðarlög, ólög, mannréttindabrot, auðvaldsklíkur, hagsmunagæsla, mannfyrirlitning, óskammfeilni,sukk, svínarí, veruleikafirring, fjölmiðlaþöggun, upplýsingaskortur, samsæri, niðurskurður, ótti, ósamræmi, svindl, baktjaldamakk, rányrkja, kvótasvindl.

Gleymdi ég einhverju mikilvægu?

Farin niður á Austurvöll aftur og kem ekki heim fyrr en þetta lið er farið frá. Byltingin er hafin.

Eru stjórnvöld hræddari við auðvaldið sem virðist hafið yfir lög og reglur landsins en kjósendur sína. Hvaða hreðjatak hafa auðmennin á valdhöfunum og er vald þeirra tryggt af auðmönnunum??

 Maður spyr sig margra spurninga þessa dagana.

Er það eðlilegt að fyrirtæki sem uppvís verða að því að fara framhjá lögum og reglum fái óáreitt að halda því áfram meðan mótmælendur eru sóttir í vinnu sína og færðir í yfrirheyrslur og skýrslutökur af lögreglunni? Að glæpamennirinir gangi lausir og almenningur sé hnepptur í varðhald fyrir að mótmæla augljósum brotum í stjórnsýslu og framferði ráðamanna og auðmanna.

Svona utanfrá séð þá sýnist mér að ráðamönnum sé hreinlega ekki sjálfrátt, undirförul augnaráð og stam og tuð þegar þeir eru spurðir einfaldra spurninga vekur upp grunsemdir að þeir þori hreinlega ekki að segja neitt sem máli skiptir og standi saman vörðinn.  Vörðinn um auðmennin sem tryggja þeim völdin, ráðamönnunum sem svo aftur tryggja auðmönnunum fjármagnið sem stjórnar öllu hér. Öflin sem leiðast saman í heilögum hring.

Við hin erum bara ómerkileg peð á þessu taflborði sem þetta lið hikar ekki við að fórna í þessu valdatafli sínu og samtryggingu um sameiginlega hagsmuni sína.

Kannski er ég bara einföld kona með hausinn fullan af óþægilegum spurningum. En ég er ekki ein. Við erum þúsundir sem veltum fyrir okkur hvað sé hér í gangi og við vitum að það er eitthvað mjög óhreint. Mjög mjög óhreint. Það er hvergi að finna heila brú af skynsemi eða alvöru hugsun í þessu leikriti. Og við erum hreint ekki tilbúin að sitja undir þessu lengur.

Samfélagið er gjörsamlega gegnsýrt af spillingu og ótta.

Það er ömurlegt að verða vitni að þeim ótta sem hér ríkir meðal almennings. Margir þora hreinlega ekki að taka sér stöðu vegna óttans við að fá á sig stimpilinn að vera á móti stjórnvöldum. Hvar hafa nemendur háskólanna verið..vanalega eru það þeir sem þyrpast fyrstir út á göturnar í andófi gegn spillingu og valdníðslu ráðamanna. Núna er loksins lífsmark þar eftir hundrað daga.. og margir listamenn segjast ekki vilja vera með af ótta við að fá á sig stimpil?? Listamennirnir sem eiga að vera samviska þjóðar og talsmenn.

Stimpil um hvað?? Að taka sér stöðu gegn óréttlæti og arðráni heillar þjóðar??

Hvað er eiginlega búið að gera við fólkið í þessu landi??  Við hvað eruð þið svona hrædd?

Vil samt þakka Einari Má fyrir frábæra pistla sína og ræður. Hann þorir.

En það er líka upplyftandi að sjá og heyra alla þá sem eru að vakna til vitundar og finna samstöðuna og samhuginn meðal þeirra sem þora að standa með sannfæringu sinni og réttlætistilfinningu. Og trúið mér. Á endanum munum við velta valdinu og byggja hér betra og heiðarlegra samfélag á okkar forsendum. Okkar almennings.

En við verðum að standa saman og verða fleiri og fleiri og þannig verðum við sterkari og sterkari. Láta ekki smáatriðin þvælast fyrir okkur og sundra..heldur finna samtöðuna í aðalatriðunum og því sem við getum verið sammála um. Að koma þessu liði frá!!!

Sjáumst á Austurvelli á þriðjudag klukkan 13.00 velklædd fyrir 3ja tíma partý..heitt kakó og súpur á brúsa og látum velhvílda alþingismenn og ráðamenn heyra hvað okkur finnst um FJARVERU  þeirra Á ÖGURSTUNDU. Hvergi í heiminum myndu ráðamenn fara í frí meðan þjóðarskútan væri að sökkva. SKÖMM skulu þeir hafa.

Hvað ætli fari í gegn um huga þeirra þegar þeir sitja í kirkjunni fyrir setningu alþingis?

Boðorðin? Kaup og sala á syndaaflausnum? Hvort það sé rétt að almættið sé alsjándi og sumt verði aldrei falið? Að allt muni að lokum koma í ljós?? Er það sem þau eru svona hrædd við? Að allt muni koma upp á borðið. Og muldra þau þá í hljóði...Guð hjálpi okkur?

Syndir þeirra eru svo stórar og þungar að þær hafa nú sligað heilt þjóðfélag og lagt það í rúst.

Þú skalt ekki ljúga. Þú skalt ekki stela.

Og eitt boðorð skulum við hér og nú búa til fyrir þetta fólk.

Þú skalt ekki setja þinn eign hag eða flokks þíns ofar hagsmunum þjóðar.

Vona að presturinn komi því inn í hjarta þeirra að syndaflausnir verða ekki keyptar og að þegar ráðamenn og embættismenn loks iðrast gjörða sinna muni verk þeirra sýna að þeim sé alvara. . Hættum að hlusta á þá og horfum bara á verkin. Þau tala fyrir þá sannleikann.

Vona að presturinn muni eftir að blessa okkur sem fyrir utan stöndum. Ekki veitir af á þessum síðustu og verstu. Hvenær ætla svo prestarnir að standa upp með þjóð sinni gegn rammspilltum valdhöfum? Ætlar einhver að rétta okkur hjálparhönd?

Sjáumst á þriðjudag!!! Gerum stærstu mótmæli sögunnar á Austurvelli um leið og við förum í nokkurra klukkustunda verkfall. Í guðanna bænum ekki láta þig vanta.

Þessa þjóð vantar þig!!!

Leti er andlegt sinnuleysi...það að sinna ekki erindi sínu!

Hef lítið bloggað undanfarið því Guðlaugur Þór bað mig að blogga VARLEGA!

eða var það einhver annar..bara man það ekki!! 

Og ég hvet hvert einasta mannsbarn á þessu landi að horfa vel og vandlega á Rúv annað kvöld  þegar Borgarafundurinn sem var í gærkveldi verður sendur út til að sjá og heyra með eigin augum það sem við megum ekki vita..og hvernig sumir ráðamenn halda að þeir geti leyft sér að vinna.

Annars fer ég bara VARLEGA og haga mér eins og þaulvanur fréttamaður

Þöggun Þöggun Þöggun Þöggun Þöggun Þöggun Þöggun 

Og ekki gleyma því að þegar hrókeringarnar byrja hjá ráðamönnunum að það er eins og með þursinn..Þó þú höggvir af honum hausinn sprettur bara annar eins upp í staðinn frá sama búknum.

ERGO Engin breyting bara nýr haus á gömlum grunni. 

p.s ég vil samt þakka Rúv fyrir að senda þáttinn út þó hann hafi ekki verið í beinni..sem hefði verið betra..og þar með koma mjög mikilvægu efni til allra landsmanna sem eiga rétt á því að vita hvað er að gerast. Magnað að sjá þögnina sem ríkir á flestum fjölmiðlunum um efni fundarins í gær. Ekki stafkrókur í dagblöðunum í morgun t.d.

Hvað er eiginlega í gangi og hver stjórnar þessari þöggun svona vel?

Er öll þjóðin andvaka???

Undanfarnar nætur hef ég átt erfitt með að sofna og það sama hefur átt um aðra fjölskyldumeðlimi. Við verðum syfjuð og þreytt en getum svo bara alls ekki sofnað og erum að ráfa  og rápa hálfa nóttina. En við erum ekki þau einu..ég heyri frá alls konar fólki sömu sögu og hef rekist á það á blogginu líka að fólk er ekki að sofa vel eða hreint ekkert. Hvað ætli valdi..liggur eitthvað í loftinu lævísa eða erum við bara orðinn yfirspennt og kvíðin öll sömul??

Og veðrið er alltof rólegt miðað við árstímann að mínu mati. Kannski er þetta lognið á undan storminum. Það er hver taug þanin en hvað veldur veit enginn. Sumir segja að þegar miklar hörmungar ganga yfir marga í einu finni samvitundin þjáninguna og þar með við öll. Vonandi kemur að því að við lærum að skynja og finna þjáningar bræðra okkar og systra sem okkar eigin. Þá væru svona hörmungarstríð eins og við horfum upp á núna á Gaza ekki möguleg né svona græðgisvæðng fárra á kostnað heillar þjóðar ekki liðin. Þjóðin sæti ekki og spekúleraði hvort réttlætanlegt væri að mótmæla hófsamlega eins og fjármálaráðherra leggur til eða með aðeins meiri ólátum eins og "ungmenni þjóðarinnar! vilja...eða hvort við ættum ekki bara að bíða og sjá hvort lastabælin muni ekki bara lúsahreinsa sig sjálf með vorinu.

Nei þjóðin væri mætt út á göturnar og myndi ekki unna sér hvíldar fyrr en réttlætið sigraði og þjóðararfinum væri rétt og jafnt skipt. Já ég hlakka til þegar við slikjum betur að á einhverjum stað erum við öll eitt og það sem við gerum öðrum gerum við líka okkur sjálfum.

Vá hvað sumir eiga eftir að verða hissa þegar þeir fá sitt tsunami karma yfir sig. Heila flóðöldu af eigin verkum óklippt. Þá þýðir ekkert að reyna að kaupa sér syndaaflausnir fyrir 370 millur. Ó nei.

p.s

ég ætla ekki að byltingarblogga á næstunni því ég er að halda vörð um andlega og líkamlega heilsu mína. Í staðinn ætla ég að stunda skapandi skrif og skrifa ævintýri og ljóð um framtíð án helvítis pakksins..afsakið orðbragðið... ég meina háttvirtra ráðamanna eins og Sigmundur Ernir myndi kalla skrílinn sem týndi hjartanu og lét svo greypar sópa um hirslur gamla fólksins sem var  flutt nauðungaflutningum af dvalarstað sínum til margra ára og troðið í herbergi með ókunnugum og geymt þar....

Sko!!!   Get ekki hamið mig yfir fáránleikanum og firringunni á þessu skeri.

Eins gott að ég snúi mér bara að ævintýrunum og ljóðunum núna!!!

 

 

Seðlar og svæfingar..það sem kom fyrir ísland.

Seðlarnir tóku völdin og græðgin réði för og meðan sváfu ráðamenn og embættismenn djúpum svefni. Og nú vaknar þjóðin upp í miðri martröð afleiðinganna og reynir að mótmæla spillingarfnyknum sem svífur yfir vötnunum. Grímurnar falla hratt þessa dagana og Stöð tvö hefur sýnt að aflið sem rekur hennar fréttir eru auglýsingatekjur og út á þær má afbaka og beygla fréttir fyrir landsmenn, Sigmundur Ernir missir sig í fjálglegar lýsingar og ýkjur sem eru ekki sæmandi fréttamanni sem vill vera tekinn alvarlega af stórfelldum skemmdum og líkamsmeiðingum sem svo þegar nánar sr skoðað eru sundurbrenndur kapall og hald af blysi sem einhver óviti henti í hópinn og lenti því miður undir auga eins starfsmanns stöðvar tvö.

 Ef ég hefði verið áskrifandi væri ég búin að segja upp áskriftinni..en ég bíð þó spennt eftir að sjá fréttirnar af framgöngu starfsmanns seðlabankans og bróður hans svæfingarlæknisins gagnvart mótmælendum á gamlársdag í kvöld á fréttastöðvunum.   Að myndbandið verði sýnt svo fólk þekki vinnubröðgin og útlit þeirra sem standa vaktina fyrir valdið í landinu. Það er ef sannleiksástin ræður för á fréttastofunum.

Krafa almennings hlýtur hins vegar að vera sú að þessir menn hætti í störfum sínum eftir fauta og fantaskap sem þeir sýndu almenningi.

Á svona tímum þurfum við að vera vakandi og athugul og sjá hvað kemur hvaðan. Núna þegar það er farið að hitna verulega í kolunum og kröfurnar verða æ háværari um óspillt stjórnvöld og embættismenn og kröfurnar verulega farnar að velgja þeim undir uggum mun það gerast sem er þekkt hjá svo mörgum þjóðum.

Okkur verður att gegn hvort öðru svo öll orkan og baráttan snúist frá stjórnvöldum og verði innbyrðis milli þegnanna. Þetta getur orðið ávísun á borgarastyrjöld gott fólk ef við höldum ekki vöku okkar. Svona lið sem poppar upp til að gera læti og hvetja til ofbeldis í þeim eina tilgangi að ná akkúrat þessum erjum fram. Þetta er þegar byrjað að sýna sig og við skulum virkilega vara vakandi og eins fyrir þeim fréttum sem fjölmiðlarnir flytja okkur. Núna höfum við engar afsakanir til að láta afvegaleiða okkur og skammta okkur upplýsjngar sem henta ráðamönnum. Lesum bloggið vel og skoðum allt sem sett er inn..myndbönd , myndir og fréttir og hugsum sjálfstætt og metum hlutlaust eins vel og við getum það sem er raunverulega í gangi. Verum vakandi og athugul.

Það er 13 mótmælafundurinn í dag á Austurvelli og krafan er skýrari en nokkru sinni. Við viljum óspillt stjórnvöld og embættismenn.

Öðruvísi verða engar breytingar hér á landi og svona "embættismenn" eins og við sjáum verða sjálfum sér og embættum sínum til verulegrar skammar eins og Ólafur Klemensson hefur gert ásamt bróður sínum svæfingarlækninum munu halda áfram að stjórna í skjóli frekju og yfirgangs ásamt góðum skammti af hroka og vanvirðingu fyrir borgurum landsins.  Þetta er samt skemmtilega táknræn tvenna..Herra Seðill og svæfingarlæknirinn...segir svolítið um hvað gerðist. Þjóðin var svæfð með peningum..eða von um peninga og nú reynir svæfingarlæknirinn allt sem hann getur til að halda vaknandi þjóð sofandi  meðan Hr Seðill reynir að lumbra á helvítis kommadruslunum sem skilja ekki að peningar eru það eina sem vert er að lifa fyrir. Að það leyfist allt í valdi fjármagnsins og þeir sem hafa völdin og peningana munu ekki sleppa gerræðinu sínu átakalaust. Fyrr munu .þeir skríða út úr rottuholunum og sýna almenningi sitt rétta andlit.

Og í guðanna bænum ekki trúa öllu sem sagt er í sjónvarpinu..ég er hreinlega gapandi yfir þeirri skrumskælingu sem ég hef sjálf persónulega orðið vitni að. Rúv tók til dæmis ítarlegt og flott viðtal við prúðbúna konu á gamlárs sem var að mótmæla fyrir utan Borgina. Þar sem ég stóð álengdar gat ég heyrt hvert orð sem hún sagði. Viðtalið var mjög flott..hún gerði skýra grein fyrir hverju væri verið að mótmæla og af hverju..var virkilega skýr og skorinorð og ég hugsaði með mér. Loksins fengu fréttamenn verulega sterkar og skýrar ástæður og nú skilur fólkið sem setið hefur heima mun betur afstöðu og aðgerðir mótmælenda. En var viðtalið svo birt í fréttum Rúv??? Nei auðvitað ekki!!

Las pistil einhversstaðar um heimskulegar spurningar heimskra fréttamanna..en er nokkuð von á öðru þegar þeir ganga erinda eigenda sinna sem eiga þeirra hagsmuna að gæta að ekki verði hröflað við neinu??

Ég ætti eiginlega að minnast á Ara Edwalds þ´ðo mér verði hreinlega illt í maganum að hugsa um þann kjána. Hvernig hann telji sig umkominn að stíga fram í fjölmiðli sem hann stýrir og hvetja lögregluna til að nota frekara ofbeldi og harkalegri aðgerðir gegn fólki er mér óskiljanlegt. Samt ekki þegar maður skoðar hvaðan hann er sprottinn og hverja hann hefur umgengist og unnið með sl ár af auðmannagenginu. Þetta er alltaf sama sagan. Samtryggingar og einkavinavæðingar allt rækilega hnýtt saman og ekkert getur grandað. Allra síst lýðurinn arðrændi sem á að nýtast lengur og meir sem vinnuafl fyrir þessa herra.

Sjáumst á Austurvelli í dag klukkan 15.00 og stöndum saman sem fólkið í landinu. Látum ekki glepjast til að fara í erjur við hvort annað..við erum öll saman í þessari hrikalegu krísu og þurfum hvort annað og samstöðuna til að losa okkur við spillingaröflin og byrja svo upp á nýtt.  Að byggja land sem er bjóðandi afkomendum okkar. Laust við gerræði, spillingu og hroka.

Svo ætla ég að senda nokkur mail...t.d til Seðlabankans og krefjast þess að Ólafi Klemenssyni hagfræðingi verði gefin lausn frá starfi sínu sem hann er greinilega engan veginn að höndla og svo bið ég til Guðs að ég lendi aldrei í höndum vonda svæfingalæknisins. Hann gæti fattað að ég væri mótmælandi sem er örugglega verra en kommúnisti í hans huga og þá efast ég um að ég fái að vaka lengi og segja það sem mér finnst. Sem er þetta....just in case ef þeir finna mig á austurvelli í dag..Mér finnst þið hallærislegir og ljótir og heimskir í þokkabót. Og hana nú!!!

p.s Ég er samt ferlega fegin að þið skylduð gera þetta Hr Seðill og Svæfingarlæknir. Nú þurfum við ekkert að reyna að sannfæra fólk um hvernig þið eruð og hvað býr að baki. Þið sýnduð sjálfir ykkar rétta andlit og ég bara þakka ykkur innilega fyrir hjálpina. Það verður örugglega metaðsókn í mótmælin núna þegar fólk sér svart á hvítu hverju er verið að mótmæla. Takk!

 

Ástarkveðja um áramót og smá byltingarblogg ásamt leit að eftirrétti ársins.

Ég er búin að slappa svo vel af um jólin og gera allt rólegt til tilbreytingar og er hreinlega ekkert reið lengur. Eins gott.... annars hefði mér líklega verið skotið á loft annað kvöld og  ég verið langstærsta og bilaðasta bomban yfir íslandi!! Og örugglega líka sú háværasta.  En eftir að hafa verið í faðmi fjölskyldu og kærleiksblóma um hátíðarnar þá er ég bara slök og tilbúin í að faðma að mér nýtt ár í algerri bjartsýni og góðum væntingum..eða þar til annað kemur í ljós.

En núna er ég að spá í einhverjum göldróttum og hrikalega spennandi eftirrétti sem ég get tekið með til mömmu annað kvöld en þar ætlum við stórfjölskyldan að taka fagnandi saman á móti nýju ári. Fyrr um daginn þegar ég er búin að velja eina af þeim uppskriftum af frábærum eftirréttum sem ég veit að þið munuð dæla í athugasemdakerfið mitt....þá ætla ég að láta smá illa svona bara til að klára árið með stæl og mæta í gönguna sem gengin verður frá Stjórnarráðinu klukkan 13.30 á morgun gamlársdag og að Hótel Borg til að halda á blysi og blása út því sem mér finnst um ..æ þið vitið. 

Komiði öll líka og gerum smá galdur sem virkar þannig að kryddsíldarkverúlantarnir standi bara upp og labbi út um leið og þau kveðja þjóðina og biðjast afsökunar á vanhæfi sínu og því hvað þau voru lengi að fatta hvað við vorum að meina allan tímann meðan við mótmæltum.

Svo hef ég setið prúð í dag  á kaffihúsi og sett á blað ýmislegt sem mun setja mark sitt á mitt nýja ár. Eitt af því dásamlega sem ég ætla að gera er að skella mér á námskeið í skapandi skrifum svo ég geti skáldað upp nýjar og frábærlega fínar og fallegar reglur og gildi fyrir Nýja Íslandið okkar sem við ætlum að skapa saman þegar spillingaröflunum hefur verið komið frá. Er það ekki bara gott plan?

Aldrei að vita hvað leynsist í dulvitundinni sem kemur svo upp á yfirborð konu og í gegnum pennann hennar þegar hún er búin að leggja sig og dreyma lausnirnar sem við þurfum svo núna.

Og svo óska ég þess að ég verði aldrei aftur svona reið og magnvana yfir heimsku og hroka manna og kvenna sem kannski vita ekki betur. Að ég verði svo fullorðin og þroskuð á nýju ári að ég andi rólega meðan ég geri byltinguna með ykkur hinum og verði alveg hrikalega yfirveguð og með jarðbundna dómgreind þegar ég tjái mig í ræðu og riti um landsmálin.  Eða ekki.

Anyway...lumið þið ekki á einum góðum eftirrétti fyrir bloggvinkonu ykkar sem lofar vænni sneið um leið og ég óska ykkur alls hins besta á nýju ári og vona að allt það besta sem til er í henni veröld verði á vegi ykkar þrátt fyrir ...æ þið vitið.

p.s flott væri að eftirrétturinn líti þannig út að það hafi tekið mig meira en allan daginn að gera hann..en í raun á hann samt að vera hrikalega fljótlegur, einfaldur og hrikalega góður. Það tekur örugglega smá tíma allt þetta með blysin og það..og því þarf þetta að vera svona. Veit þið skiljið hvað ég er að fara.

Ástar og áramótakveðja til ykkar..Smjúts!!

Hvernig sérðu nýja árið fyrir þér.. hvað gerist árið 2009?

Ég hef verið að velta þessu fyrir mér og spá og spekúlera hvernig allt verði eiginlega. Það sem ég heyri af fólki í kringum mig eru pælingar um það að flytjast af landi brott..sumir eru að klára uppsagnarfrest, aðrir með hrikalegar áhyggjur af heimili og framtíð fjölskyldunnar sinnar meðan aðrir yppa öxlum og ætla að sjá til. Getur vont versnað spyr ég mig daglega þegar ég les fréttir og fylgist með ástandinu.,.spillingunni sem heldur áfram að koma upp á yfirborðið og lekur inn í alla afkima þjóðfélagsins en enginn gerir neitt. Nema auðvitað mótmælendurnir sem eru farnir að láta til sín taka daglega með ýmsum aðgerðum.  Gott hjá þeim!!!

Hvernig verður eiginlega þetta samfélag okkar eftir niðurskurðinn á öllum helstu velferðarsviðunum, þúsundir manna og kvenna atvinnulaus og með bætur sem duga ekki fyrir grunnþörfunum, fyrirtækin rúlla yfir og bankar og lögmenn verða á fullu að innheimta..eða á ég að segja kreista... síðustu krónur fólksins til sín eftir stærsta arðrán íslandssögunnar??

Verður hægt að búa hér og hvernig mun sú meðferð sem þjóðin hefur nú fengið koma fram? Halda stjórnvöld í alvöru að reiðin, gremjan, vonbrigðin, örvæntingin og illskan yfir því að ölllu hafi verið kippt undan fjölskyldum landsins muni bara gufa upp í rólegheitunum og á meðan ráðamenn og konur sitja og fullgera hvítbókina þar sem enginn verður dreginn til saka fyrir eitt eða neitt. Já ég velti því fyrir mér hvort það sé ekki kaldhæðnislegt að senda út jóla og áramóta kortin núna og óska öllum velfarnaðar á komandi ári?

Auðvitað á óskin fullan rétt á sér og hennar eflaust meiri þörf en nokkru sinni áður.....mér sýnist bara að hún muni ekki rætast hjá svo mörgum.  Því miður.

Ég er hugsi yfir öllu þessu en mun gera allt sem í mínu valdi stendur til að geta borið höfuðið hátt og ég spyr mig... Eru ráðamenn þessarar þjóðar að gera allt sem í þeirra valdi stendur svo þessi þjóð geti borið höfuðið hátt? Geta þeir sjálfir borið höfðuðið hátt þegar þeir horfast í augu við sjálfa sig í speglinum og spyrja..."Er ég að gera allt sem í mínu valdi stendur til að þjóna þeim hagsmunum sem ég var kosinn til? Nei nei og aftur nei eru svörin sem koma upp í kolli mínum. Ég held að ég hafi aldrei haft eins litla trú eða traust á neinu fólki eins og þessu fólki sem hér ræður ferð. Ég ætla ekki einu sinni að setja þau orð á prent sem koma upp í huga minn þegar ég hugsa til þeirra. Það eru jú að koma jól og gott fyrir sálartetrið að hreinsa huga og hjarta....svo maður verður að spara orðbragðið.

Ég ætla að setja ljós í eldhúsgluggann og pakka nokkrum litlum gjöfum núna og mótmæla svo á laugardaginn eins og alla aðra laugardaga. Svo held ég að ég gerist bara alvöru aktivisti og fari út að hnoða snjóbolta. Svo asskoti góður efniviðurinn í þá núna...hvert ég ætla svo að kasta þeim kemur  í ljós.

Árið 2009 ætla ég svo bara að takast á við þegar það kemur. 

 

 

 

Táknrænn gjörningur í Lækjargötu. Hefur ekki náð athygli fjölmiðla.

Hvernig getum við útskýrt þetta fyrir þessum elskum?? Strangtrúaðir vilja klína á þau stórsyndum strax við fæðingu og ríkisvaldið ásamt auðvaldinu er búið að skuldsetja þau um milljónir á milljónir ofan áður en þau eru búin að læra að tala. Sorglegra en tárum taki.

Ég sá þessar myndir á netinu og ákvað að fá þær lánaðar til birtingar á blogginu mínu til að vekja athygli á þessum flotta gjörningi fyrst hann nær ekki athygli fjölmiðlanna. Vona að mér verði fyrirgefið það.